👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ជាមួយនឹងការកើនឡើងគំហុកនៃតម្លៃសាំងបច្ចុប្បន្ន អ្នកប្រើប្រាស់ឡានភាគច្រើនតែងរកទិញរថយន្ដណាដែលស៊ីសាំងតិច​ ដូចជា​រថយន្ដ Hybrid ជាដើម ក្នុងនោះម៉ូដែលដែលគេនិយមទូទៅជាយូរឆ្នាំ គឺ រថយន្ដ Hybrid របស់ជប៉ុន Toyota Prius តែថ្មីៗនេះបើតាមការដកស្រង់ទិន្នន័យ​ពី AAA បានឲ្យដឹងថាសម្រាប់រថយន្ដហាយប្រីត សេរីឆ្នាំ ២០២២ ដែលស៊ីសាំងតិចជាងគេបានធ្លាក់លើដៃរថយន្ដហាយប្រីតរបស់កូរ៉េខាងត្បូងគឺ Hyundai Ioniq។ 

ក្នុងចំណោមរថយន្ដ ហាយប្រីតដែលស៊ីសាំងតិចជាងគេទាំង ៥ Hyundai Ioniq Hybrid ឈរនៅលំដាប់ទី ១​ ជាមួយនឹងម៉ាស៊ីន ៤​ ស៊ីឡាំងចំណុះ ១.៦ល កម្លាំង ១០៤ សេះ ផ្គួបជាមួយម៉ូទ័រអគ្គិសនីកម្លាំង ៤៣សេះ​ និងអាគុយថាមពល ១.៥៦kWh ធ្វើឲ្យវាទទួលបានកម្រិតស៊ីសាំងជាមធ្យមត្រឹមតែ ៤ល/១០០គម ។ 

រីឯរថយន្ដហាយប្រីត Toyota Prius ជាប់ចំណាត់ថ្នាក់លេខ ២​ ជាមួយម៉ាស៊ីន ៤ ស៊ីឡាំងដូចគ្នា តែចំណុះ ១.៨ល ផ្គួបជាមួយម៉ូទ័រអគ្គិសនី ២គ្រាប់ និងអាគុយ ដែលសរុបទាំងអស់ផលិតកម្លាំងបាន ១២១​ សេះ មានកម្រិតស៊ីសាំងអាស្រ័យលើការប្រើប្រាស់ ដោយសម្រាប់ការបើកជាមួយ Eco Mode វាស៊ីជាមធ្យម ៤.២ល/១០០គម, សម្រាប់ការបើកធម្មតាដោយប្រើប្រព័ន្ធបង្វិលកង់មុខ FWD វាស៊ី ៤.៥ល/១០០គម និងដោយប្រើប្រព័ន្ធ AWD ជំនួយដោយម៉ូទ័រមុខក្រោយ ស៊ីសាំង ៤.៨ល/១០០គម។ 

ចំណាត់ថ្នាក់លេខ ៣ បានទៅលើរថយន្ដ hybrid របស់ Hyundai មួយម៉ូដែលទៀតឈ្មោះថា Hyundai Elantra Hybrid ដែលមានកម្រិតស៊ីសាំងមធ្យម ៤.៣ល/១០០គម និង លេខ ៤​ បានទៅលើ Honda Insight ជាមួយកម្រិតស៊ីសាំងមធ្យម ៤លីត្រ កន្លះ/១០០គម និង ចុងក្រោយលេខ ៥បានទៅលើ Toyota Corolla Hybrid មានកម្រិតស៊ីសាំងមធ្យម ៤ លីត្រ កន្លះ/ ១០០គម ដូចគ្នា គ្រាន់តែវារាងស៊ីលើស Honda Insight បន្ដិចពេលបើកលើផ្លូវក្រុង និង ហាយវេ។ 

អត្ថបទ៖ Andra  AdvanAuto 

 …………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto