ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

តាមសារព័ត៌មាន Jalopnik កាលពីពេលថ្មីៗនេះ បានចុះផ្សាយថា ស្របពេលតម្លៃសាំងកំពុងតែឡើងថ្លៃស្រ៊ើតៗ ក្នុងរយៈពេលប៉ុន្មានសប្ដាហ៍នេះ ករណីបទលើ្មសបែបថ្មីចាប់ផ្ដើមកើនឡើងដូចគ្នា ដោយលោកចោរបច្ចុប្បន្នបាន ប្រែចំណាប់អារម្មណ៍ពីលួចស៊ីសំបុកឃ្មុំបំពង់ស៊ីម៉ាំងឡាន មកលួចចោះធុងសាំងឡាន បូមយកសាំង ដែលមិនត្រឹមតែនាំឲ្យម្ចាស់ឡានអស់សាំងនោះទេ ថែមទាំងត្រូវអស់លុយថ្លៃជួសជុសរថយន្ដថែមទៀត។

បទល្មើសចោះធុងសាំងនេះ ទើបតែចាប់ផ្ដើមកើនឡើងគួរឲ្យកត់សម្គាល់ក្នុងពេលថ្មីៗនេះជាច្រើនករណី នៅទីតាំងផ្សេងៗគ្នាក្នុងសហរដ្ឋអាមេរិក ដូចជា រដ្ឋកាលីហ្វញ៉ា Missouri, Wisconsin ជាដើម ហើយហេតុការណ៍ដែលទើបតែកើតឡើងថ្មីៗនេះ ស្ថិតក្នុង​រដ្ឋ Pennsylvania ដោយរថយន្ដម៉ាក Nissan Rogue របស់ស្ត្រីម្នាក់ត្រូវបាន លោកចោរប្រតិបត្តិការចោះធុងសាំង បូមយកសាំង នៅពេលដែលគាត់ចតចោល នៅក្រៅផ្ទះរបស់គាត់ ។ 

តាមរយៈសារព័ត៌មាន ABC News បានឲ្យដឹងថា បញ្ហាចោរលួចសាំង នេះធ្លាប់កើតមានម្ដងហើយកាលពីវិបត្តិ ឥទ្ធនៈឆ្នាំ ២០០៨ ហើយបច្ចុប្បន្នបញ្ហាសាំងឡើងថ្លៃកំពុងតែកើនឡើង ធ្វើឲ្យបទល្មើសនេះចាប់ផ្ដើមល្បីម្ដងទៀត ។ តែកាលពីមុន រថយន្ដមិនសូវមានប្រព័ន្ធការពារទំនើបច្រើននោះទេ ដូច្នេះលោកចោរច្រើនប្រើវិធីសាស្រ្ដធម្មតាៗ ដោយលួចបូមសាំងដោយប្រើទុយោបឺត​ តែសព្វថ្ងៃនេះរថយន្ដទំនើបមានមុខងារចាក់សោគម្របសាំងឡាន ជាដើម ធ្វើឲ្យលោកចោរប្រើប្រាស់វិធិសាស្រ្ដថ្មីដោយចោះធុងសាំង បង្ហូរសាំងច្រកចូលពីដុងតែម្ដង ធ្វើឲ្យម្ចាស់ឡាន រងគ្រោះមិនត្រឹមតែអស់លុយថ្លៃសាំងទេ ថែមទាំងអស់លុយថ្លៃជួសជុល ឬប្ដូរធុងសាំងថ្មីថែមទៀតផង ដែលតម្លៃ ជាមធ្យមដល់ ១០០០ ដុល្លារជាង​ តែភាគច្រើនការផ្លាស់ប្ដូរជាជម្រើសល្អជាង ដោយសារតែការជួសជុល អាចបង្កហានិភ័យ ជ្រាបសាំងនាំឲ្យឆេះឡាន។ 

ក្នុងនោះដែរ សមត្ថកិច្ចតំបន់ បានឲ្យដឹងថា រថយន្ដដែលងាយរងគ្រោះជាងគេគឺប្រភេទ SUV និងរថយន្ដខ្ពស់ៗ ជាងរថយន្ដទាបៗ ព្រោះតែវាទូលាយ ងាយស្រួលឲ្យលោកចោរប្រតិបត្តិការ ហើយបានណែនាំថា ម្ចាស់ឡានគួរចត រថយន្ដដោយបង្វែរគូទឡានទៅកិបនឹងជញ្ជាំង ចតនៅកន្លែងដែលមានពន្លឺគ្រប់គ្រាន់ និងស្រឡះងាយមើលឃើញច្បាស់។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖ Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto