Lexus ទទួលពិន្ទុជាឡានដែលប្រើធន់ជាងគេ ខណៈ Mercedes Benz ជាប្រេនឡានល្បីបែរជាស្ថិតនៅបាតតារាង

ចំនួនអ្នកទស្សនា

អ្នកទស្សនា

3449

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

តាមរយៈរបាយការណ៍ពិនិត្យសុវត្ថិភាព និងភាពធន់រថយន្ដរបស់ ស្ថាប័នស្រាវជ្រាវទីផ្សារមិនយកប្រាក់ចំណេញអាមេរិក ហៅកាត់ថា Consumer Report សម្រាប់ឆ្នាំ២០២១ នេះបានបង្ហាញបញ្ជីលទ្ធផលប្រេនឡានទាំង ២៨ ដែលក្នុងចំណោម ១០ ប្រេនជាប់ចំណាត់ថ្នាក់លើគេមាន ៨ប្រេនឡានមានប្រភពមកពីប្រទេសជប៉ុន។

Lexus គ្រងដំណែងជើងឯកលើតារាងជាឡានដែលធន់ជាងគេ។ ឡាន Lexus ភាគច្រើនទទួលបានពិន្ទុពីមធ្យមទៅល្អ និងមិនមានម៉ូដែលណាដែលបានពិន្ទុទាបនោះទេ ជាពិសេសគឺ Lexus សេរី GX ។

រូបភាព៖ Lexus GX 460 ឆ្នាំ 2022 (Source: Autoblog)

Mazda ជាប់នៅលេខរៀងទី ២បន្ទាប់ពី Lexus។ ម៉ូដែលភាគច្រើនទទួលបានពិន្ទុល្អ តែ Mazda 3 ទទួលបានពិន្ទុត្រឹមមធ្យមដោយសារតែវាមានបញ្ហាបន្ដិចបន្ដួចលើប្រព័ន្ធគ្រប់គ្រងសីតុណ្ហភាព និងប្រព័ន្ធអេឡិចត្រូនិច។

Toyota បានជាប់ត្រឹមចំណាត់ថ្នាក់លេខ ៣ ដោយឡានគ្រប់ម៉ូដែលទាំងអស់ទទួលបានពិន្ទុមធ្យម ទៅល្អ លើកលែងតែម៉ូដែល Corolla Hatchback មួយដែលទទួលបានពិន្ទុទាបជាងមធ្យម ដោយសារតែវាមានបញ្ហាបន្ដិចបន្ដួចលើប្រព័ន្ធបញ្ជាប្រអប់លេខ។

រូបភាព៖ Toyota Corolla Hatchback 2021 (Source: Motor Trend)

ងាកមកមើលប្រេនឡានល្បីៗដូចជា Mercedes Benz ធ្លាក់នៅចំណាត់ថ្នាក់លេខ ២៣ ទទួលបានពិន្ទុសរុបត្រឹម ៣៤ ដោយម៉ូដែលដែលមានពិន្ទុល្អមានតែសេរី GLC រីឯ E-Class និង GLE ស្ថិតនៅក្រោមមធ្យមដោយសារតែវាមានបញ្ហាលើ ប្រព័ន្ធផ្ដល់ថាមពល, ប្រព័ន្ធអេឡិចត្រូនិច និងបញ្ហាពាក់ព័ន្ធនឹងម៉ាស៊ីន។