👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

កាលពីពេលថ្មីៗនេះ តាមការចុះផ្សាយពីសារព័ត៌មាន Bangkok Post បានឲ្យដឹងថា ក្រុមហ៊ុនផលិតរថយន្ដល្បីឈ្មោះ ២ របស់ជប៉ុន Nissan Motor Co និង Mitsubishi Motor Corp បានចាប់ដៃសហការគ្នាផលិតរថយន្ដអគ្គិសនីខ្នាតតូចគួរឲ្យស្រឡាញ់ ២ ម៉ូដែល ជាមួយនឹងតម្លៃទាបជាង ១៥០០០ ដុល្លារ ឈ្មោះថា Nissan Sakura និង Mitsubishi eK X EV ។ 

លោក Makoto Uchida នាយកប្រតិបត្តិក្រុមហ៊ុន Nissan បានមានប្រសាសន៍ថារថយន្ដអគ្កិសនីទាំងពីរម៉ូដែលនេះ គឺជាប្រភេទរថយន្ដ Kei Car ឬ ធុនតូច ងាយស្រួលសម្រាប់ប្រើប្រាស់ក្នុងក្រុង ដែលមានចរាចរណ៍ ចង្អៀតណែនណាន់តាន់តាប់ដូចនៅជប៉ុន និងសក្ដិសមសម្រាប់ការបើកលើផ្លូវ Highway តូចៗ នៅក្រៅក្រុងផងដែរ។

វាភ្ជាប់ជាមួយម៉ូទ័រអគ្កិសនី ១ គ្រាប់ ផ្ដល់កម្លាំងបាន ៦៣ សេះ និងអាគុយថាមពល ២០kWh អាចបើកបានចម្ងាយ ១៨០ គម រាល់ពេលសាកពេញម្ដង ដែលប្រើពេលសាក តែ ៤០នាទី ប៉ុណ្ណោះ ពី ០% ទៅ ៨០% ។ 

Nissan Sakura ជាប្រភេទកូនរថយន្ដ hatchback ប្រើអគ្គិសនីសុទ្ធ យកគម្រូរចនាតាម Nissan IMk electric car concept របស់ Nissan កាលពីឆ្នាំ ២០១៩ មានទំហំខ្លួនតូច ប៉ាណាមុខធំ មានអំពូល LED ជាពិសេសគឺ ពណ៌ផ្កាសាគូរ៉ា ដែលសម្គាល់ឈ្មោះ របស់វាផងដែរ។ ផ្នែកខាងក្នុងមាន កុងទ័រ digital ទំហំ ៧​ អុិញ អេក្រង់កម្រាន្ដ Touch screen ទំហំ ៩ អុិញ មានច្ចេកវិទ្យាទំនើប អាចភ្ជាប់ជាមួយ Apple CarPlay មានប្រព័ន្ធជំនួយអ្នកបើកបរ Nissan’s ProPilot suite និងប្រព័ន្ធចតឡានស្វ័យប្រវត្តិផងដែរ ជាពិសេសគឺមានថតតាបឡូទូលាយដាក់ឥវ៉ាន់បានច្រើន ។ 

រីឯ Mitsubishi eK X EV វិញក៏ជាផ្នែកមួយនៃការសហការផលិតរវាងក្រុមហ៊ុនទាំងពីរ ដូចគ្នាដែរ ដូចនេះចំពោះរូបរាង សមត្ថភាព ការរចនាផ្នែកក្នុងក្រៅ និងបច្ចេកវិទ្យាផ្សេងៗ គឺប្រហាក់ប្រហែលនឹង Nissan Sakura ដែរ។ 

Nissan បានឲ្យដឹងដែរថា រថយន្ដទាំងពីរម៉ូដែលនេះនឹងត្រូវបើកឲ្យចេញលក់ដំបូងក្នុងទីផ្សារប្រទេស ជប៉ុនសិន នៅរង្វង់ត្រីមាសទី ៣​ឆ្នាំនេះ ជាមួយតម្លៃចាប់ផ្ដើមពី ១៤០០០ ដុល្លារ ឡើងទៅ ហើយមានបំណងនឹងផលិតឲ្យវាមានតម្លៃតិចជាងនេះ ដើម្បីឲ្យស្របទៅតាមលក្ខណ្ឌរថយន្ដ ធុនតូចរបស់ជប៉ុន ដែលមានតម្លៃជាមធ្យម ១១៧០០ ដុល្លារ។ 

គូរបញ្ជាក់ផងដែរថា ក្រៅពីក្រុមហ៊ុនទាំងពីរនេះ មានក្រុមហ៊ុនជប៉ុនល្បីៗផ្សេងៗទៀតដូចជា Toyota Motor Corp, Honda Motor, Daihatsu Motor Co ជាដើម ក៏កំពុងតែរៀបចំគម្រោងផលិតរថយន្ដអគ្គិសនីទាំងខ្នាតតូច និងខ្នាតធំ ដើម្បីប្រកួតប្រជែងទីផ្សារឡានអគ្គិសនីនៅប៉ុន្មានឆ្នាំខាងមុខនេះ និងដើម្បីស្របតាមយុទ្ធសាស្រ្ដការបំពុលបរិយាកាសស្មើ សូន្យរបស់ខ្លួនត្រឹមឆ្នាំ ២០៥០ ផងដែរ ។ 

អត្ថបទ៖ Andra  AdvanAuto  

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto