👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ………………………………………………………………………………….

កាលពីពេលថ្មីៗនេះ អគ្គនាយកដ្ឋានពន្ធដារ បានចេញសេចក្តីប្រកាសស្ដីពីការ ប្រមូលពន្ធលើមធ្យោបាយដឹកជញ្ជូន និងយានជំនិះសម្រាប់ឆ្នាំ ២០២២ ដែលនឹងត្រូវដាក់អនុវត្ត៍ចាប់ពីថ្ងៃទី ១ ខែមិថុនា រហូតដល់ថ្ងៃទី ៣០ ខែវិច្ឋិកា ឆ្នាំ ២០២២ នេះតទៅ ហើយ និងប្រតិបត្តិការត្រួតពិនិត្យ ព្រមទាំងផាកពិន័យពី ថ្ងៃទី ១ ខែមករា ឆ្នាំ ២០២៣ ។ 

រូបភាព៖ សេចក្ដីជូនដំណឹងស្ដីពីការបង់ពន្ធមធ្យោដឹកជញ្ជូន និងយានជំនិះគ្រប់ប្រភេទសម្រាប់ឆ្នាំ ២០២២ (GDT)[/caption]

សម្រាប់ការបង់ពន្ធ លើយានយន្ដដែលធ្លាប់បានប្រកាសបង់ពន្ធនេះពីមុនរួចមកហើយ ម្ចាស់រថយន្ត ត្រូវភ្ជាប់មកជាមួយ លិខិតប្រកាស ឬប័ណ្ណសម្គាល់ការបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ ហើយបង់ពន្ធបាន នៅតាមសាខាពន្ធដារខណ្ឌ-ខេត្តដែលនៅក្បែរ​ ឬ អាចបង់តាមរយៈធនាគារដែលជាដៃគូររបស់ក្រសួងមានដូចជា ធនាគារ​ កាណាឌីយ៉ា ក.អ, ធនាគាតរ អេស៊ីលីដារ ភីអិលស៊ី, ធនាគារ ជេត្រាស់ រូយ៉ាល់, ធនាគារ កម្ពុជា​សាធារណៈ (វឌ្ឍនៈ), ធនាគារ ស្ថាបនា ភីអិលស៊ី, ធនាគារ ប្រៃសណីយ៍កម្ពុជា ក.អ, ធនាគារ វឌ្ឍនៈ អាស៊ីចំកាត់, និងធនាគារពានិជ្ជកម្មក្រៅប្រទេស​ នៅកម្ពុជា ឬក៏អាចប្រើប្រាស់មធ្យោបាយ កាន់តែងាយស្រួលមួយទៀត នោះគឺ បង់តាមកម្មវិធី “GDT Tax Payer App” ដែលងាយស្រួលអាចទាញយកបានពី App store (iOS) ឬ Play store (Android) ហើយបំពេញលើព័ត៌មានមួយចំនួនដែលទាមទារ រួចបង់ថវិកា ជាការស្រេច រីឯលតាបត្រ ម្ចាស់រថយន្ដដែលនៅតាមខេត្តអាចអញ្ជើញបើកបាននៅសាខាពន្ធដារ ដែលនៅក្បែរ ឬសម្រាប់ អ្នកនៅភ្នំពេញអាចទៅយកនៅអគ្គនាយកដ្ឋានផ្ទាល់ក៏បាន ឬក៏ឲ្យក្រុមការងារនាយកដ្ឋានយកទៅជូនក៏បាន។ 

រូបភាព៖ សេចក្ដីជូនដំណឹងស្ដីពីការបង់ពន្ធមធ្យោដឹកជញ្ជូន និងយានជំនិះគ្រប់ប្រភេទសម្រាប់ឆ្នាំ ២០២២ (GDT)[/caption]

ក្នុងករណីយានយន្ដរបស់ក្រសួង ស្ថាប័ន ឬអង្គភាព ដែលពន្ធជាបន្ទុករបស់រដ្ឋ ឬបង់តាមអាណត្តិបើកប្រាក់ ត្រូវភ្ជាប់ជាមួយបញ្ជី សារពើភណ្ឌយានយន្ដ ដែលបានចុះបញ្ជីនៅអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធនៃក្រសួងសេដ្ឋកិច្ច និងហិរញ្ញវត្ថុ។ រីឯយានយន្ដពាក់ផ្លាកលេខ រដ្ឋ, ន.ប, ខ.ម មិនអនុញ្ញាតឲ្យបង់ពន្ធមធ្យោបាយដឹកជញ្ជូន និងយានជំនិះឡើយ។​

គួរបញ្ជាក់ថា គ្រប់យានយន្ដទាំងអស់អាចបង់ពន្ធមធ្យោបាយដឹកជញ្ជូន និងយានជំនិះ នេះបាន លុះត្រាតែបានបំពេញកាតព្វកិច្ចពន្ធ និងអាករនាំចូលស្របតាមច្បាប់ បទបញ្ញត្តិគយ និងបានចុះបញ្ជីយានយន្ដនៅក្រសួងសាធារណការ និងដឹកជញ្ជូនសិន។ 

អគ្គនាយកដ្ឋានពន្ធដារ ក៏បានបញ្ជាក់ផងដែរថា ក្រោយផុតកំណត់កាលបរិច្ឆេទប្រមូលពន្ធ ចាប់ពីថ្ងៃទី ១ ខែមករា ឆ្នាំ ២០២៣ ទៅ មន្ដ្រីអគ្គនាយកដ្ឋាន និងអាជ្ញាធរមានសមត្ថកិច្ច នឹងចាប់ផ្ដើមប្រតិបត្តិការចុះត្រួតពិនិត្យ ផាកពិន័យចំពោះម្ចាស់យានយន្ដណា ដែលមិនទាន់បានប្រកាសពន្ធតាមច្បាប់ជាធរមាន។ 

អត្ថបទ៖ Andra  AdvanAuto 

 …………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto