• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ម្ចាស់ឡាន Tesla សញ្ជាតិហ្វាំងឡង់ម្នាក់ បានធ្វើរឿងភ្ញាក់ផ្អើលមួយ ដែលទាក់ទាញចំណាប់អារម្មណ៍មនុស្សជាច្រើនលើអ៊ីនធឺណេត ដោយជំនួសឲ្យការចំណាយលុយជួសជុលរថយន្ដ Tesla Model S សេរីឆ្នាំ ២០១៣ របស់ខ្លួន គាត់សម្រេចចិត្តកម្ទេចឡាននេះចោលតែម្ដង ។ 

តាមការឲ្យដឹងពីម្ចាស់ឡាន លោក Tuomas Katainen បានឲ្យដឹងថា ដំបូងឡើយឡាន Tesla Model S របស់គាត់នេះដំណើរការបានល្អធម្មតានោះទេ រហូតដល់ពេលបើកបានចម្ងាយ ១៥០០ គីឡូម៉ែត្រ វាចាប់ផ្ដើម លោតកូដ Error ចេញសញ្ញាមិនប្រក្រតីមកស្អេកស្កះ ហើយ គាត់ក៏សម្រេចចិត្តយករថយន្ដ ទៅកាន់ភ្នាក់ងារលក់ឡាន Tesla ។

ក្រោយការពិនិត្យ ខាងភ្នាក់ងារតេស្លាបានប្រាប់ថា ឡានរបស់គាត់មានបញ្ហាអាគុយ មិនអាចជួសជុលបានទេ ត្រូវការប្ដូរអាគុយទាំងមូលតែម្ដង ដែលគិតជាទឹកប្រាក់គឺ ២២ ៦០០ ដុល្លារ ហើយជម្រើសមួយទៀតគាត់អាចសម្រេចចិត្តទិញឡានតេស្លាមួយទឹក Model ដូចគ្នាតម្លៃ ខ្ទង់ ៤២​ ៩០០ ដុល្លារ ដែលធ្វើឲ្យគាត់មានការខឹងសម្បារហើយក៏សម្រេចចិត្តថា នឹងកម្ទេចឡានចោលតែម្ដង។ 

ម្ចាស់ឡានរូបនេះ បានបំពាក់គ្រាប់បែកដែលមានទម្ងន់សរុប ៣០ គីឡូក្រាម នៅជុំវិញឡាន រួចបើកទៅបំផ្ទុះចោលក្នុងតំបន់ Jaala ភាគខាងត្បូងប្រទេសហ្វាំងឡង់ និងថតយកសកម្មភាព ដំណើរការបំផ្ទុះ បង្ហោះចូលក្នុង Youtube។ ប៉ុន្ដែមុននឹងចាប់ប្រតិបត្តិការគាត់ក៏បានដោះយកគ្រឿងមានតម្លៃចេញ ដូចជា ម៉ូទ័រអគ្គិសនី original ជាដើម។ 

គាត់បានបន្ថែមទៀតថា ទោះគាត់មិនបានចំណេញអីមកវិញក៏ដោយ តែហោចណាស់គាត់បានបង្ហាញទៅ ភ្នាក់ងារជួសជុលរបស់តេស្លា គាត់សុខចិត្តកម្ទេចឡានខ្លួនឯងខ្លួន ជាជាងទៅចំណាយលុយជាង ពាក់កណ្ដាលតម្លៃឡានថ្មី មកជួសជុលឡានចាស់ដដែលដែរ។ 

អត្ថបទ៖ Andra

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto