👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ថ្មីៗនេះ​ក្រុមហ៊ុន Lexus បានបង្ហាញ​ម៉ូឌែល RX ស៊េរីឆ្នាំ ២០២៣ នាំមកជាមួយការរចនាប៉ាណាថ្មី និងបន្ថែមកម្លាំងខ្លាំងជាងជំនាន់មុនៗ។

គួរបញ្ជាក់ផងដែរថា Lexus RX បាននាំមកជាមួយជម្រើសម៉ាស៊ីនចំនួនបីរួមមាន​​ ម៉ាស៊ីនសាំង, ម៉ាស៊ីន Hybrid និង Plug-in Hybrid ។ 

ក្នុងនោះដែរ Lexus បានបង្ហាញម៉ូឌែលចំនួនបួនគឺ RX350, RX350h, RX450h+ និង RX500h F Sport ដោយម៉ូឌែលនីមួយៗបានបំពាក់ម៉ាស៊ីនមកខុសៗគ្នាដូចជាម៉ូឌែល RX350 បានបំពាក់មកជាមួយម៉ាស៊ីនសាំង ៤ ស៊ីឡាំង Turbocharged ចំណុះ ២.៤ លីត្រ ដែលអាចផលិតកម្លាំងបាន ២៧៥ សេះ និងកម្លាំងរមួល ៤២៩ ញ៉ូតុនម៉ែត្រ វាធ្វើការបញ្ចូនចលនាដោយប្រអប់លេខប្រាំបីវគ្គស្វ័យប្រវត្តិ ដំណើរការដោយកង់ទាំងបួន AWD។

ចំណែកឯម៉ូឌែល RX350h បានបំពាក់ដោយម៉ាស៊ីន ៤ ស៊ីឡាំង ចំណុះ ២.៥ លីត្រ ប្រើប្រាស់ជាមួយប្រព័ន្ធ Hybrid អាចផលិតកម្លាំងបាន ២៤៦ សេះនិងកម្លាំងរមួល ៣១៥ ញូតុនម៉ែត្រ ប្រើប្រាស់ជាមួយប្រអប់លេខ CVT (មិនខុសពីប្រអប់លេខ Toyota Prius ទេ) ជាមួយគ្នានេះ វាដំណើរការដោយកង់ទាំងបួន។ 

បើងាកមកម៉ូឌែល RX500h F Sport Performance​​​ វិញប្រើប្រាស់ជាមួយម៉ាស៊ីន ៤ ស៊ីឡាំងចំណុះ ២.៥ លីត្រ អាចផលិតកម្លាំងបាន ៣៦៧ សេះនិងកម្លាំងរមួល ៥៥០ ញូតុនម៉ែត្រ បញ្ចូនចលនាដោយប្រអប់លេខប្រាំមួយវគ្គស្វ័យប្រវត្តិ ដែលដំណើរការដោយកង់ទាំងបួនដូចម៉ូឌែលផ្សេងដែរ។

ដោយឡែក ម៉ូឌែល RX450h+ នៅមិនទាន់បានបង្ហាញពីព័ត៌មានលម្អិតនៅឡើយទេ។

ស្របគ្នានេះដែរ RX ក៏មានជម្រើស Trim ដើម្បីអោយអតិថិជនជ្រើសរើសរួមមាន Standard, Premium, Premium+, Luxury, F SPORT Handling និង F SPORT Performance ។

គួរបញ្ជាក់ផងដែរថា ការផ្លាស់ប្ដូរដ៏សំខាន់នៃម៉ូឌែល RX ទាំងអស់បានកែប្រែឡើងវិញដោយផ្នែកខាងមុខបានរចនាប៉ាណាថ្មីដែលហៅថា spindle អមជាមួយចង្កៀងខាងមុខប្រភេទ LED និងមានអំពូល daytime running light មានរាងស្ដើងឆ្នូតលើសពីនេះកាងខាងមុខបានប្ដូរថ្មីកាន់តែស្រស់ស្អាតជាងជំនាន់មុខៗ ។ 

ជាមួយផ្នែកខាងក្រោយវិញបានបំពាក់មកជាមួយចង្កៀងប្រភេទ LED Blade Taillamp និងនៅចំកណ្ដាលឃ្លុបខាងក្រោយបានដាប់ដោយអក្សរ LEXUS ថ្មីដែរមើលទៅកាន់តែប្រណិត។

ក្រឡេកចូលមកមើលផ្នែកខាងក្នុងវាបានប្រើប្រាស់អេក្រង់ Touch Screen ទំហំ ១៤ អ៊ីញ និងបំពាក់មកជាមួយ Speaker ចំនួន ២១ គ្រាប់។ យ៉ាងណាមិញម៉ូឌែល RX ទាំងអស់បានភ្ជាប់មកជាមួយប្រព័ន្ធសុវត្ថិភាព Lexus 3.0 ដែលមានដូចជា ប្រព័ន្ធផ្ដល់ដំណឹងបន្ទាន់ពេលមានឧបស័គ្គនៅខាងមុខ, ប្រព័ន្ធគ្រប់គ្រង់ការបើកបរអោយនៅចំគន្លងផ្លូវ, ប្រព័ន្ធហ្វ្រាំងសង្គ្រោះបន្ទាន់ និងជាមួយមុខងារផ្សេងៗទៀត ។ 

ជាចុងក្រោយសម្រាប់ម៉ូឌែល RX ស៊េរីឆ្នាំ ២០២៣ នេះមានតម្លៃចាប់ពី ៤៦,០០០ ដុល្លារ​ ដល់ ៧០,០០០ ដុល្លារ អាស្រ័យលើម៉ូឌែលនីមួយៗ (ជាតម្លៃចេញពីរោងចក្រ)។

អត្ថបទដោយ៖ Nita @Advan Auto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto