👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

Mazda គឺជាឡាន Crossover ឬ SUV ខ្នាតកណ្តាលមួយដែលទទួលបានការគាំទ្រច្រើនក្នុងចំណោមឡាន SUV ផ្សេងទៀត ខណៈដែលឆ្នាំ ២០២២ នេះ Mazda បានបញ្ចេញ CX-50 សេរ៊ី ២០២៣ រួចជាស្រេច កែទម្រង់ទាំងរូបរាងខាងក្រៅ បន្ថែមរសជាតិឲ្យការដេគ័រខាងក្នុង ជាពិសេសបំពាក់បច្ចេកវិទ្យាថ្មី ២ ដែល Upgrade CX-50 ពីឡាន SUV សម្រាប់បើកក្នុងក្រុង ទៅជា SUV ដែលដែលមានសមត្ថភាពបើកលើផ្លូវ Off-Road ។

បច្ចេកវិទ្យាធំទី ១ ដែល Mazda បានបន្ថែមថ្មីនោះហៅថា i-Active AWD ដែលបានកែទម្រង់សមត្ថភាពកាន់តែខ្ពស់ពីលើប្រព័ន្ធប៉ុង ២​ AWD ជំនាន់មុនៗ ។ វាអាចប្រមូលព័ត៌មានពីសេនស័រចំនួន ២៧ គ្រាប់ ដើម្បីគណនាស្ថានភាពផ្លូវនៅខាងមុខទុកជាមុន ព្រមទាំងបញ្ជារលើការគ្រប់គ្រងកម្លាំងម៉ាស៊ីន ល្បឿនកង់ និងចែកកម្លាំងរមួលឲ្យបានសមស្រប ថាតើកង់មួយណាគួរទទួលកម្លាំងប៉ុណ្ណា ធ្វើឲ្យការបើកបររលួនល្អនៅគ្រប់ស្ថានភាពផ្លូវ ជៀសវាងឡានប្រើកម្លាំងតិចពេកឬខ្លាំងពេក នាំឲ្យខាតសាំង ។

i-Active AWD នឹងធ្វើការសិក្សាពីរបៀបបើកបររបស់តៃកុងឡាន ទាក់ទងទៅនឹងមុំចង្កូត សម្ពាធហ្វ្រាំង ទីតាំងចង្កឹះលេខ (ប្រអប់លេខរត់ចូលលេខមួយណា) រួមជាមួយនឹង ចលនា​ និងទីតាំងរបស់រថយន្តផងដែរ ។

ក្រៅតែពីនេះវាអាចទស្សន៍ទាយដឹងពីស្ថានភាពផ្លូវជាក់ស្តែង តាមរយៈការវាស់ស្ទង់សីតុណ្ហភាពខាងក្រៅ នឹងចលនារបស់ផ្លិតទឹក ដើម្បីដឹងថាយើងកំពុងបើកលើផ្លូវធម្មតា ផ្លូវមានភ្លៀងធ្លាក់ ឬមានព្រិលធ្លាក់ជាដើម ។

ដើម្បីទទួលបានទិន្នន័យច្បាស់ ហើយកំណត់ប្រព័ន្ធជើងក្រោម កម្លាំងម៉ាស៊ីន និងប្រអប់លេខ ឲ្យស៊ីជាមួយនឹងស្ថានភាពផ្លូវ វាត្រូវការវិភាគទិន្នន័យរហូតដល់ ២០០ ដងឯណោះ ក្នុង ១ វិនាទី ។

