👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ ………………………………………………………………………………….

ក្រុមហ៊ុន Qiantu គឺជាក្រុមហ៊ុនបុត្រសម្ព័ន្ធរបស់ CH Auto ហើយវាស្ថិតក្នុងចំណោមក្រុមហ៊ុនដំបូងគេដែលទទួលបានអាជ្ញាប័ណ្ណផលិតរថយន្តអគ្គិសនីនៅក្នុងប្រទេសចិនផងដែរ។ កាលពីមុនរថយន្តម៉ូឌែល K50 ជារថយន្ដដែលប្រើអគ្គិសនីសុទ្ធដំបូងរបស់ក្រុមហ៊ុន Qiantu និងត្រូវបានដាក់បង្ហាញនៅក្នុងប្រទេសចិនកាលពីឆ្នាំ ២០១៦​ ប៉ុន្ដែគួរឲ្យសោកស្ដាយដែលម៉ូឌែលមួយនេះត្រូវបានបរាជ័យនៅលើទីផ្សារ។

គួរបន្តទៀតថាក្រុមហ៊ុន Qiantu បានចែកចាយរថយន្តអគ្គិសនីប្រភេទស្ព័រត្រឹមតែពីរបីរយគ្រឿងតែប៉ុណ្ណោះ និងត្រូវបានបញ្ឈប់ដំណើរការនៅឆ្នាំ ២០២០ ប៉ុន្តែក៏ត្រូវបានចាប់ផ្តើមដំណើរការឡើងវិញកាលពីឆ្នាំមុនជាមួយនិងម៉ូឌែល Qiantu K20 ជាមួយរូបរាងដ៏សុីវីល័យ។

ឥឡូវនេះ Qiantu បានបង្ហាញកំណែថ្មីគឺម៉ូឌែល K20 ដែលជារថយន្តអគ្គិសនីខ្នាតតូចពីរកៅអី ឡាននេះអាចផលិតកម្លាំងបាន ១៦០ kW និងកម្លាំងរមួល ២៩០ ញូតុនម៉ែត្រ។ នេះ​បើយោង​តាម​ព័ត៌មាន​ដែល​ក្រុមហ៊ុន​បាន​ប្រកាស​កន្លង​មក ដោយឡែកឡាននេះមានទម្ងន់ត្រឹមតែ ៧៨០ គីឡូក្រាមតែប៉ុណ្ណោះ។

ក្រុមហ៊ុន​មិនទាន់​បាន​បង្ហាញ​ពី​សមត្ថភាព​ថាមពល​អាគុយនៅឡើយទេ​ ប៉ុន្តែ​វា​និយាយ​ថា​កំណែ​ថ្មីនេះនិង​អាច​​បើកបរបានចម្ងាយ ៥០០ គីឡូម៉ែត្រ រាល់ការ​សាក​ថ្ម​ម្ដង។ ជាមួយគ្នានេះឡាននេះមានសមត្ថភាពបង្កើនល្បឿនពី ០-១០០ គីឡូម៉ែត្រក្នុងមួយម៉ោងចំណាយពេលត្រឹមតែ ៤.៧ វិនាទីដែលស្ទុះជាងរថយន្ដអគ្គិសនីផ្សេងទៀត។

គួរបញ្ជាក់ផងដែរថា Qiantu ក៏កំពុងផ្តល់ជូននូវម៉ូឌែល K20 នៅក្នុងទីផ្សារប្រទេសចិន ក៏ប៉ុន្តែវាមិនទាន់បានចែកចាយនៅក្នុងទីផ្សាររថយន្តអគ្គិសនីផ្សេងទៀតនោះទេ ចំពោះព៌ត័មានតម្លៃវិញវាមានតម្លៃចាប់ពី ២២,៥០០ ដុល្លារឡើងទៅដែលជាតម្លៃចេញពីរោងចក្រ។

អត្ថបទដោយ៖ Nita @AdvanAuto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto