Changan CS75 Plus ឡានប្រណិតតម្លៃសមរម្យ តែទំនើបដូចឡានតម្លៃសែនដុល្លារ

👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ខណៈដែលប្រជាជនកម្ពុជា ជាច្រើនបានងាកមកពិចារណាប្រើប្រាស់រថយន្តថ្មី ដែលមានតម្លៃសមរម្យ គុណភាពខ្ពស់ បំពាក់បច្ចេកវិទ្យាទំនើប ក្រុមហ៊ុន អ អិម អេ ខេមបូឌា (RMA Cambodia) បាននាំចូលផ្តាច់មុខរថយន្តទំនើបសេរ៊ីឆ្នាំ ២០២២ Changan CS75 Plus ដើម្បីបំពេញតម្រូវការរបស់ប្រជាពលរដ្ឋជាច្រើន ។

CS75 Plus បំពាក់មកជាមួយនឹងម៉ាស៊ីន Blue Wale 2.0T ដែលជាបច្ចេកវិទ្យាជំនាន់ចុងក្រោយ របស់ក្រុមហ៊ុន CHANGAN ផលិតកម្លាំងរហូតដល់ 233 សេះ និងកម្លាំងរមួល 360 N.M ដោយស៊ីសាំងត្រឹមតែ 6.3L ប៉ុណ្ណោះក្នុងការធ្វើដំណើរ 100Km និងរត់ដោយប្រអប់លេខ ៨ វគ្គអូតូ ជាបច្ចេកវិទ្យាក្រុមហ៊ុនជប៉ុន AISIN ។

CS75 Plus ត្រូវបានរចនាឡើងបែបទំនើបទាន់សម័យ រំលេចដោយចង្កៀង LED ខាងមុខរាងទ្រវែងអូសកាត់ពីឆ្វេងទៅស្តាំ មានដំបូលកញ្ចក់ Panoramic អាចបើកឲ្យពន្លឺ និងខ្យល់ធម្មជាតិចូលក្នុងឡានបាន ។

ចំណែកឯផ្នែកខាងក្នុងវិញត្រូវបានដេគ័រយ៉ាងប្រណិត រួមមាន អេក្រង់ភ្លោះ ១២+១២ អ៊ីញ ដែលមាន ១ ដើរតួនាទីជាអេក្រង់ Touch សម្រាប់កំណត់មុខងារផ្សេងៗរបស់ឡាន បង្ហាញកាមេរ៉ា ៣៦០ ដឺក្រេ និងកាមេរ៉ា 3D ចំណែកឯអេក្រង់មួយទៀតដើរតួនាទីជាកុងទ័រឌីជីថល បង្ហាញព័ត៌មានក្នុងការបើកបរ ។ យើងងាកឯដៃចង្កូតវិញ វាត្រូវបានឌីហ្សាញលក្ខណៈបែបស្ព័រទម្រង់អក្សរ D អមមកជាមួយកៅអីស្រោបដោយស្បែកប្រណិត ជំនួយដោយប៊ូតុងអេឡិចត្រូនិក និងមានមុខងារបញ្ចេញខ្យល់ត្រជាក់ផងដែរ ។

ក្នុងនោះដែរ រថយន្តទំនើបមួយនេះ ទទួលបានចំណាត់ថ្នាក់សុវត្ថិភាពផ្កាយ ៥ ពេញ តាមរយៈការរចនាគ្រោងឆ្អឹងឡានដ៏រឹងមាំ ជាពិសេសវាមានប្រព័ន្ធសុវត្ថិភាពជាច្រើនដូចជា៖

⦁ប្រព័ន្ធសោរឆ្លាតវៃ Smart Key ដែលអាចបញ្ជាបញ្ឆេះរថយន្តពីចម្ងាយ និងបញ្ជារថយន្ដ ឲ្យបើកទៅមុខ ឬថយក្រោយ ងាយស្រួលក្នុងការចងនៅកន្លែងតូចចង្អៀត។

⦁ប្រព័ន្ធជំនួយចូលចតដោយស្វ័យប្រវត្តិ

⦁ប្រព័ន្ធកាមេរ៉ាសុវត្ថិភាព 360 ដឺក្រេកម្រិត HD

⦁ប្រព័ន្ធ IACC ៖ ជួយកំណត់ល្បឿនឡានដោយស្វ័យប្រវត្តិ រក្សាគម្លាតសុវត្ថិភាព និងទាញចង្កូតឡានចូលកណ្តាលគន្លង

⦁ប្រព័ន្ធផ្ដល់ដំណឹងនៅពេលបើកបរចេញពីគន្លងផ្លូវ (Lane Departure Warning)

⦁ប្រព័ន្ធទប់លំនឹងពេលឡើងនិងចំណោត

⦁ប្រព័ន្ធហ្វ្រាំងដៃអេឡិចត្រូនិច ដែលចេះផ្តាច់ហ្រ្វាំងអូតូ ពេលឡានបើកទៅមុខ

⦁និងប្រព័ន្ធពិនិត្យសម្ពាធកង់រថយន្ដ ជាដើម ។

លោកអ្នកអាចស្វែររក ជាវ កក់ ឬសាកសួរព័ត៌មានបន្ថែមពីរថយន្ដ Changan ម៉ូដែល CS75 Plus ស៊េរីឆ្នាំ ២០២២ បាននៅអគារតាំងបង្ហាញ CHANGAN AUTO CAMBODIA ដែលមានទីតាំងស្ថិតនៅ ផ្ទះលេខ ៧៦៧B ផ្លូវ មុន្នីវង្ស សង្កាត់ បឹងត្របែក ខណ្ឌចំការមន រាជធានីភ្នំពេញ ឬតាមរយៈលេខទូរសព្ទ ៖ 011 999 375។

ទស្សនាវីដេអូ Review Changan CS75 Plus ដោយ Advan Auto :