👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

Mercedes Benz គឺជាក្រុមហ៊ុនផលិតរថយន្ដប្រណិតរបស់អាល្លឺម៉ង់់ ដែលផលិតរថយន្ដទំនើប Luxury តម្លៃកប់ក្ដោង ដែលក្នុងនោះម៉ូឌែលរថយន្ដថ្លៃពេញនិយមជាងគេរបស់ខ្លួនគឺ Maybach ប៉ុន្ដែថ្មីៗនេះ Mercedes Benz បានប្រកាសថាខ្លួនបានបង្កើតបុត្រសម្ព័ន្ធរថយន្ដមួយសេរីទៀត ដែលទំនើប ប្រណិត ជាពិសេស គឺតម្លៃកប់ជាង Maybach នោះគឺ the Maybach SL-Class “Mythos” ។​

យោងទៅតាមការ ឲ្យដឹងពីសារព័ត៌មាន CNET, ក្រុមរថយន្ដប្រណិតថ្មី Mercedes “Mythos” គឺត្រូវបានរចនាឡើងដោយយកគម្រូទៅតាមរថយន្ដ Roadster SL-Class series របស់ Mercedes ដោយ បានកែលម្អបន្ថែមសមត្ថភាព ប្រណិតភាព ឲ្យកាន់តែអេមជាងមុន ។ 

តាមការបង្ហាញរូបភាព ចំនួន ២សន្លឹកពី Mercedes មិនបានឲ្យឃើញពីរូបរាងច្បាស់លាស់របស់វានោះទ តែគេសង្កេតឃើញថា ផ្នែកខាងក្រៅវារំលេចពណ៌ ២ផ្សេងគ្នាលើឡានតែមួយ ជាពិសេសគឺនៅរក្សាបាននូវប៉ាណាមុខបញ្ឈរៗ ដែលជាអត្តសញ្ញាណរបស់ Mercedes ដដែល ដងខ្លួនត្រូវបានពន្លូតឲ្យរាងវែងជាងមុន ប្រើម៉ូដកង់ខុសគ្នា ជាដើម។ 

ទាក់ទងជាមួយនឹងរយៈពេលកំណត់ការបង្ហាញខ្លួនរបស់ ម៉ូឌែលបុត្រសម្ព័ន្ធថ្មីនេះ ក្រុមហ៊ុន Mercedes នៅមិនទាន់បានបញ្ជាក់បានច្បាស់នៅឡើយទេ ដោយគ្រាន់តែបានប្រាប់ថា រថយន្ដនេះនឹងត្រូវផលិតឡើងសម្រាប់តែអតិថិជនដែលជាអ្នកស្រឡាញ់ចូលចិត្ត Mercedes ពិតៗ​ ដើម្បីរក្សាកិត្តិនាម ជារថយន្ដលំដាប់កំពូលរបស់ខ្លួន ក្នុងនោះ Mercedes ក៏ទើបតែបានប្រកាសថា ខ្លួននឹងវិនិយោគទុន ឲ្យបានច្រើនជាមុនលើការផលិតរថយន្ដ ប្រណិតថ្លៃៗ ដើម្បីជាប់ឈ្មោះជាម៉ាកសញ្ញាដែលផលិតរថយន្ដប្រណិត និងមានតម្លៃថ្លៃជាងគេបង្អស់ក្នុងទីផ្សាររថយន្ដ។ 

អត្ថបទ៖ Andra  AdvanAuto  

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto