👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

MG គឺជាម៉ាកយីហោដែលកំពុងដំណើរការលើទីផ្សារ និងកំពុងមានការគាំទ្រច្រើននាពេលបច្ចុប្បន្ន ហើយថ្មីៗនេះ ក្រុមហ៊ុន MG Thailand បានបញ្ចេញនូវម៉ូឌែលមួយដែលប្រើប្រាស់ដោយប្រព័ន្ធ Plug-in Hybrid (PHEV) នៅលើទីផ្សារប្រទេសថៃ នោះគឺជា MG HS PHEV ស៊េរីឆ្នាំ ២០២២ រថយន្តនេះត្រូវបានរចនាឡើងយ៉ាងប្រណិត និងមានរូបរាងស្អាតទាំងខាងក្រៅ ខាងក្នុងដែលមានទំហំធំទូលាយ។ 

រថយន្ដម៉ូឌែល HS PHEV ស៊េរីឆ្នាំ ២០២២ នេះនៅតែបំពាក់មកជាមួយម៉ាស៊ីន ៤ ស៊ីឡាំង Turbocharged​ ចំណុះ ១.៥ លីត្រ មានថាមពលអាគុយ ១៦.៦ kWh ដោយរួបញ្ចូលគ្នាផលិតកម្លាំងសរុបបាន ២៨០ សេះ និងកម្លាំងរមួល ៤៨០ ញូតុនម៉ែត្រ វាដំណើរការដោយកង់ខាងមុខ និងបញ្ចូនចលនាដោយប្រអប់លេខ ១០ វគ្គអូតូ ។

ចំពោះម៉ូឌែលមួយនេះវាអាចសាកអាគុយពីខាងក្រៅបានដោយរាល់ពេលដែលយើងសាកអាគុយ ១ ពេញ យើងអាចជិះបានចម្ងាយ ៦៧ គីឡូម៉ែត្រ (EV Mode) ជាមួយកម្រិតស៊ីសាំងតិច នៅពេលយើងរត់ដោយប្រើម៉ាស៊ីនចំហេះខាងក្នុងរួមគ្នាជាមួយអាគុយក្នុងចង្ងាយ ១០០ គីឡូម៉ែត្រស៊ីសាំងត្រឹមតែ ១.៥ លីត្រតែប៉ុណ្ណោះ (នៅពេលយើងសាកអាគុយ ១ ពេញ) តែបើរត់ដោយប្រើប្រាស់សាំងសុទ្ធ ១០០ គីឡូម៉ែត្រវាស៊ីសាំង ៧.៣ លីត្រ។ ក្នុងនោះដែរ ម៉ាស៊ីនប៉ុណ្ណោះអាចឲ្យវាបង្កើតល្បឿនពី ០-១០០ គីឡូម៉ែត្រក្នុងមួយម៉ោងដោយប្រើរយៈពេល ៧.៥ វិនាទី។

ជាមួយគ្នានេះដែរ សុវត្ថិភាពក៏សំខាន់សម្រាប់អតិថិជនផងដែរ ដោយ MG HS បានបំពាក់មកជាមួយមុខងារផ្ដល់ដំណឹងដល់អ្នកបើកបរនៅពេលមានឧបស័គ្គនៅក្បែរ (BSD), ជំនួយការរក្សារការបើកបរអោយនៅចំកណ្ដាលកន្លង (LCA), ប្រព័ន្ធគ្រប់គ្រង់ល្បឿនស្វ័យប្រវត្តិ (ACC), ប្រព័ន្ធចាប់សញ្ញាចរាចរណ៍ (TJA), ការគ្រប់គ្រងហ្វ្រាំងនៅលើផ្លូវកោង (CBC), 

ប្រព័ន្ធភ្លើងហ្វារឡើងចុះស្វ័យប្រវត្តិ (IHC) និង

ប្រព័ន្ធត្រួតពិនិត្យសម្ពាធកង់ជាដើម (TPMS) ។

បើក្រឡេកមកមើលជាមួយការរចនាបទ ផ្នែកខាងក្នុងវិញវាបានបំពាក់មកជាមួយ កុងទ័រប្រភេទឌីជីថលដែលមានទំហំ ១២ អ៊ីញ រួមទាំងអេក្រង់កំសាន្ដ Touch Screen ទំហំ ១០ អ៊ីញ ដែលអាចភ្ជាប់ជាមួយប្រព័ន្ធ Apple CarPlay និង Android Auto ផងដែរ។ 

រីឯការដេគ័រខាងក្រៅ ផ្នែកខាងមុខបានប្រើប្រាស់ជាមួយចង្កៀងមុខប្រភេទ quad-LED projector រចនា​គ្រីស្តាល់បួន​គូ និង​ភ្លើង​ក្រោយ​មួយគូ​ដែល​បង្កើត​ឡើង​ដោយ​អំពូល LED ចំនួន ២១ គ្រាប់ជួយឲ្យវាកានតែស្រស់ស្អាតបន្ថែមទៀត។

សម្រាប់ MG HS PHEV ស៊េរីថ្មីនេះមានដាក់លក់នៅលើទីផ្សារប្រទេសថៃ ជាមួយតម្លៃ ១,២៩៩,០០០ បាត ដែលប្រហាក់ប្រហែលនឹង ៣ ម៉ឺន ៧ ពាន់ដុល្លារជាង ។

អត្ថបទដោយ ៖ Nita @Advan Auto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto