👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion  

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

Lexus ត្រូវបានគេស្គាល់ថាជាឡានប្រណិតមួយរបស់ជប៉ុនដែលលក់បានច្រើនបំផុតនៅទីផ្សារអាមេរិក ខណៈដែល Lexus RX300 និង RX330 បានក្លាយជាឡានពេញនិយមមួយនៅកម្ពុជា ជាមួយគ្នានេះ​ឆ្នាំ ២០២២ នេះ Lexus បានបញ្ចេញត្រកូល RX ទៅជាជំនាន់ថ្មីមួយទៀត ឡើងទៅជា RX350 ដែលមាន ៥ ជម្រើសរួមមាន RX350, RX350 F SPORT, 350L, RX350 BLACK LINE SPECIAL EDITION, RX350L BLACK LINE SPECIAL EDITION  និងបង្វិលកង់ដោយ ប៉ុងមួយ(FWD) និងប៉ុងពីរ(AWD)។

ក៏ប៉ុន្តែដោយសារតែនៅកម្ពុជា Lexus RX ប្រភេទ F Sport ពេញនិយមលើសម៉ូឌែលផ្សេងៗ អញ្ចឹង Advan Auto សូមលើកយក RX350 F Sport មកធ្វើបទបង្ហាញ ។

មិនខុសពីឆ្នាំមុនទេ RX350 F Sport រត់ដោយប្រអប់លេខ ៨ វគ្គអូតូ​ និងមាន Paddle shift អាចថែមថយលេខបាន បំពាក់ម៉ាសុីន ៦ស៊ីឡាំង ៣.៥ លីត្រ​ ផលិតកម្លាំង ២៩៥ សេះ ជាន់ពី ០-១០០ គីឡូម៉ែត្រ/ម៉ោង ប្រើរយៈពេល ៦.៧ វិនាទី។​

ចំពោះកម្រិតសុីសាំង ១២លីត្រ/១០០គ.ម សម្រាប់ក្នុងក្រុង,​ ៩លីត្រ/១០០គ.ម សម្រាប់ក្រៅក្រុង ចំពោះប្រភេទរត់ប៉ុងពីរ(AWD) ។

ក៏ប៉ុន្តែសម្រាប់ប្រភេទរត់ប៉ុងមួយ (FWD) វិញ វាស៊ីតិចជាងនេះបន្តិចពោល ១១លីត្រ/១០០គ.ម សម្រាប់ក្នុងក្រុង និង ៨.៧លីត្រ/១០០គ.ម សម្រាប់ក្រៅក្រុង ។

ភ្ជាប់មកជាមួយម៉ាស៊ីនប៉ុណ្ណោះ RX350 F Sport អាចដូរ Mode បើកបរបាន ៥ រួមមាន ៖ 

• ECO ជួយសន្សំសាំង ល្អសម្រាប់ការប្រើក្នុងក្រុង
• Normal សម្រាប់ប្រើទូទៅ
• Sport សម្រាប់បើកលឿនលើផ្លូវលាត
• Sport+ ជា Mode ប្រចាំត្រកូលរបស់ Lexus​ ដែលធ្វើឲ្យម៉ាស៊ីន ប្រអប់លេខ ជើងក្រោម ធ្វើការអស់ពីសមត្ថភាពរបស់តែម្តង
• Custom សម្រាប់ម្ចាស់ឡានដែលចូលចិត្តកុម្ម៉ង់របៀបបើកបរតាមការចង់បានរបស់ខ្លួនឯង

ជាមួយគ្នានេះ ជើងក្រោមជាចំណុចទាក់ទាញលុយមួយដែលធ្វើឲ្យអ្នកមានៗសម្រេចចិត្តរើស Lexus ជាជាង Toyota ដោយ RX 350 F Sport បំពាក់ជើងក្រោមផ្នែកខាងមុខប្រើរឺស័រនិងបូមធម្មតា ចំណែកឯខាងក្រោយប្រើជាមួយ ស្លាបប្រចៀវឌុប (Double wishbone) ហ្វ្រាំងគៀបទាំង​៤ ជំនួយដោយ ABS បំពាក់នៅយ៉ាន់កង់ ២០ អុីញ អាលុយម្ញូម កាត់បន្ថយរលាក់ ធ្វើអោយរថយន្ដមានលំណឹង និងរត់រលូនល្អ។

រចនាបថខាងក្រៅប្រណិត បំពាក់ប៉ាណាសំណាញ់ញឹក​ ​បន្ថែមពិលកាង ចង្កៀង LED ៦គ្រាប់ឡើងចុះដោយស្វ័យប្រវត្តិពេលបើកបរពេលយប់ ដែលគេហៅថា Adaptive Headlight អមមកជាមួយ Daytime running light ទម្រង់អក្សរ L ដែលជា Signature Design សម្រាប់ឡាន Lexus សេរ៊ីក្រោយៗ ។

កញ្ចក់របស់វាបំពាក់ដោយ Sensor Blind Spot Monitor និងអាចខ្ដោបបានពេលចូលកន្លែងចង្អៀត ។ កាន់តែទំនើបសម្រាប់ RX350 F Sport 2022 នេះ យើងអាចបើកសោរអូតូដោយប្រើម្រាមដៃ ឃ្លុបក្រោយបើកបិទប្រើជើង (ក្រវៀសជើងទៅក្រោម) ស្ដុមក្រោយ LED ឆ្នូតៗបែបប្រដេញ បំពាក់បរឌៀចំហៀង និងសុីមាំងភ្លោះមើលទៅទាក់ទាញ។

RX 350 មានកម្ពស់ ​១៦៩០ ម.ម ទទឹង ១៨៩៥ ម.ម ប្រវែងបណ្តោយ ៤៨៩០ ម.ម កម្លាតពីដី ២០០​ ម.ម និងទម្ងន់ ១៨៩០គីឡូក្រាម។

ផ្នែកខាងក្នុងនៅតែរចនាឡើងបែប Luxury Crossover SUV​ ដែលមានទ្វា ៤​ កៅអីតម្រៀម ២ជួរ​

មានភាពទូលាយ បរិក្ខារនិងគ្រឿងលម្អប្រកបដោយគុណភាពខ្ពស់ ស្រោបពួកស្បែកប្រណិត មានដំបូលបើកពីរតង(ដំបូលសុវត្ថិភាព) ។

RX 350​ F Sport ប្រើចង្កូតអេឡិចត្រូនិកដែលជំនួយដោយម៉ូទ័រ ធូរស្រួលបង្វិល មានកៅអីក្ដៅត្រជាក់ កៅអីចងចាំទីតាំង ពោងសុវត្ថិភាព ១០ គ្រាប់ Speaker 12 គ្រាប់ អេក្រង់ Touch ១២.៣ អ៊ីញ អាចភ្ជាប់ជាមួយ Apple Carplay និងបញ្ជាមុខងាជាច្រើន ។

វាក៏បំពាក់ Camera 360° ផងដែរ ដើម្បីបង្ហាញទិដ្ឋភាពជុំវិញឡាន អមមកជាមួយ Head up display ដែលអាចបង្ហាញព័ត៌មានក្នុងការបើកបរ សញ្ញាជូនដំណឹងផ្សេងៗ និងស្លាកសញ្ញាចរាចរណ៍ជាដើម ។

ដើម្បីរក្សាដំណែកជាឡានប្រណិតនិងទំនើប Lexus RX350 ទាំងអស់សុទ្ធតែបំពាក់មកជាមួយកញ្ចប់ប្រព័ន្ធសុវត្ថិភាព LEXUS SAFETY SYSTEM+ 2.0 ដែលមានដូចជា 

• PRE-COLLISION SYSTEM WITH PEDESTRIAN DETECTION ៖ ជួយជូនដំណឹងពីគ្រោះថ្នាក់នៅខាងមុខ និងជាន់ហ្រ្វាំងស្វ័យប្រវត្តិ
• LANE TRACING ASSIST ៖ ប្រព័ន្ធចាប់សញ្ញាគន្លងផ្លូវ
• LANE DEPARTURE ALERT WITH STEERING ASSIST ៖ ប្រព័ន្ធជូនដំណឹងពេលឡានចេញក្រៅគន្លងនិងទាញចង្កូតចូលកណ្តាលគន្លងវិញ 
• ROAD SIGN ASSIST ៖ មុខងារចាប់សញ្ញាចរាចរណ៍
• ALL-SPEED DYNAMIC RADAR CRUISE CONTROL ៖ ប្រព័ន្ធកំណត់ល្បឿនឡើងចុះស្វ័យប្រវត្តិតាមឡាននៅខាងមុខ
•  INTELLIGENT HIGH BEAMS ៖ ហ្វាកូដអូតូ

និយាយពីការធ្វើតេស្តកម្រិតប៉ុកប៉ះវិញ Lexus RX350 2022 ទទួលបានពិន្ទុផ្កាយ ៥/៥ ពីនាយកដ្ឋានសុវត្ថិភាពចរាចរណ៍អាមេរិកផ្ទាល់។

RX350 F Sport 2022 មានតម្លៃចេញពីរោងចក្រ ៥០,១២៥ ដុល្លារសម្រាប់ប្រភេទប៉ុង ១ (FWD) 

និង ៥១,៥២៥ ដុល្លារសម្រាប់ប្រភេទប៉ុង ២ (AWD)។

អត្ថបទដោយ៖ Bunsak @Advan Auto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto