ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីថ្ងៃទី ២៦ ខែមិនា ឆ្នាំ​២០២២ ថ្មីៗនេះ ក្រសួងសាធារណការ និងដឹកជញ្ជូន បានប្រារព្ធពិធីសម្ភោធ ដាក់ឲ្យប្រើប្រាស់ ស្ថានីយ៍បញ្ចូលថាមពលរថយន្ឌអគ្គិសនីថ្មី ដែលមានទីតាំងនៅទីស្ដីការក្រសួងសាធារណការ និងដឹកជញ្ជូន អមជាមួយនឹងការ តាំងបង្ហាញរថយន្ដអគ្គិសនីពីក្រុមហ៊ុនផ្សេងៗផងដែរ។

រូបភាព៖ ការតាំងពិពណ៌ឡានអគ្គិសនីក្នុងពិធីសម្ភោធស្ថានីយ៍ឡានសាកឡានអគ្គិសនីនៅទីស្ដីការក្រសួងសាធារណការ និងដឹកជញ្ជូន

យោងតាមបទសម្ភាសជាមួយឯកឧត្តម ឈួន វ៉ន់ ក្នុងពីធីសម្ភាធបានឲ្យដឹងថា ក្រសួងសេដ្ឋកិច្ចនិងហិរញ្ញវត្ថុ បានសម្រេច បញ្ចុះតម្លៃពន្ធ នាំចូលឡានអគ្គិសនីដល់ទៅ​​ ៥០% ដើម្បីជាការលើកទឹកចិត្តឲ្យប្រជាពលរដ្ឋប្រើប្រាស់ឡានអគ្គិសនីឲ្យបានគ្រប់ៗគ្នា ហើយចំពោះរថយន្ដ EV ដែលនាំចូលនឹងត្រូវឆ្លងកាត់ការត្រួតពិនិត្យលើគុណភាព និងមានការធានាត្រឹមត្រូវ ព្រមទាំងមានតម្លៃសមរម្យផងដែរ។

រូបភាព៖ កិច្ចសម្ភាសឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ចូនផ្លូវគោក

ឯកឧត្តមកបានបន្ថែមទៀតថា ស្ថានីយ៍ដែលទើបសម្ភោធនេះមានថាមពលអគ្គិសនីចំនួន ១២០kW ហើយនឹងបន្ដដំឡើង ស្ថានីយ៍ ៣ បន្ថែមទៀតដោយមានជំនួយពី UNDP នៅបណ្ដាខេត្ត ៣ រួមមានព្រះសីហនុ បាត់ដំបង និងសៀមរាប ឲ្យបានលឿនបំផុតតាមតែអាចធ្វើទៅបាន។

ក្នុងនោះដែររដ្ឋាភិបាល ក៏កំពុងតែស្វែងរកការសហការពីក្រុមហ៊ុនស្ថានីយ៍ប្រេងឥន្ទៈធំៗ លើការសាងសង់ស្ថានីយ៍សាកឡានអគ្គិសនីបន្ថែមទៀត ចំណែកឯតម្លៃសេវាវិញ ក្រសួងកំពុងពិភាក្សា សម្របសម្រួលជាមួយ EDC និងដៃគូធនាគារនានា ដើម្បីកំណត់តម្លៃណាដែលទាបសមរម្យសម្រាប់ការប្រើប្រាស់។ 

រូបភាព៖ ទីតាំងស្ថានីយសាកឡានអគ្គិសនីនៅទីស្ដីការក្រសួងសាធារណការ និងដឹកជញ្ជូន

ឯកឧត្តមបានបញ្ជាក់ផងដែរថា បច្ចុប្បន្នការនាំចូលឡានអគ្គិសនីមានការកើនឡើងជាលំដាប់បើប្រៀបធៀបពីឆ្នាំ ២០២០ មានតែ ២គ្រឿងប៉ុណ្ណោះ ហើយមកដល់ឆ្នាំ ២០២១ កើនឡើងដល់ ៦២គ្រឿង ហើយបន្ដកើនឡើង ៣០០%ទៀតក្នុងរង្វង់ ៣ខែក្រោយក្នុងឆ្នាំនេះ ។

រូបភាព៖ ការតាំងពិពណ៌ឡានអគ្គិសនីក្នុងពិធីសម្ភោធស្ថានីយ៍ឡានសាកឡានអគ្គិសនីនៅទីស្ដីការក្រសួងសាធារណការ និងដឹកជញ្ជូន[/caption]

គួរបញ្ជាក់ផងដែរថា ដោយសារតែម្ពុជា កំពុងស្ថិតនៅក្នុងដំណាក់កាលដំបូងនៃការដាក់ឲ្យប្រើប្រាស់ឡានអគ្គិសនីនៅឡើយ ដូចនេះដើម្បីឲ្យស្របទៅតាមគោលនយោបាយ «អគ្គិសនីភាវូបនីយកម្មនៃយានយន្ត ដើម្បីអនាគតបៃតងសម្រាប់កម្ពុជា»  រដ្ឋាភិបាលកំពុងតែខ្នះខ្នែងជម្រុញការប្រើប្រាស់ឡានអគ្គិសនី តាមរយៈការជួយសម្រួលលើការរៀបចំហេដ្ឋារចនាសម្ព័ន្ធ សម្រាប់ឡានអគ្គិសនី រួមមាន ការសាងសង់ស្ថានីយសាកឡានអគ្គិសនី ដែលប្រើប្រាស់អគ្គិសនីពីប្រភព មិនប៉ះពាល់បរិស្ថាន និងត្រួតពិនិត្យគុណភាពកន្លែងផ្ដល់សេវា គ្រឿងបន្លាស់ បុគ្គលិកទទួលការបណ្ដុះបណ្ដាល និងកន្លែងសុវត្ថិភាពសម្រាប់បោះចោលអាគុយផងដែរ។ 

អត្ថបទ៖ Andra…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto