👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

មួយរយៈពេលប៉ុន្មានឆ្នាំកន្លងមកនេះតម្រូវការអ្នកប្រើប្រាស់រថយន្ដខ្នាតតូចមានការកើនឡើងគួរឲ្យគត់សម្គាល់ ដោយសារតែរថយន្ដតូចៗ ងាយស្រួលក្នុងការបើកបរនៅក្នុងក្រុងជាមួយការកក់ស្ទះចរាចរណ៌សឹងតែគ្រប់ផ្លូវ ដូចនេះអតិថិជនភាគច្រើនជ្រើសរើសរថយន្ដខ្នាតតូចសម្រាប់ប្រើប្រាស់ប្រចាំថ្ងៃ។

ជាការពិតណាស់ក្រុមហ៊ុន Mitsubishi បានបញ្ជេញម៉ូឌែល Mitsubishi Mirage ស៊េរីឆ្នាំ ២០២២ ដែលវាមិនត្រឺមតែមានរូបរាងតូចច្រឡឹងទេអ្វីដែលកាន់តែពិសេសនោះវាថែមទាំងស៊ីសាំងតិចទៀតផងដោយបានបំពាក់មកជាមួយម៉ាស៊ីន ៣ ស៊ីឡាំងចំណុះ ១.២ លីត្រ ដែលអាចផលិតកម្លាំងបាន ៧៨ សេះ និងកម្លាំងរមួល ១០០ ញូតុនម៉ែត្រ ធ្វើការបញ្ជូនចលនាតាមរយៈប្រអប់លេខ (CVT) ជាប្រអប់លេខមានតែលេខ Low & High ជាមួយការដំណើរដោយកង់ខាងមុខ FWD និងបំពាក់មកជាមួយយ៉ាន់កង់ទំហំ ១៥ អ៊ីញ។

ឡានរាងតូចច្រឡឹងមួយនេះមានសម្ថភាពអាចជាន់ស្ទុះពី ០-១០០ គីឡូម៉ែត្រក្នុងមួយម៉ោងប្រើពេល ១០ វិនាទី ជាមួយកម្រិតស៊ីសាំងវិញវាសន្សំសំចៃបំផុតសម្រាប់ការបើកបរផ្លូវក្នុងក្រុង ១០០គីឡូម៉ែត្រស៊ីសាំង ៦ លីត្រ និងបើកបរលើផ្លូវហាយវេរ ១០០គីឡូម៉ែត្រស៊ីសាំង ៥ លីត្រ ជារួមវាស៊ីសាំងតិចហើយរូបរាងអេមទៀត។

ចូលមកដល់ផ្នែកខាងក្នុងវិញម៉ូឌែល Mitsubishi Mirage ស៊េរីឆ្នាំ ២០២២ នេះបំពាក់អេក្រង់កម្សាន្ដ touch screen ដែលមានទំហំ ៧ អ៊ីញអាចភ្ជាប់ជាមួយប្រព័ន្ធ

Apple CarPlay និង Android Auto ដោយបន្ថែមជាមួយ Speaker ចំនួន ៤ គ្រាប់ហើយបន្ថែមពីនេះទៅទៀតនៅលើដៃចង្កូតក៏មានប៉ូតុងបញ្ជារមុខងារជាច្រើនទៀតផងដែរ។

បើក្រឡេកមកមើលការរចនាបទនៅផ្នែកខាងក្រៅវិញផ្នែកខាងមុខបានផ្លាស់ប្ដូរថ្មីទាំងស្រុងដោយប៉ាណាខាងមុខបានបន្ថែមជាមួយក្រូមសង់ខាងយ៉ាងស្រស់ស្អាតនឹងបំពាក់ចង្កៀងមុខក្រោយប្រភេទ LED អមជាមួយអំពូលកាត់អ័ព្ទមួយគូកាន់តែភ្លឺច្បាស់បន្ថែមទៀត។

ងាកមកប្រព័ន្ធសុវត្តិភាពវិញវាមានមុខងារមិនចាញ់ឡានធំប៉ុន្មានទេដោយបានបំពាក់មកជាមួយ ប្រព័ន្ធហ្វ្រាំងសង្គ្រោះបន្ទាន់ដោយស្វ័យប្រវត្តិ, ប្រព័ន្ធរក្សារការបើកបរឲ្យនៅក្នុងកន្លង, ប្រព័ន្ធហ្វាកូដឡើងចុះស្វ័យប្រវត្តិ។

ទាក់ទងពីតម្លៃវិញរថយន្ដម៉ូឌែល Mitsubishi Mirage ស៊េរីឆ្នាំ ២០២២ មួយនេះមានតម្លៃ ១៤,៦៤៥ ដុល្លារ (ជាតម្លៃចេញពីរោងចក្រមិនទាន់បូកពន្ធនាំចូល)។

អត្ថបទដោយ៖ Nita @AdvanAuto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto