ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email: Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗក្រុមហ៊ុនផលិតរថយន្ដ Pick up ល្បីឈ្មោះ Ford បានប្រកាសថារថយន្ថម៉ូដែលថ្មី របស់ខ្លួនឈ្មោះថា Ford Everest សេរីថ្មីឆ្នាំ ២០២៣ នឹងចាប់ផ្ដើមផលិតកម្មនៅដើមខែ មិនាឆ្នាំ ២០២២ នេះ។ 

Ford Everest សេរីថ្មីនេះជាប្រភេទរថយន្ដ SUV ទំហំកណ្ដាល មានកៅអី ៣ជួរ និងត្រូវបានរចនារូបរាង ដោយប្រើស្ថាបត្យកម្មថ្មី T6 body-on-frame platform ខុសពីសេរីមុន។

តាមរយៈរូបភាពដែលសារព័ត៌មាន Motor Authority បានផ្ដិតយកមក បង្ហាញរូបគម្រូរថយន្ដ Ford Everest នេះកំពុងបើកបរធ្វើតេស្ដសាកល្បងសមត្ថភាពនៅជិតទីស្នាក់ការកណ្ដាលរបស់ខ្លួន ក្នុងតំបន់ Dearborn, រដ្ឋ Michigan សហរដ្ឋអាមេរិក ដែលរូបរាងខាងក្រៅលម្អិតរបស់វាត្រូវគេបិទបាំងជិត តែគេសន្និដ្ឋានថារចនាបទ ខាងក្រៅរបស់វាគឹស្រដៀងនឹងស្ដាយរបស់ Ford Ranger សេរីថ្មីដែរ ជាមួយនឹងគ្រោងឆ្អឹងថ្មី ម៉ូដប៉ាណាថ្មី និងការផ្លាស់ប្ដូរទម្រង់ផ្នែកខាងក្រោយ។

ចំណែកឯផ្នែកខាងក្នុងវិញ ត្រូវបានរៀបចំឡើងថ្មីប្រើប្រាស់ប្រព័ន្ធទំនើបផ្សេងៗស្រដៀងទៅនឹងម៉ូដែល Ranger ដែរ ដោយបំពាក់ជាមួយអេក្រង់ឌីជីថល Touch Screen ទំហំ ១០.១ ឬ ១២ អិញ ជាមួយកាមេរ៉ា មើលក្រោយគុណភាពល្អ និងបច្ចេកវិទ្យាជំនួយការអ្នកបើកបរ Driver-assist features ជាច្រើនផងដែរ ។

សម្រាប់ផ្នែកមេកានិចវិញ Ford នៅមិនទាន់បានបង្ហាញច្បាស់នៅឡើយទេ តែដោយសារតែវាដូចជា SUV Ford Ranger ទៅហើយដូច្នេះវាអាចបំពាក់នូវប្រព័ន្ធគ្រឿងម៉ាស៊ីនដូចគ្នា គឺ turbocharged inline-4 V6 ដែលមានទាំងប្រភេទសាំង និងម៉ាស៊ូត ព្រមជាមួយនឹងជម្រើសប្រព័ន្ធប្រអប់លេខដៃ ៦ ឬ ៧វគ្គ និងប្រអប់លេខ ១០វគ្គអូតូ។

ក្នុងនោះ គេក៏រំពឹងថា Ford Everest នេះនឹងនាំមកជូននូវមុខងារ Hybrid ផងដែរ ដោយសារតែប្រព័ន្ធនេះនឹងត្រូវបំពាក់លើរថយន្ដ Ford Ranger សេរីថ្មីដូចគ្នា។​

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto