ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ការផ្គត់ផ្គង់ត្រូវបានកាត់បន្ថយ តម្រូវការកាន់តែកើនឡើង កត្តាទាំងនេះដែលបានជះឥទ្ធិពលដល់ តម្លៃនៃឡានថ្មីនៅអាមេរិកកើនឡើងរហូតដល់ ៤៧,០៧៧$ ជាមធ្យមក្នុងមួយគ្រឿង ។ 

យោងទៅតាមកំណត់ត្រារបស់ Kelly Blue Book, តម្លៃឡានថ្មីដែលឡើងប្រចាំឆ្នាំ ក្នុងរយៈពេល៣ឆ្នាំ ចុងក្រោយនេះគឺតម្លៃជាមធ្យមកើនឡើងត្រឹមតែ ១៨០០ ដុល្លារ កាលពីឆ្នាំ២០១៩ និង ៣៣០១ ដុល្លារ តែប៉ុណ្ណោះក្នុងឆ្នាំ ២០២០។ ក៏ប៉ុន្តែនៅឆ្នាំ ២០២១ តម្លៃជាមធ្យមកើនឡើងរហូតដល់ទៅ ៦២២០ ដុល្លារ ដែលធ្វើអោយតម្លៃឡានថ្មីហក់ ឡើងដល់ ៤៧,០៧៧ ដុល្លារក្នុង ១ គ្រឿង ខណៈតម្លៃមធ្យមកាលពីខែវិច្ឆិកាកន្លងទៅបានឡើងដល់ ៤៦,៣២៩$។ 

ក្នុងនោះដែរ កត្តាធំៗដែលធ្វើអោយរថយន្តថ្មីឡើងថ្លៃនោះគឺការកាត់បន្ថយផលិតកម្ម ជាមួយតម្រូវការកើនឡើង បណ្តាលមកពីជំងឺរាតត្បាតសកល និងបញ្ហាកង្វះខាតបន្ទះឈីបក្នុងវិស័យយានយន្ត។ ខណៈរថយន្តសេ៊រីក្រោយនេះ មានបំពាក់គ្រឿងបច្ចេក​វិទ្យាទំនើបនិងឆ្លាតវៃ ធ្វើអោយគ្រឿងបង្គុំនៃរថយន្តបាន ឡើងថ្លៃជាលំដាប់។ 

ចំណែកក្រុមហ៊ុនផលិតរថយន្តវិញ ដោយសារចំនួនបន្ទះឈីបមានកំណត់ធ្វើអោយចង្វាក់ផលិតកម្មក៏មានកំណត់ដែរ។ ហេតុផលនេះបានធ្វើអោយក្រុមហ៊ុនទាំងនោះបង្វែរផលិតកម្មទៅជាផលិតរថយន្តដែលទទួលបានប្រាក់ចំណេញខ្ពស់ គឺសំដៅទៅលើឡានដែលមានតម្លៃថ្លៃៗនិងសេ៊រីខ្ពស់ៗជាដើម។ 

គួរបញ្ជាក់ដែរថា ដោយសារតែឡានថ្មីមានតម្លៃថ្លៃហួសហេតុនេះហើយ ដែលធ្វើអោយតម្រូវការរថយន្តមួយទឹកនិង ឡានអេតចាយបានកើនឡើងគួរអោយកត់សម្គាល់ក្នុងទីផ្សារឡានអាមេរិក។ 

អត្ថបទដោយ៖ មុីស៊ាង

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto