ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email: Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ក្រុមហ៊ុនផលិតរថយន្ដល្បីឈ្មោះរបស់ជប៉ុន Honda កាលពីពេលថ្មីៗនេះបានប្រកាសថា នឹងបិទដំណើរការ រោងចក្រកំណើត ដែលជាចលករសំខាន់ជាគេរបស់ខ្លួនក្នុងប្រទេសជប៉ុន ក្រោយពីដំណើរការបានជិត ៦ទសវត្ស​។

រោងចក្រសំខាន់របស់ Honda មួយនេះមានឈ្មោះថា Sayama ស្ថិតក្នុងតំបន់​ Saitama ប្រទេសជប៉ុន បានបើកដំណើរការដំបូងក្នុងឆ្នាំ ១៩៦៤ ដែលជាទីជម្រកនៃដំណើរការផលិតកម្មគ្រប់ប្រភេទរបស់ Honda ដោយបង្វែរទៅផ្ដោតលើរោងចក្រនៅតំបន់ ៣ផ្សេងទៀតរបស់ខ្លួនដូចជា Suzuka, Ogawa និង Yarii ព្រមទាំងរោងចក្រផ្សេងៗទៀតនៅក្រៅប្រទេស។

ក្នុងនោះដែររថយន្ដចុងក្រោយដែលត្រូវបានផលិតចេញពីរោងចក្រនេះមានដូចជា Honda Acura RLX, Honda Odyssey, Honda Jade, Honda Step Wagon, Honda Clarity PHEV, និង Honda Clarity ធម្មតា។ 

ហេតុផលដែល Honda សម្រេចបិទទ្វាររោងចក្រធំនេះ គឹដើម្បីកាត់បន្ថយការចំណាយលើការផលិតរថយន្ដ ដោយផ្អាកដំណើរការផលិតរយៈពេលចន្លោះពី ២ ទៅ ៣ ឆ្នាំសិន និងជំនួសមកជាការផលិតគ្រឿងបង្គុំរថយន្ដវិញ។ Honda ក៏បានបន្ថែមទៀតថាខ្លួនចង់ផ្ដោតសំខាន់លើការផលិតរថយន្ដអគ្គិសនី ដែលគ្រោងនឹងបង្ហាញគម្រូ រថយន្ដអគ្គិសនីសុទ្ធដំបូងក្នុងឆ្នាំ ២០២៥ និងប្រែក្លាយរថយន្ដរបស់ខ្លួនទៅជារថយន្ដអគ្គិសនីទាំងអស់ត្រឹមឆ្នាំ ២០៤០។ 

គួររំឭកផងដែរថា កាលពីឆ្នាំ ២០២១ កន្លងទៅនេះ Honda ក៏ទើបតែបានបិទរោងចក្រធំៗ ២ របស់ខ្លួននៅចក្រភពអង់គ្លេស និងប្រទេស តួគី​​​ ផងដែរ។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto