👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

បន្ទាប់ពីចេញមុខ ចេញតម្លៃ​ជាផ្លូវការនៅអាមេរិកហើយ ថ្មីៗនេះ GMC Hummer EV 2022 Edition 1 បានលេចចេញតម្លៃនៅស្រុកខែ្មរ ដែលសរុបទាំងថ្លៃពន្ធនាំចូល ថ្លៃដឹកជញ្ជូន ថ្លៃកាត់ឈ្មោះជាដើមគឺខ្ទង់ ៣១ ម៉ឺនដុល្លាររជាង ដែលលើស Lexus LX600 សេរីថ្មីបន្ដិចបន្ដួច។​

តាមរយៈភ្នាក់ងារជួយទិញឡានពីអាមេរិកមកកម្ពុជាមួយបានឲ្យដឹងថា ពេលនេះរថយន្ដអគ្គិសនី GMC Hummer សេរីឆ្នាំ ២០២២ មានមុខនៅកម្ពុជាហើយ ជាមួយតម្លៃនៅអាមរិក ២៥ ៨៩៩០ ដុល្លារ, បូកជាមួយតម្លៃពន្ធនាំចូលកម្ពុជា ៤០ ០៩២ ដុល្លារ តម្លៃដឹកជញ្ជូន ២ ៧៥០ ដុល្លារ តម្លៃឯកសារនៅខ្មែរ ៨០០ ដុល្លារ ថ្លៃកាត់ឈ្មោះនៅអាមេរិក ៨៩៩ ដុល្លារ និងថ្លៃសេវាកម្មរបស់ក្រុមហ៊ុននាំចូល ៩ ៩៩៩ ដុល្លារទៀត សរុបទាំងអស់គឺ ៣១៣ ៥៣០ ដុល្លារ។

រថយន្ដ GMC Hummer 2022 នេះគឺជាប្រភេទរថយន្ដ Pick Up អគ្គិសនី បំពាក់ម៉ូទ័រអគ្គិសនីចំនួន ៣ និងអាគុយប្រភេទ Ultrium Battery pack ថាមពល ២១២.៧ kWh ដែលសរុបទាំងអស់ផលិតកម្លាំងបានដល់ទៅ ១០០០ សេះ និងរត់ដោយប្រើប៉ុងពីរ AWD។ 

គួរបញ្ជាក់ថា ចំពោះការសាកអាគុយ Hummer អគ្គិសនី អាចទទួលកម្លាំងសាកពីស្ថានិយ៍សាកល្បឿនលឿនដល់ទៅ 350KW ឬ 800V ដែលធ្វើឲ្យវាសាកតែ ១០ នាទីប៉ុណ្ណោះ យើងអាចជិះបានដល់ទៅ ១៦០ គ.ម ចំណែកឯការសាកមួយពេញអាចជិះបាន ៥៦០ គ.មជាង ។

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto