• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ https://bit.ly/3FZefOr ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

ខណៈរាជរដ្ឋាភិបាលថៃមិនយកពន្ធនាំចូលឡានអគ្គិសនីពីចិន ទីផ្សារឡានអគ្គិសនីថៃមានតម្លៃកាន់តែទាបអំឡុងពេល ក្រុមហ៊ុនផលិតឡានចិនបានដាក់លក់ឡានប្រើអគ្គិសនី ១០០% ក្នុងតម្លៃធូរថ្លៃបំផុត។ 

ក្រោមកិច្ចព្រៀមព្រៀងពាណិជ្ជកម្មសេរី អាស៊ាន-ចិនក្នុងន័យពន្ធនាំចូល ០% ក្រុមហ៊ុនផលិតឡានចិន Great Wall Motor បានដាក់សម្ពោធឡានប្រើអគ្គិសនី ១០០%  the Ora Good Cat ក្នុងតម្លៃដ៏ធូរថ្លៃ ចន្លោះពី ៩៨៩,០០០បាត ទៅដល់ ១,១៩ លានបាត ឬ តម្លៃប្រមាណជាង ៣មុឺនដុល្លារ ដល់ ៣,៥ មុឺនដុល្លារតែប៉ុណ្ណោះ។ 

ជាមួយនឹងតម្លៃដ៏ប្រកួតប្រជែងមួយនេះ ក្នុងរយៈពេលត្រឹម២៤ម៉ោងប៉ុណ្ណោះឡានអគ្គិសនី Good Cat បានទទួលការបញ្ជាទិញតាមរយៈប្រព័ន្ធអនឡាញរហូតដល់ ៤,២៩៦ គ្រឿងឯណោះកាលពីចុងឆ្នាំ ២០២១ កន្លងទៅ នេះបើតាមការចុះផ្សាយរបស់សារពត៌មាន KrAsian។

ខណៈតម្លៃឡានអគ្គិសនីចិនកាន់តែទាប នេះប្រៀបដូចជាការដាក់សម្ពាធទៅលើក្រុមហ៊ុនផលិតឡានអគ្គិសនីជប៉ុន ដែលព្យាយាមលក់ឡានស៊េរី Hybrid របស់ខ្លួនក្នុងតម្លៃប្រហាក់ប្រហែលនិងឡានអគ្គិសនីចិនដែរ ។ 

ជាមួយគ្នានោះដែរក្រុមហ៊ុនផលិតឡានជប៉ុន Honda បានដាក់លក់ឡានអគ្គិសនី Hybrid ជំនាន់ថ្មីមានតម្លៃចន្លោះពី ៩៧៩,០០០បាត ដល់ ១,១៧៩ លានបាត។ ខណៈរថយន្តទំនើប Mercedes-Benz​ ដាក់លក់រថយន្តម៉ូដែល Plug-in Hybrid ចំនួន៣ ដែលមានតម្លៃចាប់ពី ២,៧៣ លានបាត រហូតដល់ ៣,៧៧ លានបាតឯណោះ។  

គួរបញ្ជាក់ថា អំឡុងពេលទីផ្សារឡានអគ្គិសនីកាន់តែទាប រាជរដ្ឋាភិបាលថៃបានកំណត់គោលដៅយ៉ាងមុឺងម៉ាត់ថានិងមានចំនួន ប្រជាជនប្រើប្រាស់ឡានអគ្គិសនីចរាចរណ៍ក្នុងប្រទេសអោយបាន ១,៥ លានគ្រឿងមុនឆ្នាំ​២០៣០ ខាងមុខ។ 

អត្ថបទដោយ៖ មុីស៊ាង

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto