👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ដូចតាមការសន្យា ពេលនេះក្រុមហ៊ុនផលិតរថយន្ដល្បីឈ្មោះរបស់ជប៉ុនបានសម្រេចការផលិត និងប្រកាសលក់រថយន្ដអគ្គិសនីសុទ្ធដំបូងរបស់ខ្លួនហើយ ចាប់ផ្ដើមពីទីផ្សារចិនមុនគេ ក្នុងគោលដៅក្លាយជាទីផ្សារឡានអគ្គិសនីធំបំផុតក្នុងពិភពលោក។ 

រថយន្ដអគ្គិសនីសុទ្ធដំបូងរបស់ Honda នេះមានឈ្មោះថា S1 ជាម៉ូដែលរួមសហការផលិតរវាង Honda និងរោងចក្រចិន Dongfeng Motor Co. ជាប្រភេទរថយន្ដ compact crossover លក់ក្នុងខ្សែស្រឡាយជាមួយរថយន្ដ Honda EV សេរី e:N មានពីរជម្រើស ប្រភេទ S1 បើកបានចម្ងាយ ៤១៨ គ.ម និងប្រភេទបើកបាន ៥០៨ គ.ម រាល់ពេលសាកពេញម្ដង។ 

និយាយពីរូបរាងវិញ វាមានបណ្ដោយ ៤.៤ម ទទឹង ១.៧៩ម កម្ពស់ ១.៥៦ម ជាមួយនឹងការរចនាផ្នែកខាងក្នុង និងខាងក្រៅទាក់ភ្នែក ជាមួយនឹងតម្លៃចាប់ពី ២៦ ៦៣៦ ដុល្លារ ទៅ ៣៣​ ០៤០ ដុល្លារ នេះបើយោងតាមការឲ្យដឹងពីទីស្នាក់ការ Honda ប្រចាំប្រទេសចិន។ 

Honda ក៏បានបន្ថែមទៀតថា ខ្លួនក៏មានគម្រោងបញ្ចេញលក់រថយន្ដអគ្គិសនីមួយម៉ូដែលទៀតផងដែរ នៅខែក្រោយនេះ ដែលជាប្រភេទ compact crossover ស្ដិតក្នុងក្រុមរថយន្ដ Honda e:N ដូចគ្នា ឈ្មោះថា P1 ដោយចាប់ដៃគូផលិតជាមួយនឹងក្រុមហ៊ុន GAC Motor Co របស់ប្រទេសចិន។​

គួរបញ្ជាក់ផងដែរថា បច្ចុប្បន្ន Honda កំពុងដំណើរការផលិតរថយន្ដអគ្គិសនី ៣ ម៉ូដែលហើយក្នុងប្រទេស ចិន ដែលមានដូចជា X-NV, និង M-NV ជាមួយនឹងក្រុមហ៊ុន Dongfeng និង VE-1 ជាមួយនឹងក្រុមហ៊ុន GAC ព្រមទាំងរៀបគម្រោងផ្សព្វផ្សាយលក់ក្នុងទីផ្សារចិនឲ្យបានទូលំទូលាយរាប់ចាប់ពីឆ្នាំ ២០២៧ ខាងមុខនេះ។ 

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto