👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ ………………………………………………………………………………….

បង្ហាញនូវម៉ូឌែលមួយដែលមានរូបរាងស្រស់ស្អាតនឹងមានអតិថិជនគាំទ្រច្រើននោះគឺ Kia Soul ស៊េរីឆ្នាំ ២០២៣ ដែលវាពិតជាមានតម្លៃធូរនៅលើទីផ្សារប្រទេសកូរ៉េ។

រថយន្ដមួយនេះបាននាំយកជម្រើស Trim ដូចជា LX, S, GT-Line, EX ហើយវាបានបំពាក់មកជាមួយម៉ាស៊ីន ៤ ស៊ីឡាំងចំណុះ ២.០ លីត្រ អាចផលិតកម្លាំងបាន ១៤៧ សេះ និងកម្លាំងរមួល ១៧៨ ញូតុនម៉ែត្រ ដែលដំណើរការដោយកង់ខាងមុខ (FWD) និងបញ្ជូនចលនាតាមរយៈប្រអប់លេខ (CVT) ជាប្រអប់លេខដែលមិនមានលេខដូរឡើងចុះច្រើន។

ឡានមួយនេះអាចបង្កើតល្បឿនពី ០-១០០ គីឡូម៉ែត្រក្នុងមួយម៉ោងចំណាយពេល ១២ វិនាទី គួរបន្តទៀតថាចំពោះកម្រិតស៊ីសាំងវិញសម្រាប់ជម្រើស Trim LX, S, GT-Line សម្រាប់ផ្លូវក្នុងក្រុងបើកបរក្នុងចម្ងាយ ១០០ គីឡូម៉ែត្រស៊ីសាំង ៨ លីត្រ និងបើកបរលើផ្លូវហាយវេស៊ីសាំង ៧ លីត្រ រីឯជម្រើស Trim EX វិញវាសម្រាប់បើកបរផ្លូវក្នុងក្រុងក្នុងចម្ងាយ ១០០ គីឡូម៉ែត្រ វាស៊ីសាំង ៨ លីត្រ និងសម្រាប់ផ្លូវហាយវេស៊ីសាំង ៦ លីត្រ។

ជាមួយគ្នានេះដែររថយន្ដមួយនេះតូចតែមាឌទេប៉ុន្តែផ្នែកខាងក្នុងវិញពិតជាមានទំហំធំទូលាយងាយស្រួលដាក់ជើង និងបត់បែនបានយ៉ាងល្អ វាបានបំពាក់ដោយអេក្រង់ touchscreen ទំហំ ១០.២៥ អ៊ីង ភ្ជាប់ជាមួយមុខងារស្តង់ដារ Apple CarPlay និង Android Auto រួមទាំងមានឆ្នាំងសាកទូរស័ព្ទឥតខ្សែ រន្ធសាក USB-C និងមុខងារទំនើបៗ ផ្សេងទៀត។

បើយោងតាមតារាងតម្លៃពីក្រុមហ៊ុន Kia នៅប្រទេសកូរ៉ ដែលទើបតែចេញនេះបានបញ្ជាក់ថា វាមានតម្លៃចាប់ពី (MSRP) ១៩,៧៩០ ដុល្លារអាស្រ័យលើជម្រើសនីមួយៗ ហើយនេះគឺជាតម្លៃចេញពីរោងចក្រមិនទាន់បូកថ្លៃនាំចូលឬថ្លៃដឹកជញ្ជូននៅឡើយ។

អត្ថបទដោយ៖ Nita @AdvanAuto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto