កាលពីពេលថ្មីៗនេះ ក្រុមហ៊ុន RMA Cambodia ដែលជាក្រុមហ៊ុននាំចូលរថយន្ត Changan នៅទីផ្សារកម្ពុជា ទើបតែទទួលបានពានរង្វាន់ជាក្រុមហ៊ុនដែលពង្រីកទីផ្សាររថយន្ត Changan ក្នុងរយៈពេលដ៏ខ្លី និងបានទូលំទូលាយ ក្នុងទីផ្សារប្រទេសកម្ពុជា ជាពិសេសការផ្តល់សេវាកម្មល្អបំផុតសម្រាប់អតិថិជន Changan ។

ពានរង្វាន់សំខាន់ៗរួមមាន “CHANGAN Excellence of service” និង “CHANGAN Excellence of network development” ត្រូវបានវាយតម្លៃយ៉ាងហ្មត់ចត់និងផ្តល់ជូនដោយក្រុមហ៊ុន Changan International Corporation (CIC) សម្រាប់តំណាងចែកចាយ ដៃគូនាំចូល និងអ្នកទទួលសិទ្ធលក់បន្តជារៀងរាល់ឆ្នាំ ខណៈដែលឆ្នាំនេះមានដៃគូចូលរួមកម្មវិធីប្រគល់ពានរង្វាន់នេះមកពី ៤៨ ប្រទេសឯណោះ ។

ពានរង្វាន់ Excellence of network development ត្រូវបានផ្តល់ជូនទៅកាន់ដៃគូនិងតំណាងចែកចាយ ដែលពង្រីកទីផ្សាររថយន្ត Changan ក្នុងរយៈពេលខ្លី ។ ក្នុងនោះដែរ RMA Cambodia ដែលទទួលសិទ្ធនាំចូលរថយន្ត Changan ក៏ត្រូវបានជ្រើសរើសឲ្យទទួលពានរង្វាន់នេះផងដែរ ក្នុងចំណោមដៃគូ Changan នៅប្រទេសផ្សេងទៀតដូចជា ហ្វីលីពីន គុយវ៉ែត និងពេរ៉ូជាដើម ។

ទៀតសោធន៍ក្រុមហ៊ុន RMA ត្រូវបាន CIC ទទួលស្គាល់ថាជាក្រុមហ៊ុនដែលផ្តល់សេវាកម្មល្អបំផុត សម្រាប់អតិថិជនដែលប្រើរថយន្ត Changan នៅទីផ្សារកម្ពុជា ជាពិសេសបានជួយឲ្យប្រជាជនកម្ពុជាស្គាល់រថយន្ត Changan កាន់តែច្រើន តាមរយៈប្រព័ន្ធផ្សព្វផ្សាយដ៏សម្បូរបែប។

គួរបញ្ជាក់ថា បច្ចុប្បន្ននេះក្រុមហ៊ុន RMA Cambodia បាននាំចូលរថយន្ត Changan ជាច្រើនម៉ូឌែលដែលមានដូចជា CS35 Plus, CS55 Plus, CS75 Plus, UNI-T, UNI-K និងមានគម្រោងនាំចូលម៉ូឌែលថ្មីៗក្នុងពេលឆាប់ៗនេះ ។