👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

មានលុយខ្ទង់ ៤ មុឺនជាងចង់បានឡានស្ព័រទំនើបហើយប្រណិតទៀតតែមិនដឹងគួរជ្រើសរើសម៉ូឌែលមួយណាមែនទេ? ថ្ងៃនេះ Advan Auto នឹងលើកយកពីរម៉ូឌែលមកចែកជូនបងប្អូនគួរពិចារណាដែលរួមមាន Chevrolet Camaro Rs ស៊េរីឆ្នាំ ២០១៦ និងមួយម៉ូឌែលទៀតគឺ Ford Mustang ស៊េរីឆ្នាំ ២០១៦ ដែលសុទ្ធសឹងតែជាឡានស្ព័រមានការគាំទ្រយ៉ាងខ្លាំងនៅលើទីផ្សារប្រទេសកម្ពុជា។

គួរបញ្ជាក់ផងដែរថារថយន្ដម៉ូឌែល Chevrolet Camaro Rs 2LT ស៊េរីឆ្នាំ ២០១៦ បានបំពាក់មកជាមួយម៉ាស៊ីន ៤ស៊ីឡាំង turbocharged ចំណុះ ២ លីត្រដែលអាចផលិតកម្លាំងបាន ២៧៥ សេះនិងកម្លាំងរមួល ៤០០ ញូតុនម៉ែត្រ ធ្វើការបញ្ជូនចលនាដោយប្រអប់លេខ ៨ វគ្គអូតូ ជាមួយការបង្វិលកង់ដោយកង់ខាងក្រោយ RWD ប្រើប្រាស់ជាមួយយ៉ាន់កង់ស្ព័រទំហំ ២០ អ៊ីញ។

រថយន្ដមួយនេះមានសមត្ថភាពអាចស្ទុះល្បឿនពី ០-១០០ គីឡូម៉ែត្រក្នុងមួយម៉ោងដោយចាយពេលអស់ ៥ វិនាទីតែប៉ុណ្ណោះ។ ជាមួយកម្រិតស៊ីសាំងវិញ Camaro អាចបើកបរចម្ងាយ ១០០ គីឡូម៉ែត្រស៊ីសាំង ១១ លីត្រសម្រាប់ក្នុងក្រុង និងបើកបរលើផ្លូវហាយវេរក្នុងចចម្ងាយ ១០០ គីឡូម៉ែត្រស៊ីសាំង ៧ លីត្រ។

សម្រាប់មួយម៉ូឌែលទៀតគឺ Ford Mustang Ecoboost ស៊េរីឆ្នាំ ២០១៦ ដែលបានបំពាក់មកជាមួយម៉ាស៊ីន ៤ ស៊ីឡាំង turbocharged EcoBoost ចំណុះ ២.៣ លីត្រដែលអាចផលិតកម្លាំងបាន ៣១០ សេះនិងកម្លាំងរមួល ៤៣៣ ញូតុនម៉ែត្រធ្វើការបញ្ជូនចលនាតាមរយៈប្រអប់លេខ ៦ វគ្គអូតូដំណើរការដោយកង់ខាងក្រោយអមជាមួយយ៉ាន់កង់ទំហំ ១៩ អ៊ីញ។

បើនិយាយពីសម្ថភាពជាន់ស្ទុះវិញ Mustang អាចបង្កើតល្បឿនពី ០-១០០ គីឡូម៉ែត្រក្នុងមួយម៉ោងចំណាយពេល ៦.៣ វិនាទី។ ចំណែកឯកម្រិតស៊ីសាំងវិញ Mustang ស៊ីសាំង ១០​ លីត្រនៅផ្លូវក្នុងក្រុង និង ក្រៅក្រុងស៊ីសាំង ៧ លីត្រ។

ក្រឡេកចូលទៅមើលផ្នែកខាងក្នុងនៃម៉ូឌែល Camaro នេះបានបំពាក់មកជាមួយអេក្រង់កម្សាន្ដ touch screen ទំហំ ៧ អ៊ីញ អាចភ្ជាប់ជាមួយប្រព័ន្ធ Apple CarPlay និង Android Auto អមជាមួយរន្ធ USB ផងដែរ ស្របគ្នានេះដែរផ្នែកខាងក្នុងនៃម៉ូឌែល Mustang វិញបានបំពាក់មកជាមួយអេក្រង់កម្សាន្ដ touch screen ទំហំ ៨ អ៊ីញ ហើយក៏អាចភ្ជាប់ជាមួយប្រព័ន្ធ Apple CarPlay និង Android Auto បានដូចគ្នា។

ទន្ទឹមនឹងនេះផ្នែកខាងក្រៅវិញម៉ូឌែល Camaro បានបំពាក់មកជាមួយចង្កៀងមុខប្រភេទ LED ឆ្នូតបន្ថែមជាមួយអំពូលគុជសងខាងដែលមើលទៅកាន់តែកាច ចំនែកឯ Mustang វិញក៏បានបំពាក់ជាមួយចង្កៀងប្រភេទ LED ឆ្នូតៗមើលទៅពិតជាមានភាពទាន់សម័យជាមួយរូបរាងដ៏ស៊ីវល័យ។

សរុបមករថយន្ដទាំងពីរម៉ូឌែលនេះគឺមិនសូវមានអ្វីខុសគ្នាច្រើនទេសូម្បីតែរូបខាងក្រៅ ឫ​ផ្នែកខាងក្នុងមើលទៅក៏មានភាពស្រដៀងគ្នាដែរគ្រាន់តែកម្លាំងម៉ាស៊ីន និង កម្រិតស៊ីសាំងខុសគ្នាបន្តិចបន្តួចតែប៉ុណ្ណោះ។ បើនិយាយពីតម្លៃវិញរថយន្ដម៉ូឌែល Chevrolet camaro ស៊េរីឆ្នាំ ២០១៦ បច្ចុប្បន្ននេះនៅលើទីផ្សារកម្ពុជាវាមានតម្លៃ ៤៥,០០០ ដុល្លារ ឫឯម៉ូឌែល Ford Mustang ស៊េរីឆ្នាំ ២០១៦ វិញវាមានតម្លៃ ៤៥,៧០០ ដុល្លារ។

អត្ថបទដោយ៖ Nita @AdvanAuto…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto