ហាក!! ក្រែង ចង្កូតឡាន...រាងរង្វង់មូលហ្អី?

បើតាមពាក្យភាសាអង់គ្លេសចង្កូតឡានគេហៅថា Steering Wheel ហើយ Wheel គឺរាងរង្វង់មូល តែនេះប្រហែលមិនមែនជាចង្កូតឡានទេព្រោះវាអត់មូល 😅 ផ្ទុយទៅវិញវាបែរជាមានរូបរាងដូចជាដៃហ្គេម Nintendo គ្រាន់តែវាត្រូវបានប្រើសម្រាប់បញ្ជាចង្កូតឡានមែនទែន។ 

វាមិនមែនជាលើកដំបូងទេដែលយើងឃើញមាន concept ចង្កូតឡានរាងបែបនេះ ដូចជាចង្កូតឡានប្រណាំង និង concept ចង្កូតថ្មីនៃឡាន Model S ដែលតេស្លាទើបនឹងចេញផងដែរ។ 

​បើតាមរយៈរូបភាព ២ សន្លឹកដែលបានបង្ហោះពីគណនីរចនាម៉ូដឡានផ្លូវការរបស់ក្រុមហ៊ុន GM Motor កាលពីពេលថ្មីៗបានបង្ហាញពីគំរូនៃការរចនាចង្កូតឡានរូចរាងថ្មីប្លែកដែលស្ឌើរតែដូចនឹងដៃហ្គែម ព្រោះវាមានរាងបួនជ្រុងទ្រវែង មានអេក្រង់ដែលទំនងជា Touch Screen អមមកជាមួយមុខងារជាច្រើន នៅលើនោះ បូករួមជាមួយនឹងប៊ូតុងបញ្ឆេះឡាន នៅខាងឆ្វេងដៃ និងប៊ូតុងហ្រាំ្វងនៅខាងស្ដាំដៃ (according to រូបភាព) ចឹុង អាចសន្និដ្ឋានថាប្រព័ន្ធបញ្ជាស្ទើរគ្រប់យ៉ាងគឺនៅលើដៃចង្កូតតែមួយ។ 

តាមរូបភាពបានបង្ហាញថាវាត្រូវបានចែកចេញជាពីរ Mode ដែល Mode ទី១ នោះគឺឡានត្រូវបានបញ្ជាដោយប្រព័ន្ធស្វ័យប្រវត្តិ និង Mode មួយទៀតគឺប្រព័ន្ធដែលអ្នកបើកបរអាចបើកដោយខ្លួនឯង។

ស្របពេលដែល ក្រុមហ៊ុន GM Motor កំពុងតែរៀបចំនូវគម្រោងចេញ Chevrolet Silverado សេរីថ្មីផងនោះ គេសន្និដ្ឋានថាវាអាចនឹងបំពាក់ជាមួយនឹងចង្កូតដ៏ឡូយមួយនេះ។​

ក៏ប៉ុន្ដែមែនឬអត់យើងនៅមិនទាន់ដឹងនៅឡើយដោយសារតែ បើសិនជាវាមានអេក្រង់នៅពីលើបែបនឹងចុះ ពោងសុវត្ថិភាពនៅឯណា? 

ប្រភព៖ GeneralMotorsDesign អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

Follow Page : 👉 Advan Auto

Subscribe Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

Telegram : 👉Advan Auto