លេចធ្លាយសមត្ថភាព Ford F-150 Raptor R បំពាក់ម៉ាស៊ីន V8​ កម្លាំង ៧៦០ សេះ

👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

Raptor គឺជានិម្មិតសញ្ញាដែលក្រុមហ៊ុន Ford Motor ប្រើប្រាស់សម្រាប់រថយន្ត Pick Up មានសមត្ថភាពខ្លាំង សម្រាប់ប្រើលើផ្លូវលំបាកៗ ឫផ្លូវបែប Off-road ធ្ងន់ៗ ។

ហើយថ្មីៗនេះក្រុមហ៊ុន Ford បានបញ្ចេញនូវម៉ូឌែល F-150 Raptor R ថ្មីដោយបំពាក់មកជាមួយម៉ាស៊ីនដែលមានកម្លាំងខ្លាំងអស្ចារ្យជាង F-150 Raptor ជំនាន់់មុនៗ ។ ដោយឡែករូបភាពដែលបានបង្ហោះនៅលើ Instagram របស់ the Raptor Connection បានបង្ហាញរូបមួយសន្លឹកដែលជាគម្រូ Raptor ជំនាន់ថ្មីនេះ ជាមួយនឹងសមត្ថភាពថ្មី ។

F-150 Raptor ជំនាន់ទី ២ បានបំពាក់មកជាមួយម៉ាស៊ីន Twin-turbo ៥.២ លីត្រ EcoBoost V6 ក៏ប៉ុន្តែសម្រាប់ Ford F-150 Raptor ជំនាន់ទី ៣ បច្ចុប្បន្នមានម៉ាស៊ីន ៣.៥ លីត្រ twin-turbo EcoBoost V6 ដែលផលិតកម្លាំងបាន ២៥០ សេះ និងកម្លាំងរមួល ៦៩០ ញូតុនម៉ែត្រ។

ខណៈពេលនេះអ្វីដែលកាន់តែពិសេសទៀតនោះគឺ Ford F-150 Raptor R នេះវានឹងបំពាក់មកជាមួយម៉ាស៊ីន Supercharged V8 ចំណុះ ៥.២ លីត្រ អាចផលិតកម្លាំងបាន ៧៦០ សេះ និងកម្លាំងរមួល ៨៤៧ ញូតុនម៉ែត្រ ដែលម៉ាស៊ីនមួយនេះមានបំពាក់នៅលើរថយន្ដ Mustang Shelby GT500 រួចមកហើយ។

វានឹងធ្វើឱ្យ Raptor R ក្លាយជាគូប្រជែងជាមួយ RAM TRX និងជារថយន្ត Pick up ដែលមានឥទ្ធិពលបំផុតនៅលើទីផ្សារ។

ដោយឡែកពេលនេះក្រុមហ៊ុន Ford នូវមិនបានបង្ហាញព័ត៌មានជាសាធារណៈអំពី Raptor R នោះទេប៉ុន្ដែយើងរំពឹងថាវាប្រហែលជា ៩៦ ភាគរយដែលប្រាកដថា Raptor R នឹងបំពាក់ម៉ាស៊ីន V8 ចំណុះ ៥.២ លីត្រសម្រាប់ឆ្នាំ ២០២៣ នេះ ដែលគ្រោងចេញលក់នៅលើទីផ្សារក្នុងឆ្នាំនេះ ។

សម្រាប់ព័ត៌មានទាក់ទង់នឹងតម្លៃនៅមិនទាន់បានបញ្ជេញនៅឡើយទេ អញ្ចឹងមានតែរងចាំតាមដានជាមួយ Advan Auto ទាំងអស់គ្នា ។

អត្ថបទដោយ ៖ Nita @Advan Auto