ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ថ្មីៗនេះ តាមរយៈសារព័ត៌មាន Car and Drive បានចុះផ្សាយថា ក្រុមហ៊ុនផលិតរថយន្ដល្បីឈ្មោះ Mazda បានប្រកាសថា នឹងបញ្ចេញមុខរថយន្ដម៉ូដែលថ្មីរបស់ខ្លួនដែលជាប្រភេទ SUV ថ្មី​មានឈ្មោះថា Mazda CX-60 ដែលត្រៀមនឹងទម្លាក់មកក្នុងទីផ្សារអ៊ឺរ៉ុបមុនគេក្នុងពេលឆាប់ៗនេះ។ 

Mazda CX-60 នេះប្រើប្រាស់ម៉ាស៊ីនកូនកាត់ Plug-in Hybrid ស៊ីឡាំង​ចំណុះ 2.5 litre និង ម៉ូទ័រអគ្គិសនីកម្លាំង ១៣៤ សេះ ដែលសរុបទាំងអស់វាអាចផលិតកម្លាំងបាន ៣២៣ សេះ បំពាក់ជាមួយប្រអប់លេខ ៨វគ្គអូតូ និងរត់ដោយប្រើប៉ុង ២​ All-wheel Drive។ ក្នុងនោះដែរ វាអាចរត់ដោយប្រើថាមពលអគ្គិសនីសុទ្ធ បានចម្ងាយ ៦២.៧ គីឡូម៉ែត្រ ជាមួយអាគុយថាមពល ១៧.៨ kWh។ 

Mazda CX-60 ជាប្រភេទរថយន្ដ SUV​ រូបរាងស្រដៀងទៅម៉ូដែល CX-5 តែប្រើទម្រង់ម៉ូដថ្មីរបស់ Mazda ដែល ធំទូលាយ ទំនើបជាង ជាមួយនឹងកៅអី ២ជួរ។ 

សម្រាប់ផ្នែកខាងក្នុងវិញ ត្រូវបានរចនាឲ្យមានលក្ខណៈប្រណិតដូចគ្នា ដូចជាមានប្រើប្រាស់ក្រណាត់ woven fabric, ពូកស្បែក nappa និង ឈើប្រណិត នៅលើពូក កៅអី និង តាបឡូផងដែរ។ 

ទាក់ទងនឹងតម្លៃវិញ Mazda នៅមិនទាន់បង្ហើបនៅឡើយទេ ដោយរង់ចាំដល់ថ្ងៃទម្លាក់មកដល់ទីផ្សារតែម្ដង ដោយគ្រាន់តែបានឲ្យដឹងថានឹងមកដល់ទីផ្សារអ៊ឺរ៉ុបមុនគេ។ Mazda ក៏បានបន្ថែមទៀតថា បន្ទាប់ពី CX-60 ខ្លួនក៏ត្រៀមនឹងបញ្ចេញម៉ូដែលថ្មី ២ទៀតដែរ មានដូចជា Mazda CX-70 ជាមួយកៅអី ២ជួរ និង Mazda CX-90 បំពាក់កៅអី ៣ជួរ ជាម៉ូដែលជំនួសឲ្យ CX-9 នាពេលបច្ចុប្បន្ន។

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto