👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ ………………………………………………………………………………….

មួយរយៈកន្លងមកនេះក្រុមហ៊ុន Ford បានដាក់ដំណើរការដាក់លក់នូវរថយន្ដអគ្គិសនីម៉ូឌែល F-150 Lightning របស់ខ្លួននៅលើទីផ្សារ ជាមួយនឹងទិន្នផលនៃការលក់ដាច់ខ្លាំងគួរឲ្យកត់សម្គាល់។

ហើយថ្មីៗនេះ បើយោងទៅតាមគេហទំព័រElectrek បានចុះផ្សាយថា ក្រុមហ៊ុន Ford ទើបតែបាន ដាក់ពាក្យស្នើរសុំចុះឈ្មោះពាណិជ្ជសញ្ញា ទៅការិយាល័យកម្មសិទ្ធិបញ្ញារបស់សហភាពអឺរ៉ុប និងការិយាល័យកម្មសិទ្ធបញ្ញារបស់អាមេរិក ដើម្បីសុំការអនុញ្ញាតផលិតរថយន្ដអគ្កិសនីថ្មី ពីរម៉ូឌែលទៀតមានឈ្មោះថា​ Ranger Lightning និង Maverick Lightning ក្នុងទីផ្សារអ៊ឺរ៉ុប និង Ranger Thunder, Maverick Thunder ក្នុងទីផ្សារអាមេរិក។

តាមគេហទំព័រ CarBuzz បានឲ្យដឹងដែរថា រថយន្ដអគ្គិសនីទាំងពីរម៉ូឌែលនេះ នឹងត្រូវផលិតជាប្រភេទ pickup midsize (ទំហំកណ្ដាល) ដូចនេះសមត្ថភាពរបស់វា អាចនឹងទាបជាង F-150 Lightning បន្ដិច  ជាមួយនឹង ម៉ាស៊ីនស្តងដារដែលអាចផលិតកម្លាំងបាន  ៤៥២ សេះ អាចប្រើប្រាស់សម្រាប់ការដឹកទំនិញច្រើន ឬអាចអូសសណ្ដោងបានទម្ងន់ធ្ងន់ល្មមផងដែរ។

ជាក់ស្ដែង ម៉ូដែល Ford Maverick បច្ចុប្បន្ននេះ មានប្រភេទប្រើប្រាស់ដោយប្រព័ន្ធ Hybrid រួចមកហើយ ដោយគ្រាន់តែ Ford បំពាក់ស្លាកសញ្ញាថ្មី Lightning នឹងប្រែក្លាយវាជារថយន្តដែលប្រើប្រាស់ដោយថាមពលអគ្គិសនីសុទ្ធមួយទៀត។

ចំពោះរថយន្ត Pickup អគ្គិសនីទាំងនេះនឹងមកដល់ពេលណានោះ នៅមិនទាន់ប្រាកដច្បាស់លាស់នៅឡើយទេ ប៉ុន្តែគេរំពឹងថារថយន្ដអគ្គិសនីទាំងពីរម៉ូឌែលនេះ អាចនឹងមកដល់ក្នុងពេលឆាប់ៗនេះ ដោយមានអ្នកគាំទ្រជាច្រើន កំពុងទន្ទឹងរង់ចាំម៉ូដែល Ranger និង Maverick ដែលប្រើប្រាស់ថាមពលអគ្គិសនីសុទ្ធថ្មីនេះផងដែរ។

អត្ថបទដោយ៖ Nita @AdvanAuto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto