👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ក្រុមហ៊ុនផលិតរថយន្ដល្បីឈ្មោះរបស់ប្រទេសចិន NIO ថ្មីៗនេះ ទើបតែបានប្រកាសអបអរសាទរការបើកសាខាទី ៩០០ នៃស្ថានីយ៍ប្ដូរអាគុយឡានអគ្គិសនីរបស់ខ្លួន ក្នុងប្រទេសចិន ព្រមជាមួយនឹងស្ថិតិនៃការផ្ដល់សេវាដល់ទៅ ៨ លានដង ហើយព្យាករណ៍ថា​នឹងសម្រេចការដំឡើងស្ថានីយ៍បន្ថែមទៀតឲ្យបាន ១៣០០ កន្លែងនៅបំណាច់ឆ្នាំ ២០២២ នេះ។ 

ស្ថានីយ៍ទាំង ៩០០ កន្លែងនេះ ត្រូវបានប្រើប្រាស់ផ្ដល់សេវាកម្មប្ដូរអាគុយឡានអគ្គិសនីបានចំនួន ៨លានដង មកហើយ រាប់មកដល់ពេលបច្ចុប្បន្ន បើប្រៀបធៀបទៅនឹងទិន្នន័យកាលពីខែធ្នូ ឆ្នាំ មុន មានត្រឹមតែ ៥.៣ លានដង ដោយបង្ហាញថាជាមធ្យមស្ថានីយមួយប្ដូរអាគុយបានជាង ៩០០០ ដង។ 

ស្ថានីយ៍នេះផ្ដល់់ជូនការប្ដូរអាគុយ ២ ប្រភេទសម្រាប់រថយន្ដ NIO មានដូចជា អាគុយថាមពល 75 kWh និង 100 kWh និង គ្រោងផ្ដល់ជូនមួយប្រភេទទៀតដែលមានថាមពល 150 kWh។

គោលបំណងនៃការបង្កើតឲ្យមានស្ថានីយ៍ប្ដូរអាគុយឡានអគ្គិសនីនេះឡើងគឺដើម្បីសម្រួលដល់ម្ចាស់រថយន្ដដែលត្រូវការធ្វើដំណើរផ្លូវឆ្ងាយ ហើយមិនចង់ចំណាយពេលយូរសម្រាប់សាកអាគុយ ព្រមទាំងអាចប្ដូរគុណភាពអាគុយជាប្រចាំ ជាមួយតម្លៃទាប។ 

ក្នុងនោះដែរ NIO បានឲ្យដឹងថា ស្ថានីយប្ដូរអាគុយជំនាន់ទី ២នេះ ត្រូវបានដំឡើងដំបូងកាលពីខែមេសា ឆ្នាំ ២០២១ ដែលមានសមត្ថភាពអាចស្ដុក និងប្ដូរអាគុយឡានចំនួន ៣១២ គ្រឿងក្នុងមួយថ្ងៃ ដែលមានន័យថាវាចំណាយពេលត្រឹមតែ ៤ នាទីកន្លះ ប៉ុណ្ណោះសម្រាប់ប្ដូរអាគុយឡានមួយ ។

NIO ក៏បានបន្ថែមទៀតថា ខ្លួនបានសហការជាមួយនឹងក្រុមហ៊ុនល្បីៗមួយចំនួនទៀតដូចជា Sinopec និង Shell គ្រោងពង្រីកការសាងសង់ស្ថានីយ៍ប្ដូរអាគុយឡាននេះបន្ថែមទៀតដែលសរុប ៣០០០ កន្លែងក្នុងប្រទេសចិន បូករួម ១០០០ កន្លែងទៀតនៅក្រៅប្រទេស នៅឆ្នាំ ២០២៥ ហើយបច្ចុប្បន្នខ្លួនបានសម្រេចដំឡើងស្ថានីយ៍ប្ដូរមួយកន្លែងហើយនៅក្នុងប្រទេស ន័រវ៉េស គូជាមួយនឹងការនាំចេញរថយន្ដអគ្គិសនី NIO ES8 ផងដែរ។​ 

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto