• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗនេះ កែវយឹតអាវកាស James Webb របស់​ NASA តម្លៃជិត ១០ពាន់លានដុល្លារ ត្រូវបានបាញ់បង្ហោះចេញពីផ្ទៃភពផែនដីហើយ នៅវេលាម៉ោង ៧៖២០នាទីយប់ ថ្ងៃទី២៥ ខែធ្នូ ឆ្នាំ២០២១ (ម៉ោងនៅប្រទេសកម្ពុជា) លើដែនដី ហ្កាយ៉ាណា (Guiana) ប្រទេសបារាំង ជាមួយសមត្ថភាពខ្លាំងលើសមុន ១០០ដង ក្នុងការស្រាវជ្រាវអាវកាស ។ 

James Webb នឹងត្រូវចំណាយពេល ២៩ថ្ងៃ ដើម្បីចល័តទៅឲ្យដល់គន្លងព្រះអាទិត្យ ដែលវាត្រូវធ្វើគោចរនៅចម្ងាយ ១.៥លានគីឡូម៉ែត្រពីភពផែនដី អាចទប់ទល់ជាមួយសីតុណ្ហភាពបាន -២៣០ អង្សាសេ ក្នុងគោលបំណងជីកកាយអំពីអាថ៌កំបាំងនៃការកកើតចក្រវាល និងវត្តមាននៃជីវិតដែលមានលើលំហអាកាស ដែលមិនទាន់មានអ្នកណាអាចបកស្រាយបាននៅឡើយ។ 

James Webb​ មានទម្ងន់ ៦.៥តោន និងប្រើប្រាស់រលកចម្ងាយនៃពន្លឺ infrared (infrared wavelengths) ​ដើម្បីស្វែងយល់អំពីដំណើរវិវឌ្ឍ និងពេលអតីតកាលនៃទីអវកាស វាបំពាក់ដោយ បណ្តុំកញ្ចក់មាសមុខកាត់ ៦.៥ម៉ែត្រ, កាមេរ៉ាស្វ័យប្រវត្តិ និងឧបករណ៍ពិសេសមួយចំនួនទៀត ដែលបានរចនាឡើង ដើម្បីចាប់យកពន្លឺ infrared និង ឆ្លុះទម្លុះកម្ទេចធូលីនៅក្នុងទីអវកាស ជាមួយនឹងជម្រៅ (រយៈចម្ងាយបំបែកពីចំនួន n ឆ្នាំពន្លឹសរុប) លើសពី ១៣.៥ ពាន់លានឆ្នាំមុនក្នុងចក្រវាល ដើម្បីសិក្សាវត្ថុអវកាសឆ្ងាយៗ និងត្រជាក់ខ្លាំងបាន។ វាមានសមត្ថភាពឆ្លុះមើលដឹងអំពីធាតុផ្សំ នៅក្នុងបរិយាកាសភពនានាដែលសំខាន់ខ្លាំងបំផុត សម្រាប់តារាវិទូអាចសន្មត់ថា ភពមួយនោះមានជីវិតរស់នៅដែរឬអត់។ 

អត្ថបទ៖ Andra 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto 

Subscribe Youtube Channel : 👉Advan Auto 

Follow TikTok : 👉Advan Auto 

Follow Instagram : 👉Advan Auto