👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

កាលពីពេលថ្មីៗនេះ អគ្គនាយកដ្ឋានគយ និងរដ្ឋាករកម្ពុជា ទើបតែបានប្រកាសជូនដំណឹងស្ដីពី ការផុតកំណត់បង់ពន្ធ និងអាកររថយន្ដគ្មានពន្ធមានស្រាប់ក្នុងប្រទេស ដែលនឹងបញ្ចប់នៅបំណាច់ខែនេះ ព្រមទាំងចាប់អនុវត្តវិធានការត្រួតពិនិត្យ ផាកពិន័យនៅដើមខែកក្កដា។ 

យោងតាមសារលិខិត ជូនដំណឹងពី អគ្គនាយកដ្ឋានគយ និងរដ្ឋាករកម្ពុជា ដែលទើបតែបានបង្ហោះក្នុងគេហទំព័រហ្វេសបុក​ផ្លូវការ របស់ខ្លួនកាលពីពេលថ្មីៗនេះ បានបង្ហាញពីខ្លឹមសារ ស្ដីពី ការប្រមូលពន្ធ និងអាករនាំចូលរថយន្ដគ្មានពន្ធមានស្រាប់ក្នុងប្រទេស ដែលនឹងបញ្ចប់ត្រឹមថ្ងៃទី ៣០ ខែ មិថុនា ឆ្នាំ ២០២២ នេះ ហេតុនេះហើយ គ្រប់ម្ចាស់រថយន្ដក្នុងប្រទេស ដែលមិនទាន់មានពន្ធទាំងអស់ ត្រូវរួសរាន់មកបំពេញកាតព្វកិច្ចពន្ធ និងអាករ ឬតម្កល់ប្រាក់កក់ (ចំពោះរថយន្ដចង្កូតស្ដាំ) ឲ្យបានមុនថ្ងៃផុតកំណត់នេះ។ 

[caption id="attachment_6684" align="aligncenter" width="970"]

ក្នុងសេចក្ដីប្រកាស ក៏បានបញ្ជាក់ដែរថា ក្រោយថ្ងៃកំណត់ឲ្យបង់ពន្ធចប់ រាប់ចាប់ពីថ្ងៃទី ១ ខែ កក្កដា ឆ្នាំ ២០២២ តទៅ អគ្គនាយកដ្ឋានគយ និងរដ្ឋាករកម្ពុជា នឹងចាប់អនុវត្តវិធានការត្រួតពិនិត្យ និងបង្ក្រាបយ៉ាងម៉ឺងម៉ាត់ ចំពោះម្ចាស់រថយន្ដណាដែលមិនទាន់បានបំពេញកាតព្វកិច្ចពន្ធ ក្នុងនោះមានដូចជា ចំពោះរថយន្ដចង្កូតឆ្វេងដែលចាប់បាន នឹងតម្រូវឲ្យបង់ពន្ធ និងអាករ បូករួមទាំងការបង់ប្រាក់ពិន័យមួយចំនួន តាមបទបញ្ញត្តិជាធរមាន រីឯ រថយន្ដចង្កូតស្ដាំដែលជាប្រភេទទំនិញហាមឃាត់ការនាំចូល បើសិនជាចាប់បាន នឹងត្រូវកម្ទេចចោល ឬដោះបំបែកជាគ្រឿងបន្លាស់ ស្របទៅតាមនិតិវិធីជាធរមានផងដែរ។ 

អត្ថបទ៖ Andra  AdvanAuto  

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto