👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

MG ជាម៉ាកសញ្ញារថយន្ដល្បីឈ្មោះ ដែលកំពុងតែមានប្រជាប្រិយភាពក្នុងទីផ្សារនាពេលបច្ចុប្បន្នជាមួយនឹងតម្លៃ សមរម្យ ហើយថ្មីៗនេះ​ MG Cambodia ក៏បាននាំយករថយន្ដម៉ូដែលពេញនិយមមួយទៀត របស់ខ្លួនឈ្មោះថា MG GT ឆ្នាំ ២០២២ ជាមួយនឹងតម្លៃក្នុងទីផ្សារកម្ពុជាសមរម្យខ្ទង់ ៣៨០០០ ដុល្លារ ក៏ប៉ុន្តែបើយើងក្រឡេកមើលតម្លៃនៅអារ៉ាប់វិញ ឃើញថាកាន់តែធូរថ្លៃ ត្រឹមតែជាង ១៥ ០០០ ដុល្លារ​អាមេរិកឡើងប៉ុណ្ណោះ​។

MG GT 2022 គឺជាប្រភេទឡាន Sedan ជាមួយរូបរាងបែបជាឡានស្ព័រ យកម៉ូដតាម រថយន្ដ classic MGB sport ទ្វារ ២ រចនាឡើងដោយក្រុមហ៊ុន British Motor Corporation (BMC)។

វាបានចូលមកក្នុងទីផ្សារអារ៉ាប់កាលពីខែមិនា ឆ្នាំ ២០២១​កន្លងទៅ ដោយក្រុមហ៊ុន MG Motor ប្រចាំអារ៉ាប៉រួម ដែលលក់ក្នុងតម្លៃចាប់ពី ១៥ ៦៩៥ ដុល្លារឡើងទៅសម្រាប់ម៉ូដែលធម្មតា ឬ Base Model និង ចាប់ពី ១៩​ ៨៤៨ ដុល្លារឡើងទៅសម្រាប់ Turbo charged trim ។ 

វាត្រូវបានបំពាល់មកជាមួយម៉ាស៊ីន ៤ ស៊ីឡាំង ចំណុះ ១.៥លីត្រ ដែលអាចឲ្យវាជាន់បានល្បឿនពីសូន្យទៅ ១០០គម ក្នុងមួយម៉ោង ប្រើពេលតែ ៨ វិនាទី។

សម្រាប់រូបរាងខាងក្រៅ កាត់បែបស្ព័រច្រើន ផ្នែកខាងមុខបានរំលេចជាមួយប៉ាណា​បែប​ “digital flaming grille” គួបផ្សំជាមួយគូទក្រោយ​ ducktail ។ 

រីឯផ្នែកខាងក្នុងបានរំលេចជាមួយពណ៌​ក្រហម ខ្មៅ អមជាមួយគ្រឿងពូកកៅអីទន់ងាយស្រួលអង្គុយ មានប៉ូតុងបញ្ជាមុខងារច្រើនម៉ូដ ជាមួយអេក្រង់កម្រាន្ដ Touch Screen ទំហំ​ ១០អ៊ីញ​ អាចភ្ជាប់ជាមួយប្រព័ន្ធ Apple carPlay និង​ Android Auto អេក្រង់កុងទ័រទំហំ ១២.៣ អ៊ិញ ប្រព័ន្ធ cruise control, បញ្ឆេះឡានមិនបាច់ប្រើសោរ មានអំពូលភ្លើងបំភ្លឺស្វ័យប្រវត្តិ និងជាពិសេសគឺមុខងារបន្សុទ្ធខ្យល់នៅក្នុងឡាន ឬ Air Purifying Management System ។

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto