Hyundai ចេញគម្រូឡានអគ្គិសនីអនាគតថ្មី ចេះបើកស្វ័យប្រវត្តិ ឌីហ្សាញប្លែកដាច់គេតែម្តង

ចំនួនអ្នកទស្សនា

អ្នកទស្សនា

2726

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ក្រុមហ៊ុនផលិតរថយន្ដល្បីឈ្មោះរបស់កូរ៉េខាងត្បូង Hyundai កាលពីពេលថ្មីៗនេះបានប្រកាសនឹងបញ្ចេញគម្រូស្នាដៃថ្មីប្លែករបស់ខ្លួន ឈ្មោះថា Hyundai SEVEN Concept។

រូបភាព៖ Hyundai Seven Concept មើលពីចំហៀង (Source: Hyundai Motor Company)

ជារថយន្ដអគ្គិសនី ប្រភេទ SUV ប្រើប្រាស់ប្រព័ន្ធបើកបរដោយស្វ័យប្រវត្តិ ភ្ជាប់មកជាមួយនឹងបច្ចេកវិទ្យាទំនើប និងបរិក្ខារផ្សេងៗដែលមានលក្ខណៈផ្ដល់ផាសុខភាពដូចនៅក្នុងបន្ទប់ទទួលភ្ញៀវ នេះបើតាមការអះអាងរបស់លោក Sang Yup Lee ប្រធានផ្នែកឌីហ្សាញ របស់ក្រុមហ៊ុន Hyundai។

រូបភាព៖ Hyundai Seven Concept មើលពីលើ (Source: Hyundai Motor Company)

វាទើបតែបង្ហាញមុខប៉ុន្មានថ្ងៃមុននេះនៅក្នុងកម្មវិធី LA Motor Show រចនាជាមួយរូបរាង ធំទូលាយ ។

រូបភាព៖ Hyundai Seven Concept មើលពីក្រោយ (Source: Hyundai Motor Company)

ផ្នែកខាងក្រៅប្តូរពីការប្រើចង្កៀង LED ធម្មតា ទៅជាចង្កៀងបែប Pixel Light ដែលអាចបង្ហាញចលនាដូចអេក្រង់ទូរស័ព្ទ ។

ទ្វារចំហៀងបិទបើកដោយស្វ័យប្រវត្តិ មានបង្កប់ទូរទឹកកកនៅក្នុងទ្វារ និងគ្មានរនាំងកណ្ដាលផ្ដល់ភាពងាយស្រួលដល់អ្នកដំណើរចេញចូល។

រូបភាព៖ Hyundai Seven Concept ផ្នែកខាងក្នុង (Source: Hyundai Motor Company)

នៅខាងក្នុងមានបំពាក់កៅអីបង្វិលបាន និងកៅអីវែងនៅផ្នែកខាងក្រោយ ដែលត្រូវបានផលិតចេញពី ឫស្សី រ៉ែម្នាងសិលា ព្រមជាមួយក្រណាត់ប្រឆាំងបាក់តេរី និងបំភ្លឺដោយពន្លឺ ultraviolet-C ដែលជួយកម្ចាត់បាក់តេរី និងវីរុសផ្សេងៗផងដែរ។

ផ្នែកដំបូលត្រូវបានភ្ជាប់មកជាមួយ អេក្រង់ធំមួយជាប្រភេទ Panoramic OLED ដែលអាចចាក់កម្មវិធីផ្សេងៗបាន។

រូបភាព៖ Hyundai Seven Concept ដំបូល Panomera OLED (Source: Hyundai Motor Company)

ក្រៅតែពីមុខងារបើកបរដោយស្វ័យប្រវត្តិ វាក៏មានមុខងារសម្រាប់អ្នកបើកបរដោយខ្លួនឯងផងដែរ ដោយវានឹងបញ្ចេញ ដៃបញ្ជា joystick មួយមកក្រៅសម្រាប់ប្រើប្រាស់ ហើយនឹងលឹបបាត់ទៅវិញពេលលែងត្រូវការប្រើ។