ដោយសារតែ CX-50 បាន Upgrade ប្រព័ន្ធ AWD ថ្មី អញ្ចឹងវាភ្ជាប់មកជាមួយ Driving Mode ថ្មីដូចគ្នា ដែល Mazda ដាក់ឈ្មោះឲ្យថា Intelligent Drive Select ហៅកាត់ថា (MI Drive) ដែលវាអាចប្ដូរ Mode បើកបរបាន ៣ នៅលើផ្លូវធម្មតារួមមាន Eco, Normal, Sport និងបានបន្ថែមមុខងារមួយទៀតគឺ Off-Road Mode ដែលវាមានសម្ថភាពបើកបរលើផ្លូវលំបាកបានយ៉ាងល្អ ជាពិសេសម្រាប់ម៉ូឌែលដែលប្រើ Turbo វាបានបន្ថែម Mode មួយទៀតហៅថា Towing Mode មានសមត្ថភាពអាចអូសសណ្ដោងបានរហូតទៅដល់ ១,៥៩០ គីឡូក្រាម។

គួរបញ្ជាក់ផងដែរថា Mazda CX-50 បានផ្ដល់មកជាមួយម៉ាស៊ីនពីរជម្រើសរួមមាន ម៉ាស៊ីន ៤ ស៊ីឡាំង មិនមាន Turbo ដែលគេហៅថា Naturally Aspirated Engine ចំណុះ ២.៥ លីត្រ វាអាចផលិត​កម្លាំងបាន​ ១៨៧ សេះ និងកម្លាំងរមួល ១៨៦ ផោនហ្វីត ជាមួយគ្នានេះវាអាចរត់ពី ០-១០០ គីឡូម៉ែត្រក្នុងមួយម៉ោងដោយប្រើរយៈពេល ៨.៧ វិនាទី ។

មួយប្រភេទទៀតប្រើប្រាស់ជាមួយម៉ាស៊ីន Turbocharged ចំណុះ ២.៥ លីត្រ អាចផលិតកម្លាំងបានដល់ទៅ ២៥៦ សេះ និងកម្លាំងរមួល ៣២០ ផោនហ្វីត ដែលវាអាចរត់ពី ០-១០០ គីឡូម៉ែត្រក្នុងមួយម៉ោងប្រើរយៈពេល ៦.៦ វិនាទី ក្នុងនោះវាបញ្ចូនចលនាតាមរយៈប្រអប់លេខ ៦ វគ្គស្វ័យប្រវត្ដិ។ 

ទន្ទឹមនឹងនេះ ការឌីហ្សាញរូបរាងខាងក្រៅ ឈរនៅលើ DNA និងគ្រោងឆ្អឹងតែមួយជាមួយ CX-5 តែបានកែប្រែមុខមាត់ខុសពីមុនទាំងស្រុង ដោយប៉ាណាខាងមុខមើលទៅអំណាចហើយចង្កៀងខាងមុខ និងខាងក្រោយបានរចនាឡើងថ្មីមានភាពស៊ីវិល័យជាងឆ្នាំមុនៗ ។

បើក្រឡេកមកមើលផ្នែកខាងក្នុងនៃរថយន្ដវិញកាប៊ីនមានភាពធំទូលាយអាចផ្ទុកអ្នកដំណើរបាន ៥ អ្នក កៅអីដែលស្រោបដោយស្បែកប្រណិត បញ្ជាក់ដោយប៊ូតុងអេឡិចត្រូនិក អមមកជាមួយដំបូលបើក Panoramic Moonroof ។ ជាមួយគ្នានេះដែរវាបានបំពាក់អេក្រង់កម្សាន្ដទំហំ ៨.៨ អ៊ីញ អាចភ្ជាប់ជាមួយ Apple CarPlay និង Android Auto ហើយប្រើប្រាស់ជាមួយ Speaker Bose ចំនួន ១២ គ្រាប់ផងដែល ។

សម្រាប់តម្លៃរបស់ CX-50 ស៊េរីឆ្នាំ ២០២៣ នេះវាមានតម្លៃរោងចក្រចាប់ផ្តើមពី ២៨,៦០០ ដុល្លារឡើងសម្រាប់ CX-50 S ដែលជាម៉ូឌែលទាបជាងគេបំផុត ។

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto