ក្រុមហ៊ុនឡានជប៉ុននិងអាមេរិក ចាប់ដៃគ្នា ផលិតឡានអគ្គិសនីទ្រង់ទ្រាយធំ រំពឹងលក់តម្លៃធូរក្រោម ៣ ម៉ឺនដុល្លារ

👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

តាមការចុះផ្សាយពីសារព័ត៌មាន CNBC កាលពីពេលថ្មីៗនេះបានឲ្យដឹងថា ក្រុមហ៊ុនផលិតរថយន្ដធំៗ ២ លើពិភពលោក General Motor និង Honda បានប្រកាសចាប់ដៃគ្នាផលិតរថយន្ដអគ្គិសនី មានតម្លៃទាបជាង ៣ ម៉ឺនដុល្លារ ដែលគ្រោងនឹងចេញលក់ក្នុងឆ្នាំ ២០២៧ ខាងមុខនេះ។

អ្នកស្រី Mary Barra នាយកប្រតិបត្តិក្រុមហ៊ុន GM បានមានប្រសាសន៍ថា “GM និង Honda នឹងធ្វើការចែករំលែកចម្រាញ់យកបច្ចេកវិទ្យាពិសេសៗរៀងៗខ្លួន ក្នុងការរចនា និងផលិតរថយន្តអគ្គិសនីនេះ ធ្វើយ៉ាងណាឲ្យមានតម្លៃទាប ហើយមានគុណភាពសមស្របទៅតាមបទដ្ឋានពិភពលោក” ។

រូបភាព៖ រថយន្ដអគ្គិសនី Cadillac សេរីថ្មី ដែលនឹងត្រូវបានបំពាក់បច្ចេកវិទ្យា GM Ultium battery technology ដំបូងគេ

ក្នុងនោះដែរ ក្រុមហ៊ុនទាំងពីរមិនបានបញ្ជាក់ពីទំហំទឹកប្រាក់ដែលដាក់វិនិយោគនោះទេ តែបានបង្ហើបថា រថយន្ដអគ្គិសនីនេះជាប្រភេទ Compact crossover ចេញមុខក្នុងឆ្នាំ ២០២៧ និងគ្រោងលក់ឲ្យបាន យ៉ាងហោចណាស់ ១៣លានគ្រឿងទូទាំងពិភពលោក ជាពិសេសផ្ដោតទៅលើទីផ្សារ សំខាន់ៗដូចជា អាមេរិកខាងជើង អាមេរិកខាងត្បូង និងចិន។

ពេលនេះក្រុមហ៊ុនទាំងពីរកំពុងមរមារញឹកអភិវឌ្ឍអាគុយថ្មីដែលជាប្រភេទ Solid-state battery ប្រើប្រាស់បច្ចេកវិទ្យារបស់ GM ឈ្មោះថា GM Ultium battery technology ដែលធ្វើឲ្យអាគុយ មានសមត្ថភាពខ្ពស់ ទម្ងន់ស្រាលជាងមុន និងតម្លៃទាបជាងអាគុយ lithium-ion ដែលប្រើក្នុងឡានអគ្កិសនីបច្ចុប្បន្ន។

រូបភាព៖ គម្រូអាគុយ Solid battery ប្រើបច្ចេកវិទ្យាថ្មីរបស់ GM ឈ្មោះថា "GM's Ultium Battery Technology"

គួររំឭកថា តាមទិន្និន័យរបស់វេបសាយវាយតម្លៃទីផ្សាររថយន្ដ Edmund បានបង្ហាញថា ក្នុងខែកុម្ភៈកន្លងទៅនេះ តម្លៃឡានអគ្គិសនីជាមធ្យមស្ថិតក្នុងរង្វង់ ៤៥ ៥៩៦ ដុល្លារ សូម្បីតែរថយន្ដ អគ្គិសនីតម្លៃទាបជាងគេរបស់តេស្លា ក៏ឡើងដល់ ៤៦ ៩៩០ ដុល្លារហើយដែរកាលពីពេលថ្មីៗនេះ។

រូបភាព៖ ក្រុមអ្នកវិស្វករបច្ចេកទេសកំពុងស្រាវជ្រាវអភិវឌ្ឍអាគុយបច្ចេកវិទ្យាថ្មី

បន្ថែមពីនេះទៅទៀត ក្រៅតែពីការសហការគ្នានេះ ក្រុមហ៊ុន GM ក៏ត្រៀមនឹងផលិតឡានអគ្គិសនីផ្ទាល់ខ្លួន ដែលនឹងលក់ចេញក្នុងរង្វង់ ២លានគ្រឿងនៅឆ្នាំ ២០២៤ ខណៈដែលផលិតឡានអគ្កិសនី ២ ម៉ូដែល សម្រាប់ Honda ក្នុងឆ្នាំតែមួយ រីឯ Honda កំពុងផ្ដោតលើការផលិតឡានប្រភេទ ហាយប្រ៊ីត និងគ្រោងបន្ដអភិវឌ្ឍ បច្ចេកវិទ្យាឡានអគ្គិសនីរបស់ខ្លួនផ្ទាល់ចាប់ពីឆ្នាំ ២០២៤ តទៅ។

អត្ថបទ៖ Andra AdvanAuto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

ក្រុមហ៊ុនឡានជប៉ុននិងអាមេរិក ចាប់ដៃគ្នា ផលិតឡានអគ្គិសនីទ្រង់ទ្រាយធំ រំពឹងលក់តម្លៃធូរក្រោម ៣ ម៉ឺនដុល្លារ

អត្ថបទថ្មី

អត្ថបទទាក់ទង

វីដេអូ