• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

Ford F-150 Lighting ត្រូវបានគេស្គាល់ថាជាឡាន pick up អគ្គិសនីដំបូងគេរបស់ក្រុមហ៊ុន Ford ដែលទើបតែប្រកាសចេញមុខកាលពីប៉ុន្មានខែមុន និងទទួលបានការចាប់អារម្មណ៍កម្មង់ទិញជាច្រើនលើសលប់ បណ្ដាលឲ្យមានឈ្មួញកណ្ដាលមួយចំនួនរកស៊ីខ្សែរលើដំឡើងថ្លៃរហូតដល់ជាង ៣០០០០ ដុល្លារ។ 

បើតាមតម្លៃដែលបានសន្មត់ចេញពី ក្រុមប្រឹក្សាចាត់ចែងតម្លៃឡានលក់រាយ MSRP គឺឈ្មួញអាចតម្លើងថ្លៃបានដល់ ១០០០០ ដុល្លារ ដែលធ្វើឲ្យ Ford F-150 Lightning ប្រភេទ XLT អាចមានតម្លៃចាប់ ៥៣​០០០ ដុល្លារឡើង រីឯ ប្រភេទ pro វិញអាចចាប់ពី ៤០០០០ ដុល្លារឡើង។ ក៏ប៉ុន្ដែ នៅមានឈ្មួញកណ្ដាលមួយចំនួន ខំប្រឹងច្បាមយកផលប្រយោជន៍ដោយដំឡើងថ្លៃ លើសលប់ នេះបើតាមរយៈការចុះផ្សាយពីសារព័ត៌មាន electrek ។

ក្រុមហ៊ុនលក់រថយន្ដមួយឈ្មោះ Koons Ford ក្នុងរដ្ខ​ Virginia សហរដ្ខអាមេរិកបានបង្ហាញថា “អតិថិជនដែលចង់ក្លាយជាម្ចាស់ Ford F-150 Lightning ២៥គ្រឿង ដំបូងគេត្រូវចំណាយទឹកប្រាក់បន្ថែម ៣០០០០ ដុល្លារ ក្រៅពីនោះការកម្មង់ធម្មតាត្រូវថែមទឹកប្រាក់ ១០០០០ ដុល្លារលើតម្លៃរោងចក្រ។” 

គួរបញ្ជាក់ផងដែរថា កាលពីបីខែមុន Ford Motor បានប្រកាសថាខ្លួននឹងផលិត Ford F-150 Lightning នេះចំនួន ១៥០០០ គ្រឿងក្នុងឆ្នាំ ២០២២, ៥៥០០០ គ្រឿងទៀតក្នុងឆ្នាំ ២០២៣ និង ៨០០០០ គ្រឿងបន្ថែមក្នុងឆ្នាំ ២០២៤ ហើយបច្ចុប្បន្ននេះ Ford បានទទួលការម្មង់ជាង ២០០ ០០០ គ្រឿងទៅហើយដែលជាបញ្ហាសម្រាប់ទាំងក្រុមហ៊ុន Ford និងអតិថិជនដែលចង់ក្លាយជាម្ចាស់ឡាននេះផងដែរ។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto