👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

យោងតាមរបាយការណ៍ចេះផ្សាយពីអគ្គនាយកដ្ឋានគយ និងរដ្ឋាករ កាលពីពេលថ្មីៗនេះស្ដីពីការបូកសរុបលទ្ធផលការងារ ប្រចាំឆមាសទី ១ នៃឆ្នាំ ២០២២ នេះ បានបង្ហាញថា ចំណូលដែលទទួលបានពីការបំពេញកាតព្វកិច្ចពន្ធគយរបស់យានយន្ដ នៅកម្ពុជា មានចំនួនប្រមាណ ៥៨0 លានដុល្លារ​ ដែលស្មើនឹងជាង​ ៤៥% នៃចំណូលសរុប ដែលច្រើនជាងមុខទំនិញផ្សេងៗទៀត។

បើតាមការរាយការណ៍ពីសំណាក់ឯកឧត្តមបណ្ឌិត គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា (អ.គ.រ) បានឲ្យដឹងថា សម្រាប់ឆមាសទី ១ ឆ្នាំនេះ អ.គ.រ ប្រមូលចំណូលបាន​សរុប ៥ ២៥៩,៥ ពាន់លានរៀល ស្មើនឹងប្រមាណ ១.២៩ ពាន់លានដុល្លារអាមេរិក ដែលកើនឡើងប្រមាណ ១២% បើធៀបនឹងចំណូលប្រមូលបានក្នុងឆមាសទី១ ឆ្នាំ២០២១ ក្នុងនោះ ចំណូលដែលបានមកពី យានយន្ត និងគ្រឿងចក្រមានចំនួន ២ ៣៧១,៥ ពាន់លានរៀល ឬប្រមាណ ៥៨០ លានដុល្លារ ត្រូវជា ៤៥,១% នៃចំណូលសរុប លើសចំណូលដែលបានពីមុខទំនិញផ្សេងៗទៀតដូចជា ទំនិញចម្រុះបានចំនួន ២៧,៧%, ផលិតផលតេលសិលាចំនួន ២១,១% និងសម្ភារ​សំណង់ ព្រមជាមួយកម្រៃផ្សេងៗចំនួន ៦,១%។

ក្នុងនោះផងដែរ​ ទំហំនៃការនាំចេញផលិតផលវិនិយោគមិនមែនកាត់ដេរ​ ដូចជា គ្រឿងបំណែកអេឡិច​ត្រូនិក កង់ ផលិតផលពី​ឈើ ផលិតផលប្លាស្ទិច គ្រឿងបន្លាស់រថយន្ត និងផលិតផលឧស្សាហកម្មផ្សេងៗ​ទៀត ក៏បានកើនឡើង​ប្រមាណ ៧៥៩ លានដុល្លារអាមេរិក ដែលស្មើនឹង ៤០%,ផងដែរ បើធៀបទៅនឹងឆ្នាំមុន។

គួរបញ្ជាក់់ផងដែរ ក្រៅតែពីការប្រមូលចំណូលពន្ធគយ អ.គ.រ ក៏បានដាក់ផែនការ ពង្រឹងការអនុវត្តច្បាប់ ការបង្ការ និងបង្ក្រាបអ្នករត់គេចពន្ធ និងបន្លំពន្ធ, ប្រឆាំងហិរញ្ញប្បទានភេរវកម្ម, លើកកម្ពស់ពាណិជ្ជកម្មតាមទំនើបកម្មគយ និងបង្កើនកិច្ចសហប្រតិបត្តិការរវាងស្ថាប័ន និងស្ថាប័ន ប្រជាពលរដ្ឋ និងស្ថាប័ន ផងដែរ។

អត្ថបទ៖ Andra  AdvanAuto

…………………………………………………

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto