• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗនេះ មហាសេដ្ឋីប្រាក់ពាន់លាន ដែលជាស្ថាបនិកក្រុមហ៊ុនឡានអគ្គិសនី Tesla និងជាម្ចាស់ SpaceX លោក Elon Musk បានប្រកាសនៅក្នុងបទសម្ភាសរបស់កម្មវិធី Lex Fridman ថាក្នុងរយៈពេលចន្លោះពី ៥ទៅ ១០ឆ្នាំខាងមុខទៀត SpaceX នឹងនាំមនុស្សទៅដើរកម្សាន្ដលើទឹកដីភពអង្គារ។

៉បើសំណាងល្អ ៥ ឆ្នាំ បើសំណាងអាក្រក់ ១០ ឆ្នាំ” នេះជាសម្តីផ្ទាល់របស់លោក Elon Musk ។

លោក Musk បានឲ្យដឹងដែរថា ការបង្កើត យានឆ្លងភព ឬ Starship នេះមានលក្ខណៈស្មុគស្មាញ ជាងការបង្កើតគ្រឿងយន្ដផ្សេងៗឆ្ងាយណាស់ ដោយវាទាមទារនូវ ធនធានមនុស្សដែលមានចំណេះដឹងខ្ពស់ បច្ចេកវិទ្យាទំនើប ពេលវេលា ព្រមទាំងថវិកាផងដែរ តែទោះបីជាយ៉ាងណាក៏ដោយបច្ចុប្បន្ននេះ ក្រុមវិស្វករ SpaceX បានកំពុងតែធ្វើការស្រាវជ្រាវ និងអភិវឌ្ឍលើគម្រោងនេះយ៉ាងស្វិតស្វាញហើយដែរ ។

ដោយកាលពីដើមខែថ្មីៗនេះ SpaceX បានចាប់ផ្ដើមសាងសង់ទីតាំងសម្រាប់បង្ហោះយានឆ្លងភព ឬ Starship នេះក្នុងរដ្ឋ Florida សហរដ្ឋអាមេរិក ព្រមទាំងបានសម្រេចការបាញ់បង្ហោះសាកល្បងរុកកែតជាដើម ដែលមានកម្ពស់ ៤០០ ហ្វីត ឬ ១២១.៩២ ម៉ែត្រ មុនពេលចាប់ផ្ដើមដំណើរការលើរបស់ពិត និង កំពុងតែធ្វើការរចនាទ្រង់ទ្រាយយាន Starship នេះដើម្បីធ្វើការព្យាករណ៍នូវតម្លៃផលិតផងដែរ។

គួរបញ្ជាក់ផងដែរថា SpaceX ធ្លាប់បានទទួលជោគជ័យលើការបង្ហោះយានអាវកាស នាំមនុស្សទៅក្នុងលម្ហអាវកាសម្ដងរួចមកហើយកាលពីខែ សីហាកន្លងទៅ ដែលជាយានផ្ទុកមនុស្សបាន ៤នាក់ ។