Hyundai និង Kia ប្រកាសប្រមូលឡានជាង ២២ មុឺនគ្រឿងចូលរោងចក្រវិញដោយសារបញ្ហាទុយោសាំង និងរលុងខ្ចៅ

ចំនួនអ្នកទស្សនា

អ្នកទស្សនា

1428

👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ថ្មីៗនេះ ក្រុមហ៊ុនផលិតរថយន្ដល្បីឈ្មោះរបស់ កូរ៉េខាងត្បូង Hyundai និង Kia ទើបតែបានប្រកាសប្រមូលយករថយន្ដ ជាង ២២ មុឺនគ្រឿង ចូលរោងចក្រត្រួតពិនិត្យឡើងវិញដោយសារតែមានបញ្ហាទាក់ទងនឹងប្រព័ន្ធទុយោបញ្ជូនសាំង និងបញ្ហារលុងខ្ចៅនៅប្រពន្ធ័ភ្ជាប់ចង្កូតឡាន។

តាមរយៈ រដ្ឋបាលសុវត្ថិភាពចរាចរណ៍ផ្លូវគោក សហរដ្ឋអាមេរិក បានឲ្យដឹងថា រថយន្ថដែលមានបញ្ហាត្រូវហៅ មកជួសជុសវិញមានចំនួនសរុប ២១៥ ០០០ គ្រឿង Hyundai និង ៣២ គ្រឿងទៀតជារថយន្ដ Kia។

NHTSA ក៏បានបន្ថែមទៀតថា រថយន្ដ Hyundai Sonata សេរីឆ្នាំ ២០១៣ - ២០១៤ ជួបបញ្ហាប្រព័ន្ធទុយោសាំង (Fuel Feed Line) ភ្ជាប់ពី ទុយោបូមសាំងក្នុងរ៉េសឺវរ ទៅកាន់ប៊ិចសាំងម៉ាស៊ីនរថយន្ត ដែលអាចនឹងខូច ឬដាច់ ដោយក្រុមហ៊ុននឹងធ្វើការប្ដូរជូនថ្មីវិញ។

ក្នុងនោះក៏មាន រថយន្ដ Hyundai Accent សេរីឆ្នាំ ២០២១, ២០២២, Kia Rio ២០២១ ២០២២ និង Kia Forte ២០២១ ២០២២ ផងដែរ ដែលជួបបញ្ហា រលុងខ្ចៅត្រង់សន្លាក់អក្សរ U ភ្ជាប់ពីប្រព័ន្ធចង្កូតផ្នែកខាងលើទៅកាន់ម៉ែត្រចង្កូត ដែលអាចឲ្យវាដាច់ចេញពីគ្នាដោយចៃដន្យ កំឡុងពេលបើកបរក្នុងកាលទេសមួយចំនួន។

រូបភាព៖ Kia Rio 2022

Hyundai បានបន្ថែមថា ចំពោះរម្ចាស់ថយន្ដដែលមានបញ្ហាទាំងអស់នឹងទទួលបានសារជូនដំណឹងក្នុងរង្វង់ថ្ងៃទី ៥ ខែកក្កដា ខាងមុខនេះ ជាមួយនឹងការត្រួតពិនិត្យឬផ្លាស់ប្តូរគ្រឿងបន្លាស់ដែលមានបញ្ហាដោយឥតគិតថ្លៃ។