ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

យោងទៅតាមរបាយការណ៍ របស់ក្រុមអ្នកវិភាគស្ថានភាពឧស្សាហកម្មប្រេងឥទ្ទនៈពិភពលោក កាលពីពេលថ្មីៗនេះ បានឲ្យដឹងថា តម្លៃប្រេងឥន្ទនៈ នឹងបន្ដឡើងថ្លៃឥតឈប់ឈរ ដោយសារភាពតានតឹងរវាង រុស្ស៊ី និងអ៊ុយក្រែនកាន់តែឆេះខ្លាំងទៅៗ ដែលអាចបង្កឲ្យមានវិបត្តិសេដ្ឋកិច្ចពិភពលោក។

តាមរយៈទន្និន័យ តម្លៃប្រេងឆៅអន្ដរជាតិ របស់ Brent Crude បានបង្ហាញថា តម្លៃប្រេងឆៅចាប់ផ្ដើម កើនឡើងដំបូងចំនួន ៣.២៤% ដែលគិតជាទឹកប្រាក់ ១១៦.៥៩ ដុល្លារក្នុងមួយបារែល (២៩៨៤ រៀលក្នុងមួយលីត្រ) បន្ទាប់មកកើនឡើង ៦.៩% ដែលស្មើនឹង ១១៨.១១ ដុល្លារ (៣០២៥​រៀល មួយលីត្រ) ហើយថ្មីៗឡើងដល់ ១១៩ ដុល្លារក្នុងមួយបារែល​ (៣០៥៨ រៀល ក្នុងមួយលីត្រ) ដែលអ្នកវិភាគទាំងអស់កំពុងមានការព្រួយបារម្ភថា វាអាចនឹងឡើងដល់ ២០០ ដុល្លារក្នុងមួយបារែល ឬស្មើនឹង ៥១៤៣ រៀល ក្នុងមួយលីត្រ។

តាមរបាយការណ៍ពីសហភាពក្រុមប្រទេសនាំចេញប្រេង ឬហៅកាត់ថា OPEC បានឲ្យដឹងថា ខ្លួននឹងបញ្ចេញប្រេង ចំនួន ៤០០ ០០០ បារែលក្នុងមួយថ្ងៃនៅខែមេសានេះ។ ចំណែកឯទីភ្នាក់ងារថាមពលអន្ដរជាតិ IEA បានឲ្យដឹងដែរ ថាខ្លួន និងសមាជិករបស់ខ្លួនបានព្រមព្រាងគ្នា បញ្ចេញប្រេងបម្រុងពេលចាំបាច់របស់ខ្លួនចំនួន ៦០លានបារែល ដើម្បីផ្គត់ផ្គង់តម្រូវការ និងការបាត់បង់ដោយសារបញ្ហារុស្ស៊ី-អ៊ុយក្រែន។

លោក Antony Blinken រដ្ឋមន្ដ្រីកាទូតរបស់សហរដ្ឋអាមេរិក បានមានប្រសាសន៍ថា សហរដ្ឋអាមេរិក និងសម្ព័ន្ធមិត្តរបស់ខ្លួនបានពិភាក្សាគ្នា ពីហាមឃាត់ការនាំចូលប្រេងមកពីប្រទេស រុស្ស៊ី ដែលជាវិធានការមួយ ពិបាកក្នុងការសម្រេច ដោយសារតែ រុស្ស៊ីគឺជាប្រទេសមួយដែលដើរតួនាទីចម្បង ក្នុងការនាំចេញប្រេង  ជាពិសេសគឺប្រេងនៅអ៊ឺរ៉ុបជាង ៣០ ទៅ ៤០% ត្រូវបាននាំចូលពីរុស្ស៊ី។ 

គួររំឭកផងដែរថា ប្រទេសរុស្ស៊ី​ជាប្រទេសផលិតបានផលិតផលប្រេងច្រើនជាងគេទី ៣ និងជាអ្នកនាំចេញប្រេង បានច្រើនជាងគេ​លំដាប់ទី ១​លើពិភពលោក ដែលទិន្នផលសរុបជាង ១២% លើផលិតផលប្រេងសរុបលើ ពិភពលោក។

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto