👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

កាលពីថ្ងៃទី ១៧ ខែមិថុនា ឆ្នាំ ២០២២ ថ្មីៗនេះ ក្រុមប្រឹក្សាអភិវឌ្ឍន៍កម្ពុជា ឬហៅកាត់ថា CDC ទើបតែបានសម្រេច ចេញវិញ្ញាបនបត្រចុះបញ្ជីគម្រោងវិនិយោគ តាមសំណើសុំវិនិយោគរបស់ក្រុមហ៊ុន ចំនួន ៦ ដែលក្នុងនោះមានក្រុមហ៊ុនមួយមានគម្រោងវិនិយោគបង្កើតរោងចក្រដំឡើងរថយន្ដ ដែលមានទីតាំងក្នុងខេត្តកំពង់ស្ពី ។

រូបភាព៖ ទីតាំងសាងសង់រោងចក្រតម្លើងរថយន្ដរបស់ GTV MOTOR CO., LTD [/caption]

ក្រុមហ៊ុនវិនិយោគទុនបង្កើតរោងចក្រដំឡើងរថយន្ដថ្មីនេះ មានឈ្មោះថា GTV MOTOR CO., LTD  ដែលគ្រោងដាក់ទីតាំងសាងសង់រោងចក្រនេះ​ នៅ អគារលេខ ៦ A និង ៦ B ផ្លូវជាតិលេខ ៣ ភូមិអង្រ្គង ឃុំអង្គពពេល ស្រុកគងពិសី ខេត្តកំពង់ស្ពឺ ជាមួយនឹងទុនជាទឹកប្រាក់រហូតដល់ ១៥.៦ លានដុល្លារអាមេរិក ព្រមទាំងអាចស្រូបយកកម្លាំងពលកម្មក្នុងស្រុកបាន ៧៣៨ កន្លែង។ 

យោងតាមសេចក្ដីប្រកាស ក៏បានឲ្យដឹងដែរថា សម្រាប់រោងចក្រថ្មីនេះ គ្រោងនឹងដំឡើងរថយន្ដចំនួន ៣ ម៉ាក ក្នុងនោះមានដូចជា រថយន្ដចិនម៉ាក SOUEAST ចំនួន ៤ ម៉ូដែល, រថយន្ដដឹកទំនិញម៉ាក FAW ចំនួន ៥ ម៉ូដែល, រថយន្ដចិនម៉ាក DONGFENG ចំនួន ១០ ម៉ូដែលផងដែរ។ 

រូបភាព៖ រថយន្ដទាំង​ ៣ ម៉ាកដែលនឹងត្រូវតំឡើងក្នុងរោងចក្រ GTV MOTOR CO., LTD[/caption]

គួរបញ្ជាក់ផងដែរថា នេះគឺជារោងចក្រផ្គុំនិងដំឡើងរថយន្ដទី​ ៥ ហើយដែលបានឈានជើងមកវិនិយោគ លើទឹកដីកម្ពុជា ដែលក្រុមហ៊ុន ៤ ទៀតមានដូចជា ក្រុមហ៊ុន HGB Motor, ក្រុមហ៊ុន EM Automobile Co., Ltd., ផ្ដោតលើរថយន្ដធុនធ្ងន់, ក្រុមហ៊ុន K (CAMBODIA) CO., LTD ផ្ដោតលើរថយន្ដ ISUZU  និងក្រុមហ៊ុន RMA Cambodia ដែលទើបតែសម្ភោធបើកដំណើរការរោងចក្រតដំឡើងឡាន Ford ក្នុងខេត្តពោធិ៍សាត់កាលពីថ្ងៃទី ១៦ ខែមិថុនាកន្លងទៅនេះ ដែលនេះជាមោទនភាពមួយ បង្ហាញថាវិស័យឧស្សាហកម្មយានយន្ដក្នុងប្រទេសកម្ពុជាបច្ចុប្បន្ន កំពុងតែរីកដុះដាលជាលំដាប់។ 

អត្ថបទ៖ Andra  AdvanAuto  

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto