• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

តាមរយៈរបាយការណ៍ចុះផ្សាយ កាលពីពេលថ្មីនេះបានឲ្យដឹងថា បច្ចុប្បន្ន ជាង ៦០% នៃទីផ្សារផលិត និងនាំចេញឡានអគ្គិសនីសរុបលើពិភពលោក គឺស្ថិតនៅក្នុងកណ្ដាប់ដៃប្រទេស ចិន។ 

តាមរបាយការណ៍របស់ Nikkei Asia បានឲ្យដឹងថា ក្នុងឆ្នាំ ២០២១ ចិនបានសម្រេចការលក់ រថយន្ដអគ្គិសនីរបស់ខ្លួនជាង ៣.២ លានគ្រឿង ជិតស្មើនឹងពាក់កណ្ដាលចំនួនឡានអគ្គិសនី ដែលបាន លក់ចេញសរុបជុំវិញពិភពលោក ។

យោងតាមរបាយបាយការណ៍ពី រដ្ឋបាលគយប្រទេសចិន បានឲ្យដឹងដែរថា ការនាំចេញឡានអគ្គិសនី របស់ចិនបានកើនឡើង ២.៦ ដង ដែលស្មើនឹង ៤៩៩ ៥៧៣ គ្រឿង ក្នុងឆ្នាំ ២០២១ ហើយបានក្លាយទៅជាមជ្ឍមណ្ឌលរោងចក្រផលិតឡានអគ្គិសនីធំជាងគេ ដែលក្ដោបក្ដាប់ទីផ្សារឡានអគ្គិសនីជាង ៦០% ទូទាំងពិភពលោក។ 

ជាក់ស្ដែង ការនាំចេញរថយន្ដអគ្គិសនីពីចិនទៅអ៊ឺរ៉ុបបានកើនឡើងដល់ទៅ ៥ដង ឬស្មើនឹង ២៣០ ០០០ គ្រឿង សូម្បីតែរថយន្ដតេស្លា ដែលលក់នៅអ៊ឺរ៉ុបភាគច្រើនក៏ត្រូវបាននាំចេញពីរោងចក្រយក្សរបស់តេស្លានៅសៀងហៃ ប្រទេសចិនដែរ។

ផ្អែកលើទិន្នន័យមួ​យទៀតរបស់ LMC Automotive ក៏បានបង្ហាញដែរថា ឆ្នាំ ២០២១ នេះ ផលិតកម្មឡានអគ្គិសនីសរុបក្នុងពិភពលោកមានចំនួន ៣.៩៩ លានគ្រឿង ដោយ ៥៧.៤% នៃចំនួនសរុប ចេញពីចិន ២២% ពី អ៊ឺរ៉ុប ១២ % អាមេរិកបាន និងជប៉ុន បានត្រឹមតែ ០.៩% ប៉ុណ្ណោះ។

តាមរយៈវេបសាយវិភាគទីផ្សារ Canalys ក៏បានបន្ថែមទៀតថា ក្នុងរង្វង់ ៦ខែចុងក្រោយនេះមានរថយន្ដអគ្គិសនីជិត ១.១ លានត្រូវបានលក់ក្នុងប្រទេសចិន និង ១លាននៅអ៊ឺរ៉ុប ហើយអាមេរិកបានត្រឹមតែ ២៥០ ០០០ គ្រឿងប៉ុណ្ណោះដែលស្មើនឹង ៣% នៃចំនួនសរុប។

វេបសាយវិភាគទីផ្សារ Gartner ក៏បានព្យាករណ៍ថា ក្នុងឆ្នាំ ២០២២ នេះផលិតកម្មរថយន្ដអគ្គិសនី និង រថយន្ដប្រភេទ Plug in Hybrid នឹងកើនឡើងជាង ៦លានគ្រឿងទៀតទូទាំងពិភពលោក  ភ្ជាប់មកជាមួយបច្ចេកវិទ្យាថ្មី​ៗ មានច្រើនទម្រង់ ច្រើនម៉ូដែល បើកបានឆ្ងាយជាងមុន អាគុយអាចកែច្នៃបាន និងប្រព័ន្ធសាកថ្មីរហ័សជាងមុនជាដើម។​

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto