មិនធម្មតា ឡានបុរាណ Mercedes Benz ១ គ្រឿងនេះមានតម្លៃដល់ ១៤៣ លានដុល្លារ ជាប់ជាឡានដែលថ្លៃបំផុតលើពិភពលោក

👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ថ្មីៗនេះក្រុមហ៊ុនផលិតរថយន្ដលំដាប់ Mercedes Benz ទើបតែបានសម្រេចការលក់ចេញនូវរថយន្ដបុរាណកម្ររបស់ខ្លួន មួយគ្រឿងឈ្មោះថា Mercedes Benz 300 SLR Uhlenhaut coupes ជាមួយនឹងតម្លៃដល់ទៅ ១៤៣ លានដុល្លារ ដែលបំបែកកំណត់ត្រាជាប់ឈ្មោះជារថយន្ដដែលមានតម្លៃថ្លៃជាងគេបំផុតលើពិភពលោក។

រូបភាព៖ Mercedes Benz 300 SLR Uhlenhaut Coupe

ក្រុមហ៊ុន Mercedes បានឲ្យដឹងថា រថយន្ដប្រណិត Mercedes Benz 300 SLR Uhlenhaut នេះគឺជាប្រភេទរថយន្ដកម្រមួយ ក្នុងប្រជុំរថយន្ដ Classic របស់ Mercedes ដែលជាស្នាដៃពិសេសរបស់បិតាស្ថាបនិករថយន្ដប្រណិត Rudolf Uhlenhaut ផលិតឡើងក្នុងកំឡុងឆ្នាំ ១៩៥៥ ហើយមានតែ ២ គ្រឿងប៉ុណ្ណោះ ដែល Mercedes បានតម្កល់ទុកក្នុងសារមន្ទីររថយន្ដរបស់ខ្លួនរហូតមកដល់ពេលបច្ចុប្បន្ន ដោយទើបតែសម្រេចលក់ចេញមួយគ្រឿង ជាមួយតម្លៃកប់ពពកនៅពេលនេះ។

Mercedes បានឲ្យដឹងដែរថា រថយន្ដនេះត្រូវបានដាក់លក់ក្នុងកម្មវិធីដេញថ្លៃសម្ងាត់មួយ រៀបចំឡើងនៅសារមន្ទីររថយន្ដ របស់ Mercedes ក្នុងក្រុង Stuttgart ប្រទេស អាល្លឺម៉ង់ កាលពីថ្ងៃទី ៥ ខែឧសភាកន្លងទៅនេះ ដោយអនុញ្ញាតឲ្យតែអ្នកមានមុខមាត់ និងមហាសេដ្ឋីមួយចំនួនចូលរួមតែប៉ុណ្ណោះ ក្នុងនោះ Mercedes សុំមិនបញ្ចេញឈ្មោះសេដ្ឋីដែលដេញថ្លៃយកបានរថយន្ដប្រណិតមួយគ្រឿងនេះទេ ដោយគ្រាន់តែបង្ហើបថា គាត់ជាអ្នកមានមុខមាត់ម្នាក់ក្នុងវិស័យយានយន្ដរបស់អង់គ្លេស និងជាអ្នកចូលចិត្តប្រមូលទិញរថយន្ដប្រណិតៗបែបនេះ។

រូបភាព៖ Mercedes Benz 300 SLR Uhlenhaut Coupe និងលោក Rudoft Uhlenhaut បិតាស្ថាបនិករថយន្ដប្រណិតនេះ

តម្លៃលក់ចេញដ៏មហាសាល ១៤៣ លានដុល្លារ នេះបានធ្វើឲ្យ Mercedes Benz 300 SLR Uhlenhaut នេះ បំបែកកំណត់ត្រាចាស់កាន់ដោយ រថយន្ដ Ferrari 250 GTO ឆ្នាំ ១៩៦៣ ជាឡានថ្លៃជាងគេបំផុតលើពិភពលោក ដែលបានលក់ចេញក្នុងតម្លៃ ៧០ លានដុល្លារ កាលពីឆ្នាំ ២០១៨។

Mercedes បានបន្ថែមទៀតថា សម្រាប់ទឹកប្រាក់ដែលលក់បាន នឹងត្រូវយកទៅផ្គត់ផ្គង់ក្នុងកម្មវិធីសប្បុរសធម៌របស់ Mercedes ឬ Mercedes Benz Fund ដោយផ្ដល់ជូនជាអាហារូបករណ៍ដល់សិស្សនិស្សិតដែលសិក្សាស្រាវជ្រាវក្នុង វិស័យវិទ្យាសាស្រ្តបរិស្ថាន និងប្រឆាំងការបំពុលបរិយាកាស ជុំវិញពិភពលោក។

អត្ថបទ៖ Andra AdvanAuto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto

មិនធម្មតា ឡានបុរាណ Mercedes Benz ១ គ្រឿងនេះមានតម្លៃដល់ ១៤៣ លានដុល្លារ ជាប់ជាឡានដែលថ្លៃបំផុតលើពិភពលោក

អត្ថបទថ្មី

អត្ថបទទាក់ទង

វីដេអូ