👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ម៉ូឌែល Jimny គឺជារថយន្តប្រភេទ SUV ខ្នាតតូច ដែលផលិត និងដាក់លក់ដោយក្រុមហ៊ុនជប៉ុន Suzuki តាំងពីឆ្នាំ ១៩៧០ មកម្លេះ ។ កាលពីប៉ុន្មានឆ្នាំកន្លងមកនេះវាក៏ជារថយន្ដមួយដែលមានការពេញនិយម និងមានអ្នកប្រើប្រាស់ជាច្រើនគ្រប់វ័យ ហើយ Jimny ជំនាន់មុនៗ គឺជារថយន្ដដែលមានតែទ្វាពីរតែប៉ុណ្ណោះ។

ខណៈពេលនេះផងដែរក្រុមហ៊ុន Suzuki បានបង្ហាញជាមួយរូបរាងថ្មីរបស់ម៉ូឌែល Jimny ស៊េរីឆ្នាំ ២០២៣ នេះត្រូវបានកែប្រែថ្មី ដោយបានរចនារថយន្ដនេះទៅជាប្រភេទ SUV ដែលមានទ្វា ៤ មើលទៅកាន់តែស្រស់ស្អាត មានទំហំធំទូលាយជាងមុន ក៏ប៉ុន្តែសម្រាប់កម្ពស់នៃរថយន្ដវិញនៅតែមិនផ្លាស់ប្ដូរ។

មានពាក្យចចាមអារ៉ាមពីប្រទេសជប៉ុនបាននិយាយថាក្រុមហ៊ុន Suzuki គ្រោងនឹងហៅម៉ូឌែលទ្វារ ៤​​​​ នេះថា Jimny Long បើយើងមើលពីខាងមុខវាហាក់ដូចជាមិនមានអ្វីខុសគ្នាពីម៉ូឌែលទ្វាពីរនោះទេ ក៏ប៉ន្តែបើមើលពីចំហៀងវិញវានិងមានភាពខុសគ្នាខ្លះជាមួយប្រវែងដែលវែងជាងមុន។

Jimny ស៊េរីថ្មីនេះត្រូវបានគេរាយការណ៍ថានឹងប្រហែលជាអាចទទួលបានម៉ាស៊ីនថ្មី turbocharged mild hybrid ​សន្សំ​សំចៃសាំងបានល្អ អាចផលិតកម្លាំងបាន ១០៣ សេះ និងកម្លាំងរមួល ១៣៧ ញូតុនម៉ែត្រ ឡានមួយនេះធ្វើការបញ្ចូនចលនាតាមរយៈប្រអប់លេខ ៦ វគ្គអូតូ រត់ដោយកង់ទាំងអស់ (AWD) ហើយក្រុមហ៊ុន Suzuki បានបន្តទៀតថាខ្លួន និងផលិតរថយន្ត Jimny Long នេះយ៉ាងរឹងមាំដោយផ្តោតលើការបើកបរដែលមានសម្ថភាពខ្លាំងលើផ្លូវ Off Road ដូចម៉ូឌែលផ្សេងៗទៀត។

គួរបញ្ជាក់ផងដែរថាការបង្ហាញខ្លួនដំបូងរបស់រថយន្ត Suzuki Jimny ទ្វារ ៤ ស៊េរីថ្មីនេះ និងរំពឹងថានឹងបង្ហាញខ្លួននៅចុងឆ្នាំ ២០២២ ឬដើមឆ្នាំ ២០២៣ ខាងមុខនេះសម្រាប់ព៌ត័មានទាក់ទង់ពីតម្លៃក្រុមហ៊ុនមិនទាន់បញ្ចេញនៅឡើយទេ។

អត្ថបទដោយ៖ Nita @AdvanAuto

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto