ចង់ចូលរួមសរសេរអត្ថបទទាក់ទងនឹងវិស័យយានយន្តនៅ Advan Auto សូមដាក់ពាក្យតាមរយៈhttps://bit.ly/3FZefOrឬផ្ញើ CV មកកាន់ ៖Email : Sotheara@advan-auto.comTelegram : 015 201 102…………………………………………………………………..

• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ក្រុមហ៊ុនផលិតរថយន្ដអគ្គិសនី ល្បីឈ្មោះ Tesla កាលពីពេលថ្មីៗបានដំឡើងថ្លៃរថយន្ដរបស់ខ្លួនលើគ្រប់ម៉ូដែល ទាំងអស់ ក្នុងនោះម៉ូដែលដែលមានតម្លៃទាបជាងគេគឺចាប់ផ្ដើមពី ៤៧០០០ ដុល្លារ ឡើង ស្របពេលតម្រូវការ ឡានអគ្គិសនីខ្ពស់ ព្រោះបញ្ហាសាំងឡើងថ្លៃ នេះបើយោងតាមការចុះផ្សាយរបស់សារព័ត៌មាន Electrek។ 

តម្លៃឡាន Tesla ទើបតែស្រាកស្រាន្ដការឡើងថ្លៃនៅបំណាច់ឆ្នាំ ២០២១ កន្លងទៅ ប៉ុន្ដែ នៅប៉ុន្មានសប្ដាហ៍ចុងក្រោយ ក្នុងឆ្នាំ២០២២ នេះ លោក Elon musk បានបង្ហោះសារក្នុងគណនីបណ្ដាញសង្គម Twitter របស់លោកថា រថយន្ដ Tesla នឹងឡើងតម្លៃ ១០០០ ដុល្លារពីលើតម្លៃដែលឡើងហើយ លើគ្រប់ម៉ូដែលទាំងអស់ ដែលមានភ្ជាប់មកជាមួយនឹងអាគុយដែលមានថាមពលជិះបានយូរ។ 

ក្នុងនោះ សម្រាប់រថយន្ដអគ្គិសនី Tesla Model 3 ប៉ុងមួយ Rear Wheel Drive ដែលជាម៉ូដែលតម្លៃទាបជាងគេរបស់ Tesla បានឡើងថ្លៃដល់ ៤៦ ៩៩០ ដុល្លារ ឬលើសតម្លៃមុន ២០០០ ដុល្លារ រីឯ Model 3 Dual Motor All Wheel Drive តម្លើង ២៥០០ ដុល្លារ ដែលស្មើនឹងតម្លៃពេញ ៥៤ ៥០០ ដុល្លារ

ចំណែក Tesla Model Y វិញឡើងដល់ ៦២ ៩៩០ ដុល្លារ សម្រាប់ version ធម្មតា ហើយ performance version SUV មានតម្លៃ ៦៧ ៩៩០ ដុល្លារ, Tesla Model S វិញឡើងដល់ទៅជាង ១០ម៉ឺនដុល្លារ គឺ ៩៩ ៩៩០ ដុល្លារ ហើយសម្រាប់ Performance version ឡើងលើសតម្លៃដើម ៥០០០ ដុល្លារ ងាកមក Model X វិញឡើងថ្លៃលើសគេដល់ទៅ ១១៤ ៩៩០ ដុល្លារ។ 

គួរបញ្ជាក់ថា តម្លៃចេញថ្មីនេះគឺជាតម្លៃសម្រាប់រថយន្ថដែលចេញថ្មី ឬទទួលការកម្មង់ថ្មីក្រោយថ្ងៃប្រកាស រីឯរថយន្ដដែលអតិថិជនបានកម្មង់ទិញមុនពេលឡើងថ្លៃគឺតម្លៃនៅដដែល។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto