👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

Mini Cooper S គឺជារថយន្តខា្នតតូចរបស់ចក្រភពអង់គ្លេសដែលផលិតឡើងដំបូងក្នុងឆ្នាំ ២០០១ នឹងជាកម្មសិទ្ធិរបស់ក្រុមហ៊ុន BMW មកទល់ពេលនេះរថយន្ដម៉ូឌែល Mini Cooper S នៅតែរក្សាកេរ្តិ៍ឈ្មោះមកដល់ពេលបច្ចុប្បន្ន ជាមួយការកែប្រែរូបរាងពីមួយជំនាន់ទៅមួយជំនាន់កាន់តែស្រស់ស្អាត។ 

ថ្ងៃនេះ Advan Auto នឹងប្រាប់ចំណុចសំខាន់ៗពីកូនឡានមួយនេះ ថាតូចមែន តែខ្លឹម ឡានធំល្មមៗ ហក់អត់រួចជាមួយវាទេ ។

រថយន្ដម៉ូឌែល Mini Cooper S ស៊េរីឆ្នាំ ២០២២ ដែលមានរូបរាងតូចច្រលឹងមួយនេះបានបំពាក់មកជាមួយម៉ាស៊ីន  ៤ ស៊ីឡាំងចំណុះ ២.០ លីត្រ ជំនួយដោយ Turbo អាចផលិតកម្លាំងបាន ១៨៩ សេះ និងកម្លាំងរមួល ២០៧ ញូតុនម៉ែត្រ។ 

ម៉ូឌែលមួយនេះរត់ដោយកង់ខាងមុខ វាធ្វើការបញ្ចូនចលនាតាមរយៈប្រអប់លេខដៃ ៦ វគ្គ ឬជាមួយប្រអប់លេខ ៧ វគ្គអូតូ នឹងមានសម្ថភាពអាចបង្កើតល្បឿនពី ០ ទៅ ១០០ គីឡូម៉ែត្រក្នុងមួយម៉ោងចំណាយពេល ៦ វិនាទី មាឌតូចមែនប៉ុន្ដែមិនចាញ់ឡាន Sedan ឫ ឡាន​ស្ព័រមួយចំនួនទេ។ 

ជាមួយគ្នានេះដែរបើនិយាយពីកម្រិតស៊ីសាំងវិញវាបើកបរក្នុងចង្ងាយ ១០០ គីឡូម៉ែត្រស៊ីសាំង ៨ លីត្រសម្រាប់ផ្លូវក្នុងក្រុង​ និងបើកបរនៅផ្លូវហាយវេរ ១០០ គីឡូម៉ែត្រស៊ីសាំង ៦ លីត្រ។ 

ទោះជាយ៉ាងណាក៏ដោយនៅផ្នែកខាងក្នុងរបស់ម៉ូឌែល Mini Cooper S នេះនៅតែរក្សារការរចនាបទបែបមូលៗរបៀបជាកូនឡាន ទន្ទឹមនឹងនេះវាបានបំពាក់មកជាមួយកុងទ័រឌីជីថលថ្មី និង អេក្រង់កម្សាន្ដ Touch Screen ទំហំ ៨ អ៊ីញ រាងមូលដូចនាឡិកា អាចភ្ជាប់ជាមួយប្រព័ន្ធ Apple CarPlay ឬ Android Auto បាន ។ 

គួរកត់សម្គាល់ដែរថា ផ្នែកខាងក្រៅនៃ Mini Cooper S នេះបានរចនាចង្កៀងមុខបំពាក់ដោយភ្លើង LED ជារង្វង់មើលទៅស្អាតប្លែ​ក ហើយកាន់តែពិសេសប្លែកនោះគឺចង្កៀងខាងក្រោយមានរូបទង់ជាតិអង់គ្លេសថែមទៀតផង។

បើនិយាយពីប្រព័ន្ធសុវត្ថិភាពវិញរថយន្ដមួយនេះបានបំពាក់មុខងារដូចជាហ្វ្រាំងសង្គ្រោះបន្ទាន់ស្វ័យប្រវត្តិ មុខងារគ្រប់គ្រង់ការបើកបរមិនឲ្យឡានចេញពីគន្លងផ្លូវ និងមុខងារគ្រប់គ្រង់ល្បឿនស្វ័យប្រវត្តិ។

សរុបមកម៉ូឌែល Mini Cooper S ស៊េរីឆ្នាំ ២០២២ នេះតូចច្រលឹងមែន ប៉ុន្តែកម្លាំងវិញមិនធម្មតា ខណៈដែលវាមានតម្លៃ ២៧,៧០០ ដុល្លារ ចេញពីរោងចក្រ ។

អត្ថបទដោយ៖Nita@AdvanAuto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto