• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈ

https://bit.ly/3FZefOr

ឬផ្ញើ CV មកកាន់ ៖

Email : Sotheara@advan-auto.com

Telegram : 015 201 102

…………………………………………………………………..

ស្របពេលក្រុមហ៊ុនបច្ចេកវិទ្យាធំៗដូចជា Apple, Huawei កំពុងគ្រោងផលិតឡានអគ្គិសនីផ្ទាល់ខ្លួន ពេលនេះ ក្រុមហ៊ុនបច្ចេកវិទ្យាយក្សរបស់ជប៉ុន Sony នៅមិនស្ងៀម បានបើកបញ្ចេញមុខគម្រូឡានអគ្គិសនី សេរីថ្មីមួយទៀតរបស់ខ្លួន បំបែកម៉ូដចេញពីគម្រូឡានអគ្គិសនីដំបូង Vision-S 01 ដែលបានចេញមុខកាលពី ២ឆ្នាំមុន ដោយយកមកតែងតួសង្ហាជាងមុន និងឡើងកូត បំពាក់បច្ចេកវិទ្យាទំនើបៗ។

Vision-S 02 ត្រូវបានចេញមុខនៅក្នុងកម្មវិធីធ្វើបទបង្ហាញផលិតផលថ្មីរបស់ Sony កាលពីពេលថ្មីៗនេះ ដោយ Sony បានឲ្យដឹងថា Vision-S ជំនាន់ទី ២នេះ នឹងបំពាក់មកជាមួយមូទ័រអគ្គិសនីមួយគូ ថាមពល ២០០គីឡូវ៉ាត់ ផលិតកម្លាំងបាន ២៦៨ សេះ។ វាជាប្រភេទឡាន SUV មានទំហំប្រហាក់ប្រហែលនឹង Tesla Model Y មាន ទម្ងន់ខ្លួនសរុប ២៤៧៩គក។ 

តាមរយៈវីដេអូដែលបានបង្ហោះក្នុងវេបសាយផ្លូវការរបស់ Sony បានឲ្យឃើញពីផ្នែកខាងក្នុងដែលមានលក្ខណៈ ទូលាយ អាចផ្ទុកអ្នកដំណើរបានពី ៥ទៅ ៧នាក់។

ផ្នែកខាងមុខមានបំពាក់អេក្រង់កម្រាន្ដទំហំធំពេញមួយតាបឡូ និងអេក្រង់កម្សាន្ដ ៣ភ្ជាប់គ្នាទៀតនៅផ្នែកខាងក្រោយ, មានភ្ជាប់ប្រព័ន្ធទំនាក់ទំនងល្បឿនលឿន 5G, ប្រព័ន្ធបំពងសម្លេង 3D sound និង Ultrasonic Sensor ចំនួន ៤០គ្រាប់, រ៉ាដា, ប្រព័ន្ថភ្លើង Lidar ដើម្បីសម្រួលដល់មុខងារបើកបរ និងចតស្វ័យប្រវត្តិ។ 

គួរបញ្ចាក់ផងដែថា ក្រោយពីបង្ហាញមុខគម្រូឡានអគ្គិសនីទី ២របស់ខ្លួនហើយ Sony បានប្រកាសបើកសម្ភោធ ក្រុមហ៊ុនថ្មីមួយទៀតក្នុងរង្វង់ឆមាសទី១ ឆ្នាំ ២០២២នេះ មានឈ្មោះថា Sony Mobility Inc. ដែលផ្ដោតសំខាន់លើការអភិវឌ្ឍ និងបង្កើតឡានអគ្គិសនី ដើម្បីបំពេញមហិច្ឆតាប្រកួតប្រជែង លើទីផ្សារឡានអគ្គិសនី របស់់ខ្លួននៅថ្ងៃអនាគត។ 

អត្ថបទដោយ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto