ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ក្រោយពីបានប្រកាសបង្ហាញគម្រូយន្ដហោះតាក់ស៊ីអគ្គិសនីកាលពីឆ្នាំ ២០២០ កន្លងទៅ ថ្មីៗនេះ ក្រុមហ៊ុនផលិតយន្ដហោះ SkyDrive ប្រកាសថាខ្លួនបានចាប់ដៃគ្នាសហការជាមួយក្រុមហ៊ុន Suzuki ផលិតយន្ដហោះតាក់ស៊ីប្រើប្រាស់អគ្គិសនីនេះ ឲ្យចេញរូបរាងក្នុងឆ្នាំ ២០២៥ ព្រមទាំងគ្រោងតាំងបង្ហាញក្នុងកម្មវិធី World Exposition ក្នុងក្រុង​ អូសាកា ប្រទេសជប៉ុនផងដែរ។ 

យន្ដហោះតាក់ស៊ីអគ្គិសនីនេះ ត្រូវបានគេឲ្យឈ្មោះថា the SD-XX ប្រើប្រាស់ប្រព័ន្ធអគ្គិសនី និងឡើងចុះនៅនឹងមួយកន្លែងដូចឧទ្ធម្ភចក្រ ដោយមិនបាច់ត្រូវការផ្លូវរត់ដូចយន្ដហោះធម្មតាឡើយ ឬគេអាចហៅប្រព័ន្ធនេះបានថា eVTOL (electric Vertical takeoff and landing)។ 

សម្រាប់ទំហំរូបរាងរបស់វាវិញ SD-XX មានបណ្ដាយប្រវែង ៣.៩ ម៉ែត្រ ទទឹង ៣.៥ ម៉ែត្រ និងកម្ពស់ ១.៥២ ម៉ែត្រ បំពាក់កៅអី ២ និងម៉ូដែលកៅអីមួយ មួយទៀតឈ្មោះថា SD-03 ដែលទើបតែត្រូវបានធ្វើតេស្ដសាកល្បងកាលពីខែសីហាកន្លងទៅនេះ។  

ជាមួយនឹងស្លាបចក្រជំនួយដល់ទៅ ៨ អាចធ្វើឲ្យវាហោះឡើងបានកម្ពស់ ៥០០ ម៉ែត្រ ជាមួយនឹងល្បឿនហោះហើរជាមធ្យម ១០០ គម/ម ក្នុងរយៈចម្ងាយ ២០ គម។ SkyDrive ក៏បានបន្ថែមទៀតថា ក្រៅពីនេះ SD-XX ក៏មានភ្ចាប់មកជាមួយចម្រើស (option) នៃការបើកបរក្នុងល្បឿន ៦០គម/ម ដែលអាចពន្យារចម្ងាយធ្វើដំណើរបានដល់ទៅ ៣២ គម។   

គួរបញ្ជាក់ផងដែរថា​ ក្រុមហ៊ុន SkyDrive គឺជាក្រុមហ៊ុនបុត្រសម្ព័ន្ធសហការរវាងក្រុមហ៊ុន Toyota, Fujitsu និង​ Panasonic ដែលបង្កើតឡើងក្នុងគោលបំណងសម្រេចគម្រោងការចរាចរណ៍លើអាកាស (Air Mobility) ក្នុងប្រទេសជប៉ុន ឲ្យចេញជារូបរាងឡើង ព្រមទាំងបានទទួលការគាំទ្រពេញទំហឹងពីរាជរដ្ឋាភិបាលជប៉ុនផងដែរ។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto