ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កម្ពុជាកាន់តែមានក្ដីសង្ឃឹមច្រើនជាងមុន ខណៈដែលមានក្រុមហ៊ុនជាច្រើនក្នុងស្រុកកំពុងត្រៀមទទួលស្វាគមន៍រោងចក្រដំឡើងរថយន្តមានតាមបណ្ដាររាជធានី ខេត្ត មួយចំនួន ដូចជា ប៉ោយប៉ែត ពោធិ៍សាត់ បន្ទាយមានជ័យ កោះកុងជាដើម។

រូបភាព៖​ សំណើរការសាងសង់រោងចក្រផ្ញុំ និងតម្លើងរថយន្ដ Ford របស់ក្រុមហ៊ុន RMA ក្នុងខេត្តពោធិ៍សាត់ (CAIF)

នៅចុងឆ្នាំ២០២១នេះ កម្ពុជាទទួលរោងចក្រដំឡើងរថយន្តធំៗដល់ទៅ ៣ កន្លែងផ្សេងៗគ្នាដូចជា ទី១ ក្រុមហ៊ុន  R M A Automotive(Cambodia)Co.,Ltd., បោះទុនវិនិយោគសាងសង់រោងចក្រផ្គុំ និងតម្លើងរថយន្ត Ford នៅក្នុងខេត្តពោធិ៍សាត់ ទី២ ក្រុមហ៊ុនតម្លើងរថយន្ត​​ HGB Motor ក្នុងខេត្តបន្ទាយមែនជ័យ និងទី៣ គឺរោងចក្រផ្គុំ និងតម្លើងរថយន្ត​ EM Automobile Co.,Ltd.,

ក្នុងខេត្តកោះកុង។​

គម្រោងវិនិយោគទាំងនេះ បានឆ្លុះបញ្ចាំងអំពីកំណើនតម្រូវការការប្រើប្រាស់រថយន្តថ្មី តាមរយៈការផ្លាស់ប្តូរផ្នត់គំនិត និងការយល់ដឹងរបស់ ប្រជាពលរដ្ឋអំពីអត្ថប្រយោជន៍ និងភាពខុសគ្នារវាងរថយន្តថ្មី និងរថយន្តជជុះ។

រូបភាព៖ ប្លង់សាងសង់រោងចក្រផ្គុំ និងតម្លើងរថយន្ដរបស់ R M A AUTOMOTIVE (CAMBODIA) CO., LTD (CDC)

ក្នុងគម្រោងនេះដដែល គេរំពឹងថាអាចស្រូបយកកម្លាំងពលកម្មបានច្រើនជាង ១០០០កន្លែង ចំណែករថយន្តដែលតម្លើងបាននឹងត្រូវចែកចាយលក់ក្នុងស្រុក ជាមួយតម្លៃសមរម្យជាងឡាននាំចូល និងអាចឈានទៅរកការនាំចេញទៅលក់ក្រៅប្រទេសដែលជាឈ្នាន់ សម្រាប់ជួយឲ្យសេដ្ឋកិច្ចកាន់តែលូតដុះដាលឡើងថែមមួយកម្រិតទៀត។ 

រូបភាព៖ ប្លង់សាងសង់រោងចក្រផ្គុំ និងតម្លើងរថយន្ដរបស់ EM AUTOMOBILE CO., LTD (CDC)

បច្ចុប្បន្នប្រជាជនកម្ពុជាជាច្រើនងាកមកប្រើប្រាស់រថយន្តថ្មីដែលនាំចូលនិងចែកចាយលក់ ដោយក្រុមហ៊ុនផ្ដាច់មុខជំនួសឱ្យរថយន្តជជុះ «ដោយសារតែតំលៃរបស់រថយន្តថ្មី និងរថយន្តជជុះ កាន់តែប្រកួតប្រជែងខ្លាំង ហើយគំលាតតំលៃរថយន្តកាន់តែប្រកៀកប្រកិតគ្នាឡើងក្នុងទីផ្សាររថយន្ត។ ប្រជាជនកម្ពុជាកាន់តែច្រើនឡើង មានលទ្ធភាពទិញរថយន្តថ្មីដែលមានទាំងការធានា និងសុវត្ថិភាពខ្ពស់ ពីក្រុមហ៊ុននាំចូល និងចែកចាយដោយក្រុមហ៊ុនផ្ដាច់មុខ យកមកប្រើប្រាស់ក្នុងតម្លៃសមរម្យ» នេះបើយោងតាមការវាយតម្លៃរបស់ សហព័ន្ធឧស្សាហកម្មយានយន្តកម្ពុជា។

ស្របជាមួយគ្នានេះដែរ រថយន្ត​ Ford ២ ម៉ូឌែលនឹងដំឡើងនៅកម្ពុជាក្នុងខែមេសាខាងមុខនេះ រួមមាន ម៉ូដែល Ford Ranger និង Ford Everest ក្រោមការបណ្តាក់ទុនវិនិយោគពីក្រុមហ៊ុន RMA ។ 

ស្ថិតក្នុងឱកាសអញ្ជើញជួបសំណេះសំណាលជាមួយសិស្សានុសិស្ស ថ្នាក់ទី១២ ដែលទើបបញ្ចប់ការប្រឡងសញ្ញាបត្រទុតិយភូមិ ឯកឧត្តម កែវ រតនៈ អគ្គនាយកអគ្គិសនីកម្ពុជា បានថ្លែងឱ្យដឹង យ៉ាងដូច្នេះថា «បើតាមផែនការមិនប្រែប្រួលតាមរយៈការខិតខំប្រឹងប្រែងរយៈពេលជាង ៥ឆ្នាំកន្លងមកនេះជាមួយអាជ្ញាធរគ្រប់លំដាប់ថ្នាក់ គឺរថយន្ត Ford សហរដ្ឋអាមេរិក ប្រភេទ Ford ទាំង Pick-Up ទាំង Station Wagon ឬFord SUV នឹងចាប់ផ្តើមផលិតក្នុងអំឡុងខែមេសា មុនចូលឆ្នាំខ្មែរ ដោយចេញពីទឹកដី នៃស្រុកក្រគររបស់យើង»។

ជារួមមក គម្រោងអភិវឌ្ឈន៍ទាំងនេះបានបង្ហាញពីភាពរីកចម្រើនរបស់ប្រទេសកម្ពុជា ហើយក៏បានអនុញ្ញាតឲ្យប្រជាជនកម្ពុជាកាន់តែច្រើនមានលទ្ធភាពប្រើប្រាស់រថយន្តថ្មី ប្រកបដោយគុណភាព សុវត្ថិភាពខ្ពស់ និងមានតម្លៃសមរម្យ ជៀសវាងការប្រើប្រាស់រថយន្តជជុះមិនមានប្រវត្តិច្បាស់លាស់ ដែលអាចបង្កផលប៉ះពាល់ដល់បរិស្ថាន គ្រោះថ្នាក់ចរាចរណ៍ និងការខាតបង់ផ្សេងៗជាច្រើនទៀត៕

អត្ថបទដោយ ៖ ថាវី

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto