👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

បន្ទាប់ពីឆ្លងកាត់បញ្ហារីករាលដាលជម្ងឺកូវីដ ១៩ ទូទាំងពិភពលោកដែលប៉ះពាល់សេដ្ឋកិច្ចលើគ្រប់វិស័យ រួមទាំងវិស័យយានយន្ដផងនោះ កាលពីពេលថ្មីៗនេះ យោងតាមទិន្ន័យ​ពីវេបសាយ Asia Motor Business បានឲ្យដឹងថា ក្នុងចន្លោះបីខែដំបូងនៃឆ្នាំ ២០២២ នេះ ទីផ្សារលក់រថយន្ដក្នុងតំបន់អាស៊ានសរុបកើនឡើង ២៣% បើប្រៀបទៅនឹងឆ្នាំមុន ដែលក្នុងនោះប្រទេស ឥណ្ឌូនេស៊ី ថៃ និងម៉ាឡេស៊ីនៅ តែស្ថិតជាបងធំទីផ្សានាំមុខគេ ស្របពេលដែលវៀតណាម ជាទីផ្សារថ្មីតែ បានបង្ហាញអត្រាកើនឡើងគួរឲ្យកត់សម្គាល់។  

ក្នុងរបាយការណ៍នេះបានបង្ហាញថា សម្រាប់ប្រទេសឥណ្ឌូនេស៊ីក្នុងកំឡុងត្រីមាសទីមួយឆ្នាំនេះ អត្រាការលក់បាន កើនឡើងដាច់គេ ជាង ៤១% ដែលស្មើនឹង ២៦៣ ៨២២​គ្រឿង​ ដែលក្នុងនោះម៉ូដែលរថយន្ដដែលពេញនិយមជាងគេ មានដូចជា Toyota កើនឡើង ៤១%, Daihatsu ៤៤% និង Mitsubishi ឈរលំថាប់ខ្ពស់ជាងគេគឺ ៥៥%។  

រីឯទីផ្សារលក់ ក្នុងប្រទេសថៃវិញកើនឡើងបាន ២២% ស្មើនឹង ២៣១ ១៨៩ គ្រឿង​ ជាមួយនឹងកំណើននៃការប្រើប្រាស់រថយន្ដ ប្រភេទ Pick up មកពីប្រទេសចិន​និង អឺរ៉ុប និងប្រភេទម៉ូដែលឡានអ្នកដំណើរទូទៅដែលពេញនិយមមានដូចជា BMW និង Mercedes Benz ។

ប្រទេសម៉ាឡេស៊ីឈរនៅលំដាប់ថ្នាក់លេខ ៣ ជាមួយនឹងការកើនឡើងការលក់បាន ១៥៩ ៧៥២ គ្រឿង ដែលស្មើត្រឹមតែ ១៥% ប៉ុណ្ណោះបើប្រៀបទៅនឹងឆ្នាំមុន ខណៈដែលប្រទេស វៀតណាម​ ឈរនៅលេខរៀងទី ៤​ តែមានអត្រាកើនឡើងធៀបនឹងឆ្នាំមុនដល់ទៅ ២៦% ដែលលើសពីអត្រាកើនឡើងរបស់ប្រទេសលំដាប់លេខ ៣ និងលេខ ២​ និងជាពិសេស​លើសប្រទេសដែលធ្លាប់តែល្បីជាទីផ្សារលំដាប់ក្នុងវិស័យយានយន្ដនៅអាស៊ានដូចជា ហ្វីលីពីន និង សិង្ហបុរី ដែលសម្រេចការកើនឡើងបានត្រឹមតែ ៦%ប៉ុណ្ណោះ ដែលនេះជា សញ្ញាល្អមួយសម្រាប់ប្រទេស​វៀតណាម លើយុទ្ធសាស្រ្ដការរអភិវឌ្ឍឧស្សាហកម្មយានយន្ដរបស់ខ្លួន និងអាចឆ្ពោះទៅរកគោលដៅក្លាយជាទីផ្សារនាំមុខគេនៅអាស៊ានផងដែរ។​

អត្ថបទ៖ Andra  AdvanAuto 

 …………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto