ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

បច្ចុប្បន្ននេះ ក្រុមហ៊ុនផលិតឡាន Pick up ល្បីឈ្មោះ Ford Motor Co កំពុងតែចាប់ដៃសហការគ្នា ធ្វើការជាមួយនឹងក្រុមអ្នកវិទ្យាសាស្រ្ដមកពីសកលវិទ្យាល័យ Purdue ក្នុងរដ្ឋ Indiana សហរដ្ឋអាមេរិក លើគម្រោងអភិវឌ្ឍបច្ចេកវិទ្យាថ្មីដែលអាចជួយកាត់បន្ថយរយៈពេលសាកអាគុយឡានអគ្គិសនីពី ២៥ នាទីជាមធ្យម មកសល់ត្រឹម ៥នាទីប៉ុណ្ណោះ។

បើតាមការឲ្យដឹងពីលោក សាស្រ្ដាចារ្យ Issam Mudawar បានឲ្យដឹងថា បច្ចេកវិទ្យានេះត្រូវបានសិក្សាបំបែកចេញពី បច្ចេកវិទ្យាដែលគេប្រើប្រាស់ក្នុងយន្ដហោះចម្បាំង និងយានអាវកាស អភិវឌ្ឍយកមកបំពាក់ក្នុងវិស័យឡានអគ្គិសនី ដើម្បីកាត់បន្ថយរយៈពេលសាកអាគុយឡានឲ្យនៅតិចជាងមុន ដូចនេះអ្នកបើកបរនឹងមិនចាំបាច់បារម្ភខ្លាចអស់អាគុយតាមផ្លូវ ហើយត្រូវឈប់សាកយូរនោះទេ។ 

លោក Michael Degner ប្រធានផ្នែកបច្ចេកទេសប្រចាំមជ្ឈមណ្ឌលស្រាវជ្រាវ និងវិស្វកម្មជាន់ខ្ពស់របស់ក្រុមហ៊ុន Ford បានមានប្រសាសន៍ថា “ខ្សែសាកអាគុយឡានអគ្គិសនីបច្ចុប្បន្នត្រូវបានគេកំណត់កម្រិតល្បឿនសាកចូលរបស់វា ព្រោះកាលណាវាសាកចូលលឿនពេក នោះនឹងធ្វើឲ្យអាគុយឡានឡើងកម្ដៅខ្លាំង អាចបង្កជាគ្រោះថ្នាក់”។

លោកបានបន្ថែមទៀតថា “ប៉ុន្ដែសម្រាប់ខ្សែសាកដែលរចនាឡើងពីក្រុមអ្នកវិទ្យាសាស្រ្ដរបស់ Purdue នេះវិញ ត្រូវបានប្រើប្រាស់អង្គធាតុរាវសម្រាប់ស្អំបន្ថយកម្ដៅខ្សែភ្លើង និងបម្លែងអង្គធាតុរាវនោះទៅជាចំហាយទឹក។ វាអាចបញ្ជូន ថាមពលអគ្គិសនីលឿនជាងខ្សែសាកបច្ចុប្បន្នបានដល់ទៅ ៤.៦ ដង ជាមួយនឹងការកាត់បន្ថយថាមពលកម្ដៅបាន ២៤២២ គីឡូវ៉ាត់។

គួរបញ្ជាក់ផងដែរថា សម្រាប់គម្រូសាកល្បងបច្ចេកវិទ្យាថ្មីនេះ បច្ចុប្បន្នកំពុងតែធ្វើតេស្ដពិសោធន៍ពីដំណើរការ និងគុណភាពរបស់វា និងបំពេញបន្ថែមចន្លោះខ្វះខាតនានា ហើយសន្យាថានឹងនាំផលិតផលសម្រចមកបង្ហាញមុខជា ផ្លូវការលើទីផ្សារក្នុងពេលឆាប់ៗនេះ។ 

អត្ថបទដោយ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto